କୃଷ୍ଣପ୍ରସାଦ,୩୦/୧୦: ଚିଲିକାରୁ ଅଜଣା ମୃତଦେହ ଉଦ୍ଧାର ହୋଇଛି । ମୃତବ୍ୟକ୍ତିଙ୍କ ପରିଚୟ ଅସ୍ପଷ୍ଟ ରହିଛି । ପୁରୀ ଜିଲ୍ଲା କୃଷ୍ଣପ୍ରସାଦ ଥାନା ଅଧିନ ନୂଆପଡା ତେଣ୍ଟା ଧୁଆ ଫାର୍ମ ନିକଟସ୍ଥ ଚିଲିକାରେ ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ।
ସୂଚତନା ମୁତାବକ, ବୁଧବାର ରାତି ୧୧ ଘଣ୍ଟା ସମୟରେ ସ୍ଥାନୀୟ ଲୋକେ ଚିଲିକାରେ ମୁହଁ ଆବୁଡି କେହି ଭାସୁଥିବା ସନ୍ଦେହ କରି ପୋଲିସକୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚିଥିଲା । ମଧ୍ୟରାତ୍ରରେ ଘଟଣାସ୍ଥଳେ ପୋଲିସ ପହଞ୍ଚି ଅଜଣା ଶବକୁ ଜବତ କରିବା ସହ ଥାନାରେ ଅପମୃତ୍ୟୁ ମାମଲା ରୁଜୁ କରିଛି । ଏ ପର୍ଯ୍ୟନ୍ତ ମୃତ ବ୍ୟକ୍ତିଙ୍କ କୌଣସି ସନ୍ଧାନ ମିଳିନଥିବା ପୋଲିସ ତରଫରୁ ସୂଚନା ମିଳିଛି ।
