ଚଣ୍ଡିଖୋଲ, ୨୯।୪: ଉଦ୍ଧାର ହେଲା ୩୫ ଫୁଟ୍ର ନାଗସାପ । ଚଣ୍ଡିଖୋଲ ନିକଟସ୍ଥ ନେଉଳପୁର ଗ୍ରାମର ମହମ୍ମଦ ରିହାନ୍ଙ୍କ ଶୁଖିଲା କୂଅରେ ଏକ ନାଗ ସାପ ଖସି ପଡ଼ି ଅଣ୍ଡା ଦେଇଥିଲା । ରିହାନ ରବିବାର ସ୍ନେକ୍ ହେଲ୍ପ ଲାଇନର ସାଧାରଣ ସମ୍ପାଦକ ଶୁଭେନ୍ଦୁ ମଲ୍ଲିକଙ୍କୁ ଫୋନ୍ କରି ସହାୟତା ମାଗିଥିଲେ । ଆଜି ସକାଳୁ ସ୍ନେକ୍ ହେଲ୍ପ ଲାଇନର ଏକ ଦୁଇ ଜଣିଆ ଟିମ୍ ଚଣ୍ଡିଖୋଲରେ ପହଞ୍ଚିଥିଲେ । ଚଣ୍ଡିଖୋଲ ସେକ୍ସନ ଫରେଷ୍ଟର ସୁଜିତ୍ ଜେନାଙ୍କ ଟିମ୍ ସହିତ ନେଉଳପୁର ଗ୍ରାମରେ ପହଞ୍ଚିଥିଲେ । କୂଅଟି ପ୍ରାୟ ୩୫ ଫୁଟ୍ରୁ ଅଧିକ ଗଭୀର ।
ତେବେ ଏତେ ଗଭୀର କୂଅ ଭିତରେ ପଶିବା ସହଜ ନଥିବାରୁ ସ୍ଥାନୀୟ ଦମକଳ ବାହିନୀକୁ ଡକାଯାଇଥିଲା । ଦମକଳ ବାହିନୀ ଆସିବା ପରେ ସ୍ନେକ୍ ହେଲ୍ପ ଲାଇନ୍ ସଦସ୍ୟ ରାଜେଶ୍ ସୂତାରଙ୍କୁ ସୁରକ୍ଷା ଉପକରଣ ପିନ୍ଧେଇବା ପରେ ସେ କୂଅ ଭିତରେ ପଶିଥିଲେ । ପ୍ରଥମେ ନାଗୁଣୀକୁ ଧରି ବ୍ୟାଗ୍ରେ ପୁରେଇ ବାନ୍ଧିବା ପରେ ବ୍ୟାଗ୍ଟିକୁ ରସି ସାହାଯ୍ୟରେ ଉପରକୁ ଅଣାଯାଇଥଲା । ପରେ ଏକ ବାଲଟିରେ ଅଣ୍ଡା ଗୁଡ଼ିକୁ ଉପରକୁ ଅଣାଯାଇଥିଲା । ନାଗ ସାପଟିକୁ ଡାଳିଯୋଡ଼ା ରେଞ୍ଜର ହିମାଂଶୁ ଶେଖର ପୃଷ୍ଟିଙ୍କ ଉପସ୍ଥିତିରେ ଜଙ୍ଗଲରେ ଛଡ଼ା ଯାଇଥିଲା ବେଳେ, ଅଣ୍ଡାଗୁଡ଼ିକ ନନ୍ଦନକାନନ ଚିଡ଼ିଆଖାନାକୁ କୃତ୍ରିମ ଉପାୟରେ ଫୁଟାଇବା ପାଇଁ ପଠାଇବାର ବ୍ୟବସ୍ଥା କରାଯାଇଛି ।
