ବ୍ରହ୍ମବରଦା, ୨୦/୫  : ଧର୍ମଶାଳା ବ୍ଲକ କଦମପାଳ ପଞ୍ଚାୟତ  ନୋସ୍ତା ଗାଁ ରେ ଅଘଟଣ । ବ୍ରାହ୍ମଣୀର ଶାଖା କେଲୁଅ ନଦୀରେ ବୁଡ଼ି ଜଣେ ଯୁବକଙ୍କ ମୃତ୍ୟୁ ଘଟିଛି । ମୃତ ଯୁବକ ଜଣକ ହେଲେ  ନୋଷ୍ଠା ଗ୍ରାମର ସୁଦାମ ଦାସଙ୍କ ସାନପୁଅ ବିକାଶ (୧୮)। 

ଘର ନିକଟସ୍ଥ  ନଦୀକୁ ବିକାଶ ଗାଧୋଇବାକୁ   ଯାଇଥିବା ସମୟରେ ଅଚାନକ ବୁଡି ଯାଇ ଥିଲେ   ।  ନଦୀ  ପାଣିରେ ଭାସୁଥିବା ସମୟରେ ଲୋକ ମାନେ ଦେଖି ନଦୀ ଭିତରୁ  ଉଦ୍ଧାର କରି ଧର୍ମଶାଳା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର କୁ ୧୦୮  ଆମ୍ବୁଲାନ୍ସ ଯୋଗେ ନେଇଥିଲେ । ସେଠାରେ ଡାକ୍ତର ତାଙ୍କୁ   ମୃତ ଘୋଷଣା କରିଥିଲେ । ଶବ ବ୍ୟବଚ୍ଛେଦ ପରେ   ପରିବାର ଲୋକଙ୍କୁ ହସ୍ତାନ୍ତର କରାଯାଇଛି । 

 ପଂଚାୟତ  ବିଜେଡି ସଭାପତି ଶରତ ଚନ୍ଦ୍ର ଜେନା ,ପଂଚାୟତ ସରପଞ୍ଚ ତୃପ୍ତିଲତା ମହାନ୍ତି ,ସମିତି ସଭ୍ୟ ପ୍ରଶାନ୍ତ ମହାନ୍ତି ଓ ବିଜେଡି ଜିଲ୍ଲା ଯୁବ ସମ୍ପାଦକ ବିବେକାନନ୍ଦ ମହାନ୍ତି , ୱାଡ଼ ର ମେମ୍ବର ଚନ୍ଦ୍ରାବତୀ ମଲ୍ଲିକ ମୃତକ ବିକାଶ ଙ୍କ ପରିବାର ବର୍ଗ ଙ୍କ ପାଖରେ ପହଂଚି  ଶୋକ ପ୍ରକାଶ କରିବା ସହ ସମବେଦନା ଜଣାଇଛନ୍ତି ।