ବିଞ୍ଝାରପୁର, ୦୯/୦୫ : ବିପୁଳ ଜନସମର୍ଥନ ସହ ନାମାଙ୍କନ ପତ୍ର ଦାଖଲ କଲେ ବିଞ୍ଝାରପୁର ନିର୍ବାଚନ ମଣ୍ଡଳୀର ହେଭିୱେଟ୍ ବିଜେଡି ବିଧାୟିକା ପ୍ରାର୍ଥୀ ପ୍ରମିଳା ମଲ୍ଲିକ। ସେ  ମାସଡ଼ା ସ୍ଥିତ ନିଜ ବାସଭବନରୁ ବିରାଟ ପଟୁଆରରେ ଆସି ବିଞ୍ଝାରପୁରର ଆରାଧ୍ୟ୍ୟ ବାବା ବରୁଣେଶ୍ବରଙ୍କ ପୂଜାର୍ଚ୍ଚନା କରିଥିଲେ। ଏହାପରେ ଯାଜପୁରର ଅଧିଷ୍ଠାତ୍ରୀ ଦେବୀ ମା' ବିରଜାଙ୍କୁ ଦର୍ଶନ କରି ଅତିରିକ୍ତ ଜିଲ୍ଲାପାଳଙ୍କ କାର୍ଯ୍ୟାଳୟରେ ନାମାଙ୍କନ ପତ୍ର ଦାଖଲ କରିଥିଲେ। 

ବିଜେଡିର ଗଡ଼ ଭାବେ ପରିଚିତ ବିଞ୍ଝାରପୁର ନିର୍ବାଚନ ମଣ୍ଡଳୀରେ ପ୍ରମିଳା ମଲ୍ଲିକ ଚଳିତ ନିର୍ବାଚନକୁ ମିଶାଇ ମୋଟ ୮ଥର ବିଜୁ ଜନତା ଦଳରୁ ନିର୍ବାଚନ ଲଢ଼ିଥିବା ବେଳେ ୬ ଥର ବିଧାୟିକା ହୋଇସାରିଛନ୍ତି। ସେ ବିକାଶ ପଥରେ ଅଗ୍ରସର ବିଞ୍ଝାରପୁର ନିର୍ବାଚନ ମଣ୍ଡଳୀରେ ଅନେକ ବିକାଶ ମୂଳକ କାର୍ଯ୍ୟ କରିଥିବାରୁ ଚଳିତ ନିର୍ବାଚନରେ ପୁଣି ଏଠାରେ ବିଜେଡି ଜୟ ହାସଲ କରିବ ବୋଲି ଆଶାବାଦୀ ଅଛନ୍ତି।