ନୂଆଦିଲ୍ଲୀ : ଇସ୍ରାଏଲ ଓ ଇରାନ ମଧ୍ୟରେ ଚାଲି ଥିବା ଉତ୍ତେଜନାରେ ଏବେ ଆମେରିକାର ମଧ୍ୟ ଏଣ୍ଟ୍ରି ହୋଇଛି। ଏହା ଇରାନକୁ ଚେତାଇ ଦେଇଛି କି, ଯଦି ସେ ଇସ୍ରାଏଲ ଉପରେ ପୁଣି ଥରେ ଆକ୍ରମଣ କରେ ତ, ଏହି ଥର ସେ ବି ଇସ୍ରାଏଲକୁ ରୋକି ପାରିବ ନାହିଁ। ଏକ୍ସିୟୋସ ଜଣେ ଅଜଣା ଆମେରିକୀୟ ଅଧିକାରୀ ଓ ପୂର୍ବ ଇସ୍ରାଏଲୀୟ ଅଧିକାରୀଙ୍କ ଅନୁସାରେ ରିପୋର୍ଟ କରିଛି ଯେ, ଆମେରିକା ମଧ୍ୟ ପୂର୍ବରେ ଆଉ ଏକ ଯୁଦ୍ଧକୁ ନେଇ ଚିନ୍ତିତ। ଆମେରିକା ଯୁଦ୍ଧକୁ ଟାଳିବା ପାଇଁ ଇରାନକୁ ଚେତାବନୀ ଦେଇଛି।
ଇସ୍ରାଏଲ ଓ ଇରାନ ମଧ୍ୟରେ କିଛି ମାସରୁ ସ୍ଥିତି ବିଗିଡ଼ି ଯାଇଛି। ମହାଯୁଦ୍ଧର ଆଶଙ୍କା ସୃଷ୍ଟି ହୋଇଛି। ୧ଅକ୍ଟୋବରରେ ଇରାନ ଇସ୍ରାଏଲ ଉପରେ ହମଲା କରିଥିଲା, ଏହାପରେ ଇସ୍ରାଏଲ ଇରାନର ସେନା କ୍ଷେତ୍ରକୁ ଧ୍ୱଂସ କରି ଦେଇଛି। ଏବେ ଇରାନ ଧମକ ଦେଇଛି ଯେ, ସେ ଆମେରିକାରେ ରାଷ୍ଟ୍ରପତି ନିର୍ବାଚନ ପୂର୍ବରୁ ଇସ୍ରାଏଲ ଉପରେ ବଡ଼ ହମଲା କରିବ।
ରିପୋର୍ଟରେ ଆମେରିକୀୟ ଅଧିକାରୀଙ୍କ ଅନୁସାରେ କୁହାଯାଇଛି , ଆମେ ଇରାନକୁ କହିଛୁ କି, ଏହିଥର ଆମେ ଇସ୍ରାଏଲକୁ ରୋକି ପାରିବୁ ନାହିଁ ଏବଂ ଏହା ସୁନିଶ୍ଚିତ କରି ପାରିବୁ ନାହିଁ, ଆଗାମୀ ହମଲା ମଧ୍ୟ ଗତ ହମଲା ପରି ଯୋଜନାବଦ୍ଧ ଓ ଲକ୍ଷ୍ୟଭେଦୀ ହେବ।
ରିପୋର୍ଟରେ ଅଧିକାରୀଙ୍କ ମୁତାବିକ କୁହାଯାଇଛି ଯେ,ଏହି ବାର୍ତ୍ତା ଇରାନର ଶୀର୍ଷ ନେତାଙ୍କୁ ପଠାଯାଇ ଥିଲା, ହେଲେ ଇସ୍ରାଏଲ ସୂତ୍ର କହିଛି ଯେ, ଏହି ବାର୍ତ୍ତା ସ୍ୱିସ୍ ମଧ୍ୟସ୍ଥିଙ୍କ ମାଧ୍ୟମରେ ତେହରାନକୁ ପଠାଯାଇଛି। ଏକ୍ସିୟୋସ୍ର ଏହି ରିପୋର୍ଟରେ ୱାଂଶିଟନ ବା ତେହରାନ ପକ୍ଷରୁ କୌଣସି ପ୍ରତିକ୍ରିୟା ଆସି ନାହିଁ। ଏହା ପୂର୍ବରୁ ଇରାନ ଇସ୍ରାଏଲ ଉପରେ ପାଖାପାଖି ୨୦୦ ବାଲିଷ୍ଟିକ୍ ମିସାଇଲ ମାଡ଼ କରିଥିଲା। ଆକାଶ ମାର୍ଗରୁ ହମଲା ଡ଼ରରେ ଅଧିକାଂଶ ଲୋକେ ବୋମା ଆଶ୍ରୟ ଓ ବଙ୍କର ମଧ୍ୟକୁ ପଳାଇ ଥିଲେ।
ଇରାନୀ ସରକାରୀ ମିଡ଼ିଆ ଦ୍ୱାରା ଜାରି ଭିଡ଼ିଓରେ ଖାମେନେଇ କହିଥିଲେ, ଶତ୍ରୁ , ଇହୁଦୀ ଶାସନ ହେଉ କି ଆମେରିକା ସେ ଯାହା କରୁଛନ୍ତି ଏହାର କଡ଼ା ଜବାବ ନିଶ୍ଚିତ ରୂପେ ମିଳିବ।
