ନୂଆଦିଲ୍ଲୀ,୨୪।୭: ଏବେ ଚାଲିଛି ବର୍ଷା ଦିନ। ବାହାରେ ବହୁବାର ବର୍ଷା ପାଣିରେ ଓଦା ହୋଇଥିବେ। ହେଲେ ଜାଣନ୍ତି କି ଏହି ବର୍ଷା ପାଣିରେ ଏସିଡ୍ ରହିଛି।  ଯେତେବେଳେ ଆକାଶରୁ ବର୍ଷା କିମ୍ବା ତୁଷାରପାତ ହୁଏ, ଟ୍ରାଇଫ୍ଲୁରୋଆସେଟିକ୍ ଏସିଡ୍ ବା ଟି TFA ନାମକ ରାସାୟନିକ ପଦାର୍ଥ ତା' ସହିତ ପଡ଼ିଥାଏ।  ଟିଏଫ୍ଏ ଏକ ମାନବନିର୍ମିତ ରାସାୟନିକ ପଦାର୍ଥ। ସାରା ବିଶ୍ୱରେ, ଏହି ରାସାୟନିକ ପଦାର୍ଥ ନଦୀ, ହ୍ରଦ, ବୋତଲ ବନ୍ଦ ପାଣି, ବିୟର,ଖାଦ୍ୟ ଶସ୍ୟ,ପଶୁର ଯକୃତ, ମଣିଷ ରକ୍ତ ଓ ମୂତ୍ରରେ ମଧ୍ୟ ଦେଖାଯାଇଛି। 

ଟ୍ରାଇଫ୍ଲୁରୋଆସେଟିକ୍ ଏସିଡ୍ (TFA) ଏକ ଶକ୍ତିଶାଳୀ ଏସିଡ୍। ଏହା ବର୍ଷା ଜଳରେ ମିଳିପାରେ। ଏହା ଏକ ମାନବ ନିର୍ମିତ ଯୌଗିକ ପଦାର୍ଥ ଯାହା ସାଧାରଣତଃ ଦ୍ରାବକ ଭାବରେ ବ୍ୟବହୃତ ହୁଏ। ଏହା ବାୟୁମଣ୍ଡଳରେ ପ୍ରବେଶ କରିପାରେ, ଯାହା ଫଳରେ ଏହା ବର୍ଷା ଜଳରେ ଜମା ହୁଏ। TFA ହେଉଛି ଏସିଡ୍ ବର୍ଷାର ଏକ ପ୍ରକାର, ଏବଂ ଏହା ମଣିଷ ଏବଂ ପରିବେଶ ଉପରେ କ୍ଷତିକାରକ ପ୍ରଭାବ ପକାଇପାରେ।   ଟିଏଫଏ ଏସିଡକୁ ନିଶ୍ୱାସରେ ନେବା କ୍ଷତିକାରକ, ଏହା ଚର୍ମରେ ଗମ୍ଭୀର ଜ୍ୱଳନ ସୃଷ୍ଟି କରେ। ଏକ ପ୍ରକାରର ଏସିଡ୍ ବର୍ଷା ହୋଇଥିବାରୁ ଯାହା ମାଟି ଏବଂ ପାଣିକୁ କ୍ଷତି ପହଞ୍ଚାଇଥାଏ ଏବଂ ଜଳଜୀବକୁ ପ୍ରଭାବିତ କରିପାରେ।

