ଭୁବନେଶ୍ୱର,୩୧/୧୨: ଆଗକୁ ଶୀତ ବଢ଼ିବ । ଆଗାମୀ ତିନି ଦିନରେ ରାତି ତାପମାତ୍ରା ୩ରୁ ୫ ଡିଗ୍ରୀ ଖସିବ । ମଙ୍ଗଳବାର ରାତିରେ ଫୁଲବାଣୀ ଓ କୋରାପୁଟରେ ପାରଦ ସବୁଠୁ କମ୍ ବା ୧୧ ଡିଗ୍ରୀ ରହିବ । ଢେଙ୍କାନାଳ ଓ ରାଉରକେଲାରେ ୧୨ ଡିଗ୍ରୀ ରହିପାରେ । ପାଣିପାଗ ବିଭାଗ ଏଭଳି ପୂର୍ବାନୁମାନ କରିଛି । ଗତ କିଛିଦିନ ଧରି ଶୀତ କମ୍ ରହୁଥିବା ବେଳେ ଏଣିକି ଶୀତ ବଢ଼ିବ ବୋଲି ବିଭାଗ ପୂର୍ବାନୁମାନ କରିଛି ।
ପାଣିପାଗ ବିଭାଗର ଆକଳନ କହୁଛି, ୧ ତାରିଖରେ କୋରାପୁଟ ଓ ଫୁଲବାଣୀରେ ରାତି ତାପମାତ୍ରା ୧୦ ଡିଗ୍ରୀ ରହିବ । ରାଉରକେଲା ଓ ଝାରସୁଗୁଡ଼ାରେ ୧୨ ଡିଗ୍ରୀ, ବଲାଙ୍ଗିର, ନୂଆପଡ଼ା, କେନ୍ଦ୍ରାପଡ଼ା, ଜଗତସିଂହପୁର, ଖୋର୍ଦ୍ଧାରେ ପାରଦ ୧୩ ଡିଗ୍ରୀ ରହିବ । ସୋଆ ଜଳବାୟୁ ଓ ପରିବେଶ କେନ୍ଦ୍ରର ନିର୍ଦ୍ଦେଶକ ଡ. ଶରତ ସାହୁ କହିଛନ୍ତି, ରବିବାର କିଛି ସ୍ଥାନରେ ରାତି ତାପମାତ୍ରା ଖସିଛି। ମଙ୍ଗଳବାରଠାରୁ ଉପକୂଳ ଓଡ଼ିଶାରେ ଶୀତ ବଢ଼ିବ । ୭ ଓ ୮ ତାରିଖ ବେଳକୁ ବର୍ଷା ହୋଇପାରେ ବୋଲି ସେ କହିଛନ୍ତି ।
ରବିବାର ଜି ଉଦୟଗିରିରେ ରାତି ତାପମାତ୍ରା ସବୁଠୁ କମ୍ ୧୧.୫ ଡିଗ୍ରୀ ରେକର୍ଡ ହୋଇଛି । ସେମିଳିଗୁଡ଼ାରେ ୧୧.୮,ଦାରିଙ୍ଗିବାଡ଼ିରେ ୧୨,କୋରାପୁଟରେ ୧୨.୪, ଫୁଲବାଣୀରେ ୧୩.୫ଡିଗ୍ରୀ ରେକର୍ଡ ହୋଇଥିଲା ।
