ନୂଆଦିଲ୍ଲୀ,୮/୬ : ବିଗ୍ ବି- ଅଭିଷେକଙ୍କ ଫ୍ୟାନ୍ସଙ୍କ ପାଇଁ ଖୁସି ଖବର । ଖୁବଶୀଘ୍ର ବାପା- ପୁଅ ଏକାସାଥିରେ ନଜର ଆସୁଛନ୍ତି । ଯାହାକୁ ନେଇ ଏବେ ଠୁ ଖୁବ୍ ଚର୍ଚ୍ଚା ଆରମ୍ଭ ହୋଇଛି । ପୂର୍ବରୁ ଉଭୟଙ୍କ ଫିଲ୍ମ ଯେତେବେଳେ ଆସେ ବହୁ ଚର୍ଚ୍ଚାରେ ରହିଥାଏ । ଅମିତାଭ ବଚ୍ଚନ ତାଙ୍କର ଏକ୍ସରେ ଏହି ସୂଚନା ସେୟାର କରିଛନ୍ତି । ଏକ ଟ୍ବିଟ୍ କରି ଏହା ଜଣାଇଛନ୍ତି । ଆସନ୍ତୁ ଜାଣିବା କିଭଳି ଭାବେ ଅମିତାଭ ବଚ୍ଚନ ଏହି ଟ୍ବିଟ୍ କରିଛନ୍ତି ।

ଅମିତାଭ ବଚ୍ଚନ ନିଜ ଟ୍ବିଟର ଆକାଉଣ୍ଟରେ ଏକ ଫଟୋ ପୋଷ୍ଟ କରିଛନ୍ତି । ଏହି ଫଟୋରେ ଅମିତାଭ ବଚ୍ଚନ ଏବଂ ଅଭିଷେକ ବଚ୍ଚନ ଉଭୟେ ଏକ ରେକର୍ଡ଼ିଂ ରୁମରେ ଦେଖା ଯାଉଛନ୍ତି । ଉଭୟଙ୍କ କାନରେ ହେଡ଼ଫୋନ ଅଛି ଏବଂ ଯେଉଁଭଳି ଭାବେ ତାର ସବୁ ସେଠାରେ ପଡ଼ିଥିବା ଦେଖାଯାଉଛି ଏଥିରୁ ଜଣାପଡ଼ୁଛି କି ଡବିଂ କିମ୍ବା ରେକର୍ଡ଼ିଂର କିଛି କାମ ଜାରି ରହିଛି । କଲରଫୁଲ ଡିଜାଇନର ଜାକେଟ, ନାଲି ରଙ୍ଗର ଟ୍ରାଉଜର ଏବଂ ହଳଦିଆ ବୁଟରେ ଅମିତାଭ ବଚ୍ଚନ ବହୁତ କୁଲ୍ ଲୁକରେ ଦେଖାଯାଉଛନ୍ତି । ଯାହାକି ଅଭିଷେକ ବଚ୍ଚନ ବ୍ଲୁ ଜାକେଟ ଏବଂ ଡେନିମରେ ନଜର ଆସୁଛନ୍ତି । ଏହି ଫଟୋ ସେୟାର କରି ଅମିତାଭ ବଚ୍ଚନ ଲେଖିଛନ୍ତି କି, ବାପା ପୁଅ ଦୁଇ ଜଣ ବସିଲୁ,  ଗୋଟିଏ ଜାଗାରେ କାମରେ, ଖୁବଶୀଘ୍ର ଆସିବୁ ପରଦାରେ ଯୋଡ଼ି, ଏକ ଅଦଭୁତ କାମରେ ।‘ ଏଥିରୁ ସ୍ପଷ୍ଟ ଜଣାପଡ଼ୁଛି କି ଉଭୟେ ଏକାସାଙ୍ଗରେ କୌଣସି ପ୍ରୋଜେକ୍ଟର ପ୍ରସ୍ତୁତି ଆରମ୍ଭ କରି ଦେଇଛନ୍ତି ।

ଏଭଳି ୫ଫିଲ୍ମ ଅଛି ଯେଉଁଥିରେ ଉଭୟେ କାମ କରିଛନ୍ତି । ଏଥିରୁ ଗୋଟିଏ ଫିଲ୍ମ ୨୦୦୫ରେ ଆସିଥିଲା ସରକାର, ଦ୍ବିତୀୟ ଫିଲ୍ମ ବଣ୍ଟି ଅର ବବଲୀ । ଏହା ବି ୨୦୦୫ରେ ହିଁ ରିଲିଜ ହୋଇଥିଲା । ଏହାପର ବର୍ଷ ତଥା ୨୦୦୬ରେ ଆସିଥିବା ଫିଲ୍ମ କଭି ଅଲବିଦା ନା କହନା । ୨୦୦୮ରେ ସରକାରର ସିକ୍ବେଲ ସରକାର ରାଜରେ ଉଭୟେ ଏକାସାଥିରେ ଆସିଥିଲେ । ପରେ ୨୦୦୯ରେ ଉଭୟେ ପା ରେ କାମ କରିଥିଲେ । 

T 5035 -
पिता पुत्र दोनों बैठे , एक जगह ही काम पे ;
जल्द आवे पर्दे पर जोड़ी , इनके अद्भुत काम के 🤣 pic.twitter.com/WCLBPAXYBp

— Amitabh Bachchan (@SrBachchan) June 8, 2024