ଭୁବନେଶ୍ୱର ୧୦/୧୧: ପ୍ରାୟତଃ ଆପଣ ଡାକ୍ତର କିମ୍ବା ଘରର ବଡଙ୍କଠାରୁ ଶୁଣିଥିବେ ଯେ ଖାଦ୍ୟ ଖାଇବା ପରେ ହିଁ ଔଷଧ ଖାଇବା ଉଚିତ୍, ଖାଲି ପେଟରେ ନୁହେଁ। ଯଦିଓ ସମସ୍ତ ଔଷଧରେ ଏହା ହୋଇନଥାଏ, ପେଟରେ ଗ୍ୟାସ୍ ଉପଶମ କରୁଥିବା ଔଷଧଗୁଡିକ ସକାଳେ ଖାଲି ପେଟରେ ଖାଇବାକୁ ପରାମର୍ଶ ଦିଆଯାଏ, କିନ୍ତୁ ଅଧିକାଂଶ ଔଷଧ ଖାଦ୍ୟ ଖାଇବା ପରେ ଗ୍ରହଣ କରିବାକୁ ପରାମର୍ଶ ଦିଆଯାଏ।
ଡାକ୍ତରଙ୍କ ଅନୁଯାୟୀ, ଖାଲି ପେଟରେ ଔଷଧ ଖାଇବା ଦ୍ୱାରା ଅମ୍ଳୀୟ ପ୍ରତିକ୍ରିୟା ହୋଇପାରେ। ଯେତେବେଳେ ପେଟ ପୂର୍ଣ୍ଣ ରହିଥାଏ, ଏପରି ପ୍ରତିକ୍ରିୟା ହେବାର ସମ୍ଭାବନା କମ୍ ଥାଏ । କେତେକ ଔଷଧ ଶରୀରରେ ଅନେକ ଶାରୀରିକ ପରିବର୍ତ୍ତନ ଆଣିପାରେ। ଏହି ସମୟ ମଧ୍ୟରେ, ଅନ୍ତନଳୀରେ ରକ୍ତ ପରିମାଣ ମଧ୍ୟ ବଢିଯାଏ ଏବଂ ପିତ୍ତରୁ ଏସିଡ୍ ବାହାରିବା ଆରମ୍ଭ ହୁଏ । ଯେଉଁ କାରଣରୁ ଶରୀରରେ ଅନେକ ପ୍ରକାରର ରାସାୟନିକ ପ୍ରତିକ୍ରିୟା ହୋଇପାରେ।
ଅପରପକ୍ଷେ, ଯେତେବେଳେ ଖାଦ୍ୟ ଖାଇବା ପରେ ଔଷଧ ନିଆଯାଏ, ସେତେବେଳେ ଔଷଧ ଏବଂ ଖାଦ୍ୟ ପାରସ୍ପରିକ କାର୍ଯ୍ୟ କରିଥାଏ ଯେଉଁଥିପାଇଁ ଔଷଧରେ ଥିବା ରାସାୟନିକ ପଦାର୍ଥ ଶୋଷିତ ହୁଏ ଏବଂ ଔଷଧ ଶରୀର ଉପରେ ଏହାର ପ୍ରଭାବ ପକାଇଥାଏ।
ସେହିଭଳି, କିଛି ଔଷଧ ଏକାଠି ଗ୍ରହଣ କରିବା ଦ୍ୱାରା ରାସାୟନିକ ପ୍ରତିକ୍ରିୟା ମଧ୍ୟ ହୋଇପାରେ, ତେଣୁ କିଛି ସମୟ ବ୍ୟବଧାନ ପରେ ଏହାକୁ ଗ୍ରହଣ କରିବାକୁ ପରାମର୍ଶ ଦିଆଯାଏ। ସର୍ବଦା ଡାକ୍ତରଙ୍କ ପରାମର୍ଶରେ ଔଷଧ ଖାଇବା ଉଚିତ୍। ଏଥିସହିତ ଔଷଧ ଖାଇବାର ସମୟ ପରିବର୍ତ୍ତନ କରିବା ଉଚିତ୍ ନୁହେଁ।
