ମୁମ୍ବାଇ, ୨୮/୧ : ଭାରତର ଷ୍ଟାର ବ୍ୟାଟର ଏବେ ରଣଜୀ ଖେଳିବେ । ଏହା ପ୍ରାୟ ସୁନିଶ୍ଚିତ ହୋଇଯାଇଛି । ରଣଜୀ ଟ୍ରଫି ୨୦୨୪-୨୫ରେ ନଜର ଆସିବେ ଏହି ଭାରତୀୟ ଟିମର ଷ୍ଟାର ଖେଳାଳୀ । ସେ ଆଉ କେହି ନୁହେଁ ବରଂ ଫ୍ରାନ୍ସଙ୍କ ହାର୍ଟ ବିଟରେ ଥିବା ଖେଳାଳୀ ବିରାଟ କୋହଲୀ ।
ଏହା ପ୍ରାୟ ଏବେ ସୁନିଶ୍ଚିତ ହୋଇଯାଇଛି । ଟୁର୍ଣ୍ଣାମେଣ୍ଟରେ ଗ୍ରୁପର ଶେଷ ମ୍ୟାଚ୍ ୩୦ଜାନୁଆରୀରୁ ଖେଳାଯିବାକୁ ଅଛି । ଯେଉଁଥିରେ ଦିଲ୍ଲୀ ଟିମ୍ ରେଲଓ୍ବେ ବିପକ୍ଷରେ ଅରୁଣ ଜେଟଲୀ ଷ୍ଟାଡିୟମରେ ମ୍ୟାଚ୍ ଖେଳିବ । ଏହି ମ୍ୟାଚରେ କୋହଲୀ ୨୫ବର୍ଷର ଏଭଳି ଖେଳାଳୀଙ୍କ ଅଧିନରେ ଖେଳିବେ ଯିଏ ଏବେ ପର୍ଯ୍ୟନ୍ତ ଅନ୍ତରାଷ୍ଟ୍ରୀୟ ଡେବ୍ୟୁ କରିନାହାନ୍ତି ଏବଂ ତାଙ୍କ ବୟସ କେବଳ ୨୫ବର୍ଷ ହେବ ।
ଆମେ କହୁଛୁ ଆୟୁଷ ବଡୋନୀଙ୍କ କଥା । ରେଲଓ୍ବେ ବିପକ୍ଷ ଖେଳାଯିବାକୁ ଥିବା ମ୍ୟାଚରେ ଆୟୁଷ ଦିଲ୍ଲୀର କମାଣ୍ଡ ସମ୍ଭାଳିବେ । ଯେଉଁଥିରେ ବିରାଟ କୋହଲୀ ବି ଖେଳିବେ । ବଡୋନୀ ଏବେ ପର୍ଯ୍ୟନ୍ତ କେବଳ ଘରୋଇ କ୍ରିକେଟ ଏବଂ ଆଇପିଏଲ୍ ଖେଳିଛନ୍ତି । ଅନ୍ତରାଷ୍ଟ୍ରୀୟ କ୍ରିକେଟରେ ତାଙ୍କ ଡେବ୍ୟୁ ହେବା ବାକି ରହିଛି । ଆୟୁଷଙ୍କ ବୟସ କେବଳ ୨୫ବର୍ଷ ହେବ। ଏହିଭଳି ଭାବେ କୋହଲୀ ଦିଲ୍ଲୀ ଲାଗି ୨୫ବର୍ଷର ଖେଳାଳୀଙ୍କ ଅଧିନାୟକତ୍ବରେ ଖେଳିବେ । ଯିଏ ଅନ୍ତରାଷ୍ଟ୍ରୀୟ କ୍ରିକେଟରେ ଏବେ ପର୍ଯ୍ୟନ୍ତ ପାଦ ରଖିନାହାନ୍ତି ।
ପ୍ରକାଶ ଯେ, ବଡୋନୀ ଆଇପିଏଲରେ ଲକ୍ଷ୍ନୌ ସୁପର ଜାୟଣ୍ଟସ ଏବଂ ଘରୋଇ କ୍ରିକେଟରେ ଦିଲ୍ଲୀ ଲାଗି ଖେଳିଥାନ୍ତି । ଆଇପିଏଲ୍ ୨୦୨୫ରେ ବି ଆୟୁଷ ଲକ୍ଷ୍ନୌ ପାଇଁ ଖେଳୁଥିବା ନଜର ଆସିବେ । ଲକ୍ଷ୍ନୌ ଆୟୁଷଙ୍କୁ ୨୦୨୫ସିଜନ ଲାଗି ରିଟର୍ଣ୍ଣ କରିଛି । ବଡୋନୀ ୨୦୨୩ରେ ନିଜ ଆଇପିଏଲ୍ କ୍ୟାରିୟର ଆରମ୍ଭ କରିଥିଲେ ଲକ୍ଷ୍ନୌ ସୁପର ଜାୟଣ୍ଟସ ସହ । ଏବେ ପର୍ଯ୍ୟନ୍ତ ଆୟୁଷ ଆଇପିଏଲ୍ କ୍ୟାରିୟରରେ ପ୍ରାୟ ୪୨ମ୍ୟାଚ୍ ଖେଳିସାରିଛନ୍ତି ।
