ନୂଆଦିଲ୍ଲୀ,୩।୧୦:ପାଣିପାଗ ବୈଜ୍ଞାନିକଙ୍କ ଅନୁମାନ ଓ ଗଣନା ଅନୁସାରେ, ଏଥର ଅକ୍ଟୋବରରେ ପୁରା ଦେଶରେ ହାରାହାରିଠାରୁ ଅଧିକ ବର୍ଷା ଆଉ ଅଧିକ ଗରମ ମଧ୍ୟ ହେବ। ଜୁଲାଇ, ଅଗଷ୍ଟ ଓ ସେପ୍ଟେମ୍ବରରେ ମଧ୍ୟ ଜୋରଦାର ବର୍ଷା ହୋଇଛି। ଏଥର ଅକ୍ଟୋବରରେ ମଧ୍ୟ ସେଭଳି ହେବ। ପାଣିପାଗ ବିଭାଗର ଡାଇରେକ୍ଟର ଜେନେରାଲ ମୃତ୍ୟୁଞ୍ଜୟ ମହାପାତ୍ର ଏହି ଖୁଲାସା କରିଛନ୍ତି।
ସେ କହିଛନ୍ତି, ଭାରତୀୟ ପାଣିପାଗ ବିଜ୍ଞାନ ବିଭାଗର ଅନୁମାନ ଯେ, ଏଥର ଅକ୍ଟୋରରେ ଗତ ୫୦ ବର୍ଷର ହାରାହାରି ଆଭରେଜ୍ଠାରୁ ୧୧୫ % ଅଧିକ ବର୍ଷାର ଅନୁମାନ କରାଯାଉଛି। ଫଳରେ ଫସଲ ନଷ୍ଟ ହୋଇପାରେ। କାରଣ ଫସଲ କାଟିବା ସମୟ ଆସୁଛି, ଏଭଳି ସମୟରେ ବର୍ଷା ପାଣିରେ ନଷ୍ଟ ହୋଇପାରେ।
କୃଷକମାନେ ବର୍ତ୍ତମାନ ସମୟରେ ଫସଲ କାଟିବା ଆରମ୍ଭ କରିଛନ୍ତି। ଧାନ, କପା, ସୋୟାବିନ୍, ମକ୍କା, ଡାଲି ଆଦି ଫସଲ ଏବେ କାଟିବା ସମୟ। ଯଦି ବର୍ଷା ହୁଏ ତେବେ ବହୁ ଫସଲ ନଷ୍ଟ ହୋଇଯିବ। ମୌସୁମୀରେ ବିଳମ୍ବ ଆସିବା କାରଣରୁ ସେପ୍ଟେମ୍ବରରେ ମଧ୍ୟ ଅଧିକ ବର୍ଷା ହୋଇଥିଲା। ଫଳରେ ଦେଶର କିଛି ଭାଗରେ ଫସଲ ଅନେକ ନଷ୍ଟ ହୋଇଛି।
ଅକ୍ଟୋବରରେ ବର୍ଷାର ମଧ୍ୟ ଲାଭ ଅଛି। ଯଦି ମାଟି ଓଦା ରହିବ, ଶୀତ ଦିନିଆ ଫସଲ ଲାଭ ହେବ। ଯେପରିକି ଗହମ, ଚଣା ଆଦି ଚାଷ ଭଲ ହେବ। ସାଧାରଣତଃ ଯେଉଁ ସମୟରେ ମୌସୁମୀ ଯାଏ, ତା’ର ଗୋଟେ ସପ୍ତାହନ ପରେ ଏଥର ଯାଉଛି। ତେଣୁ ଏଥର ସମ୍ପୂର୍ଣ୍ଣ ଭାବରେ ମୌସୁମୀ ଯିବା ବେଳକୁ ଅକ୍ଟୋବର ଅଧା ହୋଇଯିବ। ଯେଉଁ ସମୟରେ ବର୍ଷା ବନ୍ଦ ହେବ, ସେଥିରୁ ବଢିଥିବା ଆଦ୍ରତା ଓ ସୂର୍ଯ୍ୟ କିରଣ କାରଣରୁ ତାପମାତ୍ରା ମଧ୍ୟ ଅଧିକ ରହିବ।
