ଭୁବନେଶ୍ଵର, ୧୪/୦୫ : ସାଇବର ଅପରାଧିଙ୍କ ନୂଆ ଫଣ୍ଡା। ଆପଣଙ୍କ ଭୋଟର ଆଇଡି କଟି ଯାଇଛି। ନୂଆ ଭୋଟର ଆଇଡି ପାଇଁ ଲିଙ୍କ୍ ପଠାଇଲୁ। ତା ଉପରେ କ୍ଲିକ କରନ୍ତୁ। ଯିଏ ସେହି ଲିଙ୍କରେ କ୍ଲିକ୍ କରୁଛି ତା ଆକାଉଣ୍ଟ ଖାଲି ହେଇଯାଉଛି। ସେହିଭଳି ବର୍ତ୍ତମାନ ନିର୍ବାଚନ ସମୟରେ ବିଭିନ୍ନ ଦଳ ନାଁରେ ଆସୁଛି ଫେକ୍ କଲ । ଆପଣଙ୍କ ପାଖକୁ ଲିଙ୍କ୍ ଗଲା । ସେଥିରେ କ୍ଲିକ କଲେ ଆପଣଙ୍କ ଫୋନରେ ଅନ ଲିମିଟେଡ ରିଚାର୍ଜ ହେବ। ଯିଏ ଏହି ଲିଙ୍କରେ କ୍ଲିକ କଲା ତା ଆକାଉଣ୍ଟ ଖାଲି। ଏହିଭଳି ଭାବେ ଏବେ ନୂଆ ଉପରେ ଠକେଇ କରୁଛନ୍ତି ସାଇବର୍ ଠକ।

ଆପଣଙ୍କ ମୋବାଇଲ୍‌କୁ ଏଭଳି ଅଫର୍ ଆସୁଥିଲେ ସତର୍କ ରୁହନ୍ତୁ। ସଚେତନ ହୁଅନ୍ତୁ। ଏହି ସବୁ ଅଫରରୁ ଦୂରେଇ ରୁହନ୍ତୁ ବୋଲି ଅପିଲ୍ କରିଛନ୍ତି ଭୁବନେଶ୍ବର ଡିସିପି ପ୍ରତୀକ ସିଂହ। ତେବେ ଯଦି କୌଣସି ବ୍ୟକ୍ତି ଏଭଳି ଠକେଇର ଶିକାର ହୁଅନ୍ତି ତେବେ ତୁରନ୍ତ ୧୯୩୦ରେ ଯୋଗାଯୋଗ କରି ଅଭିଯୋଗ କରିବାକୁ ଅନୁରୋଧ କରିଛନ୍ତି ଡିସିପି।