ମୁମ୍ୱାଇ : ରବିନା ଟଣ୍ଡନଙ୍କର ଭାଇରାଲ ଭିଡ଼ିଓ ପରେ ଏବେ କେସ୍ ସଂପର୍କିତ ସତ୍ୟାସତ୍ୟ ବାହାରକୁ ଆସିଛି। ଆଜି ସକାଳୁ ଇଣ୍ଟରନେଟ୍ରେ ଏକ ଭିଡ଼ିଓ ଭାଇରାଲ ହେଉଛି, ଯେଉଁଥିରେ ଅଭିନେତ୍ରୀ ଭିଡ଼କୁ ଶାନ୍ତ କରିବାର ଦେଖିବାକୁ ମିଳୁଛି। ଭିଡ଼ିଓରେ ଅଭିନେତ୍ରୀ ଧକ୍କା ନମାରିବାକୁ ଅପିଲ କରିବାର ଦେଖା ଯାଉଛି। ଏହି ମାମଲା ଅଭିନେତ୍ରୀଙ୍କ ଘର ବାହାରର। ପୀଡ଼ିତ ପକ୍ଷରୁ ଅଭିନେତ୍ରୀଙ୍କ ଉପରେ ନିଶାସକ୍ତ ସ୍ଥିତିରେ ମହିଳାଙ୍କ ସହ ମାରପିଟିର ଅଭିଯୋଗ ଲଗାଯାଇ ଥିଲା। କିନ୍ତୁ ଖର ପୁଲିସ ନିଜର ଷ୍ଟେଟମେଣ୍ଟରେ ଏହି ପୂରା ମାମଲାର ସତ ସାମନାରେ ରଖିଛି। ପୁଲିସ ଷ୍ଟେଟମେଣ୍ଟ ମୁତାବିକ, ପୀଡ଼ିତ ପକ୍ଷର ଅଭିଯୋଗ ମିଛ ଲାଗୁଛି।
ଟାଇମ୍ସ ଅଫ୍ ଇଣ୍ଡିଆକୁ ଦେଇଥିବା ବୟାନରେ ପୁଲିସ କହିଛି କି, ରବିନା ଟଣ୍ଡନଙ୍କର ଡ୍ରାଇଭର ଘର ବାହାରେ ଗାଡ଼ି ପାର୍କ କରିବା ପାଇଁ ରିଭର୍ସ କରୁଥିଲେ। ଦ୍ୱିତୀୟ ପକ୍ଷ ସେଇ ବାଟ ଦେଇ ଯାଉଥିଲେ, ଯିଏ ଡ୍ରାଇଭରଙ୍କ ଉପରେ ଜୋରରେ ପାଟି କରି ଥିଲେ। ପୁଲିସ ମୁତାବିକ , କାହାକୁ ଆଘାତ ଲାଗିନି କି, କାହାର ମୁଣ୍ଡ ଫାଟିନି। ଦ୍ୱିତୀୟ ପକ୍ଷ ଡ୍ରାଇଭରକୁ ମାରିବାକୁ ଘେରି ଗଲେ। ଝଗଡ଼ାର ଶବ୍ଦ ଶୁଣି ରବିନା ଘରୁ ବାହାରକୁ ଆସିଲେ ଏବଂ ଝଗଡ଼ାକୁ ଶାନ୍ତ କରାଇବାକୁ ଚେଷ୍ଟା କରିଥିଲେ ,ଯେଉଁ ଭାଇରାଲୱ ଭିଡ଼ିଓ ସୋସିଆଲ ମିଡ଼ିଆରେ ମଧ୍ୟ ନଜର ଆସୁଛି।
ରବିନାଙ୍କ ନିକଟତର ଲୋକଙ୍କ କହିବାନୁସାରେ , ଅଭିନେତ୍ରୀ ନିଜର ଦୁଇ ପିଲାଙ୍କ ସହ ଘରେ ଥିଲେ। ଘଟଣା ବିଷୟରେ ଶୁଣି ଅଭିନେତ୍ରୀ ଘର ବାହାରକୁ ଆସି ଥିଲେ ଏବଂ ନିଜ ଡ୍ରାଇଭରକୁ ସେମାନଙ୍କ କବଳରୁ ରକ୍ଷା କରି ଥିଲେ। ଏହି ସମୟରେ ଦ୍ୱିତୀୟ ପକ୍ଷ ଡ୍ରାଇଭର ଓ ଅଭିନେତ୍ରୀଙ୍କୁ ଗାଳି କରିବାକୁ ଲାଗିଲେ। ରବିନା ନିଶାରେ ଥିବାର କଥା ମିଛ ଥିବା କୁହାଯାଉଛି। ଏହି ସବୁ ମାମଲା ଅଭିନେତ୍ରୀଙ୍କ ଘର ବାହାରେ ଲାଗିଥିବା ସିସିଟିଭି ଫୁଟେଜ୍ରେ ମଧ୍ୟ ରେକର୍ଡ ହୋଇଛି। ମାମଲାଟି ଖର ପୁଲିସରେ ଯାଇ ପହଞ୍ଚିଲା , କିନ୍ତୁ ଉଭୟ ପକ୍ଷ ଏଫଆଇଆର ରୁଜୁ କରାଇଲେ ନାହିଁ ।