ବୈଜ୍ଞାନିକମାନେ TFA ସ୍ତରର ପରିବର୍ତ୍ତନ ନେଇ ମାପ କରିଛନ୍ତି।  ଗବେଷଣା ବେଳେ ଜାଣିବାକୁ ପାଇଛନ୍ତି ପୂର୍ବ ତୁଳନାରେ ଏବେ ଦିନକୁ ଦିନ ଏହାର ସାନ୍ଦ୍ରତା ବୃଦ୍ଧି ପାଉଛି।  ଗତ ଚାରି ଦଶନ୍ଧି ମଧ୍ୟରେ TFA ସ୍ତର ପାଞ୍ଚରୁ ଦଶ ଗୁଣ ବୃଦ୍ଧି ପାଇଛି।  ଗବେଷକମାନେ କାନାଡିଆନ୍ ଆର୍କଟିକ୍ ଆଇସ୍ କୋର ଓ ଏବଂ ଡେନମାର୍କରେ ଭୂତଳ ଜଳରେ TFA ସ୍ତର ବୃଦ୍ଧି ପାଉଥିବା ପ୍ରମାଣ ଦେଇଛନ୍ତି।  TFA ଆଂଶିକ ଭାବରେ ଜମା ହୁଏ। କାରଣ ପ୍ରାକୃତିକ ପ୍ରକ୍ରିୟାଗୁଡ଼ିକ ଏହାର ଦୃଢ଼ କାର୍ବନ-ଫ୍ଲୋରିନ୍ ବନ୍ଧନକୁ ଭାଙ୍ଗି ପାରେ ନାହିଁ। TFA ହେଉଛି ପର୍- ଆଣ୍ଡ ପଲି-ଫ୍ଲୋରୋଆଲକାଇଲ୍ ସବଷ୍ଟାନ୍ସ ଅର୍ଥାତ PFAS ର ସବୁଠାରୁ ଛୋଟ ଉଦାହରଣ, ଯାହାକୁ ବୈଜ୍ଞାନିକମାନେ ସବୁବେଳେ ରାସାୟନିକ ପଦାର୍ଥ ବୋଲି କହିଛନ୍ତି। କିଛି PFAS ପୂର୍ବରୁ ସ୍ୱାସ୍ଥ୍ୟ ଖୁବ୍ ବିପଦ ଜନକ ବୋଲି କୁହାଯାଏ। 

ଆନ୍ତର୍ଜାତୀୟ ସ୍ତରରେ ଏହାକୁ ମଧ୍ୟ ବ୍ୟାନ୍ କରାଯାଇଛି। ଅନେକ ଦେଶ ପାନୀୟ ଜଳରେ PFAS ର ସ୍ତରକୁ ସୀମିତ କରୁଛନ୍ତି। ଏଥିପାଇଁ ବ୍ୟୟବହୁଳ ସଫେଇ କାର୍ଯ୍ୟକ୍ରମ ମଧ୍ୟ ଗ୍ରହଣ କରୁଛନ୍ତି। କିନ୍ତୁ TFA ର ସ୍ୱାସ୍ଥ୍ୟ ଉପରେ ପ୍ରଭାବ କମ୍ ସ୍ପଷ୍ଟ। ୧୯୯୮ ମସିହାରୁ TFA ର ବିପଦ ମୂଲ୍ୟାଙ୍କନ କରିଆସୁଥିବା ଜାତିସଂଘ ପରିବେଶ କାର୍ଯ୍ୟକ୍ରମ (UNEP) କହିଛି ଯେ ଏହାର ସ୍ତର ବର୍ତ୍ତମାନ ସର୍ବନିମ୍ନ ରହିଛି। ଅତି କମରେ ୨୧୦୦ ପର୍ଯ୍ୟନ୍ତ ରାସାୟନିକ ପଦାର୍ଥର ସ୍ତର ସର୍ବନିମ୍ନ ବିପଦ ସୃଷ୍ଟି କରିବ। ତେବେ ଅକ୍ଟୋବର ୨୦୨୪ ରେ ୟୁରୋପୀୟ ପରିବେଶ ବୈଜ୍ଞାନିକମାନେ ଚିନ୍ତା ପ୍ରକାଶ କରିଥିଲେ। ସେମାନେ ଘୋଷଣା କରିଥିଲେ ଯେ TFA ର ବୃଦ୍ଧି ସ୍ତର କ୍ଷତି ଘଟାଇପାରେ।