ମୁମ୍ବାଇ,୨/୬: ଖୁବଶୀଘ୍ର ରିଲିଜ ହେବାକୁ ଯାଉଛି ବିଗ୍ ବସ୍ ଓଟିଟି ୩।  ଏହି ଶୋ’ର ପ୍ରୋମୋ ସାମ୍ନାକୁ ଆସିବା ସହ ପ୍ରତିଯୋଗୀଙ୍କ ନାଁକୁ ନେଇ ମଧ୍ୟ ଚର୍ଚ୍ଚା ଜାରି ରହିଛି । ଏଥିପାଇଁ ଦର୍ଶକ ବେଶ ଉତ୍ସାହିତ ଅଛନ୍ତି । ବିଗ୍ ବଶ୍ ଓଟିଟି  ର ପ୍ରଥମ ସିଜିନରେ କରନ ଜୋହର ଏବଂ ଦ୍ୱିତୀୟ ସିଜିନ୍ ସଲମାନ ଖାନ୍ ହୋଷ୍ଟ କରିଥିଲେ । ହେଲେ ବର୍ତ୍ତମାନ ଏହି ଶୋ’ର ତୃତୀୟ ସିଜିନ୍ ଅନିଲ କପୁର ହୋଷ୍ଟ କରିବେ ବୋଲି ଚର୍ଚ୍ଚା ଜୋର ଧରିଛି। 

ଜିଓ ସିନେମା ଇନଷ୍ଟାଗ୍ରାମରେ ଏକ ପୋଷ୍ଟ ସେୟାର କରି କ୍ୟାପସନରେ ଲେଖିଛି, ‘ବିଗ୍ ବସ୍ ଓଟିଟି ର ନୂତନ ଶୋ ପାଇଁ ଜଣେ ନୂଆ ହୋଷ୍ଟ ! ବିଗ୍ ବସ୍ ଭଳି ତାଙ୍କ ସ୍ୱର ହିଁ ଯଥେଷ୍ଟ । ଜୁନରେ ବିଗ୍ ବଶ୍ ଓଟିଟି  ସିଜିନ୍ ୩ ଜିଓ ସିନେମା ପ୍ରିମିୟମରେ ଆସୁଛି ।’ଜୁନ୍ ୨୨ ତାରିଖ ଏହି ଶୋ’ର  ରିଲିଜ୍ ଡେଟ୍ ବୋଲି ଜଣାପଡ଼ିଛି । ହେଲେ ଏହି ଶୋ’ର ନିର୍ମାତାଙ୍କ ତରଫରୁ ରିଲିଜ ତାରିଖ ନେଇ କୌଣସି ସ୍ପଷ୍ଟ କରାଯାଇ ନାହିଁ। ଏହି ସିଜିନ୍ ପାଇଁ ପ୍ରତିଯୋଗୀଙ୍କ ନାଁକୁ ନେଇ କୌଣସି ଅଧିକାରିକ ସୂଚନା ସାମ୍ନାକୁ ଆସିନାହିଁ । ରିପୋର୍ଟ ଅନୁଯାୟୀ ଏହି ଶୋ’ରେ ଆଶିଷ ଶର୍ମା, ପ୍ରତୀକ୍ଷା ହୋନମୁଖେ, ଶହଜାଦା ଧାମୀ, ଭିକି ଜୈନ, ଶିଜାନ୍ ଖାନ୍ ଏବଂ ଅରହାନ ବହଲ ଭଳି ସେଲିବ୍ରିଟି ପ୍ରତିଯୋଗୀ ଭାବେ ନଜର ଆସିବେ ବୋଲି କୁହାଯାଉଛି। ଅଧିକ ସୂଚନା ପାଇଁ ଫ୍ୟାନ୍ସଙ୍କୁ ଆଉ କିଛି ଦିନ ଅପେକ୍ଷା କରିବାକୁ ପଡ଼ିବ ।