ନୂଆଦିଲ୍ଲୀ,୨୪।୩: ଷଷ୍ଠ ପିଢ଼ିର ଲଢ଼ୁଆ ବିମାନ ପାଇଁ ସାରା ବିଶ୍ୱରେ ଚାଲିଛି ପ୍ରତିଯୋଗିତା। ଏହି ରେସ୍ରେ ମଧ୍ୟ ରହିଛି ଭାରତ। ଏନେଇ ଏରୋନଟିକାଲ୍ ଡେଭଲପମେଣ୍ଟ୍ ଏଜେନ୍ସି (ADA)ର ଜଣେ ଅଧିକାରୀ ଦେଖିଛନ୍ତି ଗୁରୁତ୍ବପୂର୍ଣ୍ଣ ସୂଚନା। ସେ କହିଛନ୍ତି. ଷଷ୍ଠ ପିଢ଼ିର ଲଢ଼ୁଆ ବିମାନର ଅଧିକ ପ୍ରଚାର ପ୍ରସାର କରାଯାଉଛି। ଏହାର ଏତେ ପ୍ରଚାର ବଢିଛି ଯେ ଏହା ଭାରତୀୟ ୫.୫ ଜେନେରେସନ୍ ଆଡଭାନ୍ସଡ୍ ମିଡିୟମ୍ କମ୍ବାଟ ଏୟାରକ୍ରାଫ୍ଟ (AMCA)କୁ ପଛରେ ପକାଇ ଦେଇଛି। ସେ କହିଛନ୍ତି ଯେ ଆମେରିକା ଏବଂ ଚୀନ୍ ସେମାନଙ୍କର ଷଷ୍ଠ ପିଢ଼ିର ଯୁଦ୍ଧ ବିମାନକୁ ବହୁତ ପ୍ରୋତ୍ସାହିତ କରୁଛନ୍ତି। ତେବେ ବାସ୍ତବିକତା ଏଥିରୁ ବହୁତ ଭିନ୍ନ। ଅଧିକାରୀ ଜଣକ ଏହା ମଧ୍ୟ କହିଛନ୍ତି ଯେ ଷଷ୍ଠ ପିଢ଼ିର ବିମାନକୁ ଉନ୍ନତ କରୁଥିବା ବୈଶିଷ୍ଟ୍ୟଗୁଡ଼ିକ AMCAରେ ମଧ୍ୟ ରହିବ।
AMCA ହେଉଛି ଭାରତର ୫.୫ ପିଢ଼ିର ଲଢ଼ୁଆ ବିମାନ, ଯାହା ୨୦୨୮ ସୁଦ୍ଧା ଏହାର ପ୍ରଥମ ଉଡ଼ାଣ ଭରିବ। ପ୍ରତିରକ୍ଷା ମାମଲା ସମ୍ପର୍କିତ ଓ୍ବେବସାଇଟ୍ idrw.org କୁ ADA ଅଧିକାରୀ କହିଛନ୍ତି ଯେ AMCA ରେ ମଧ୍ୟ ସେହି ବୈଶିଷ୍ଟ୍ୟ ରହିବ, ଯାହା ଷଷ୍ଠ ପିଢ଼ିର ଲଢ଼ୁଆ ବିମାନରେ ଆଲୋଚନା ହେଉଛି। ସେ କହିଛନ୍ତି,ଏଥିରେ ଷଷ୍ଠ ପିଢ଼ିର ଲଢ଼ୁଆ ବିମାନର କିଛି ସିଲେକ୍ଟିଭ ଫିଚର୍ସ ରହିବ। ସେ ଏହା ମଧ୍ୟ କୁହନ୍ତି ଯେ ଅନ୍ୟ ଦେଶର ଯୁଦ୍ଧ ବିମାନଗୁଡ଼ିକ AMCA ପରି ସକ୍ଷମ ଏବଂ ଉନ୍ନତ ହେବେ ନାହିଁ। AMCA ଭାରତର ମହତ୍ତ୍ୱାକାଂକ୍ଷାର ଏକ ସ୍ପଷ୍ଟ ଚିତ୍ର ଦର୍ଶାଉଛି, ଯେତେବେଳେ ଆମେରିକା, ଚୀନ୍ ଏବଂ ୟୁରୋପୀୟ ଦେଶମାନେ ସେମାନଙ୍କର ଷଷ୍ଠ ପିଢ଼ିର ଯୁଦ୍ଧ ବିମାନ ବିଷୟରେ କଥା ହେଉଛନ୍ତି, ତାହା ବାସ୍ତବିକ ଭାବରେ ଦେଖିବାକୁ ମିଳୁନି। ଏହା ଦର୍ଶାଉଛି ଯେ ସେମାନଙ୍କର ମହତ୍ତ୍ୱାକାଂକ୍ଷା ଏବଂ ବାସ୍ତବତା ମଧ୍ୟରେ କେତେ ପାର୍ଥକ୍ୟ ଅଛି?
ଅଧିକାରୀ ଜଣକ କହିଛନ୍ତି ଯେ ଆମେରିକା ଏବଂ ଚୀନ୍ ଷଷ୍ଠ ପିଢ଼ିର ଅସ୍ତ୍ରଶସ୍ତ୍ର ବିକଶିତ କରିବା ପାଇଁ ଚର୍ଚ୍ଚାରେ ଅଛନ୍ତି। ଯାହା ଦୀର୍ଘ ଦୂରଗାମୀ କ୍ଷମତାର ପ୍ରତିଶ୍ରୁତି ଦିଏ, କିନ୍ତୁ ସେମାନେ ସେହି ମାନଦଣ୍ଡରେ ବିଫଳ ହେଉଥିବା ପରି ମନେ ହେଉଛି। ସେମାନେ ଏପର୍ଯ୍ୟନ୍ତ ଏକ ଫଙ୍କସନାଲ ଭ୍ୟାରିଏବଳ୍ ସାଇକେଲ ଇଞ୍ଜିନ (VCE) ପ୍ରଦର୍ଶନ କରିନାହାଁନ୍ତି, ଯାହା ଷଷ୍ଠ ପିଢ଼ିର ଲଢ଼ୁଆ ବିମାନ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ।VCE କୁ ଷଷ୍ଠ ପିଢ଼ିର ପ୍ରୋପୋଲେସନ୍ର ଏକ ଗୁରୁତ୍ୱପୂର୍ଣ୍ଣ ଅଂଶ ଭାବରେ ବିବେଚନା କରାଯାଏ, ଯାହା ଆକ୍ରମଣ ପାଇଁ ବାୟୁ ପ୍ରବାହକୁ ଗତିଶୀଳ ଭାବରେ ନିୟନ୍ତ୍ରଣ କରେ। ଏହା ଦ୍ବାରା ତା’ର ଆଟାକିଂ ରେଞ୍ଜକୁ ୩୦ ପ୍ରତିଶତ ବୃଦ୍ଧି କରେ ଏବଂ ଉତ୍କୃଷ୍ଟ ଥର୍ମାଲ୍ ପରିଚାଳନା ମଧ୍ୟ ପ୍ରଦାନ କରିପାରିବ।
