ମାଲକାନଗିରି,୨୪/୪ : ମାଲକାନଗିରି ଜିଲ୍ଲାରେ ଦୁଇଟି  ବିଧାନସଭା ନିର୍ବାଚନ ମଣ୍ଡଳୀ ଯଥା ମାଲକାନଗିରି ଓ  ଚିତ୍ରକୋଣ୍ଡା   ବିଧାନସଭା ଆସନ ରହିଛି। ଏହି ଦୁଇଟି ଆସନ ଆଦିବାସୀ ସଂରକ୍ଷିତ। ଆଜି ବିଜେଡିର ବିଧାୟକ ପ୍ରାର୍ଥୀ ମାନସ ମାଡ଼କମି, ଲଷ୍ମୀପ୍ରିୟା ନାୟକ ଓ କଂଗ୍ରେସ ର ବିଧାୟକ ପ୍ରାର୍ଥୀ ମାଲା ମାଡ଼ି,ମଙ୍ଗୁଖିଲ ନିଜ ନିଜ ଦଳୀୟ କର୍ମୀଙ୍କ ସହିତ ଶୋଭାଯାତ୍ରାରେ ଆସି ଜିଲ୍ଲାପାଳ ଓ ଉପଜିଲ୍ଲାପାଳ ଙ୍କ କାର୍ଯ୍ୟାଳୟ ରେ ନିଜ ନିଜ ନାମାଙ୍କନ ପତ୍ର ଦାଖଲ କରିଛନ୍ତି।

 ମାଲକାନଗିରି ବିଧାନସଭା ଆସନ ପାଇଁ ବିଜେଡି ପ୍ରାର୍ଥୀ ମାନସ ମାଡ଼କାମୀ  ବିରାଟ ଶୋଭାଯାତ୍ରାରେ ସହର ପରିକ୍ରମା କରି   ଉପଜିଲ୍ଲାପାଳ ଙ୍କ କାର୍ଯ୍ୟାଳୟ ରେ ପହଁଚି ମାଲକାନଗିରି ବିଧାନସଭା ନିର୍ବାଚନ ମଣ୍ଡଳୀ ର ରିଟର୍ଣ୍ଣିଂ ଅଫିସର ତଥା ଉପଜିଲ୍ଲାପାଳ ଦୁର୍ଯ୍ୟୋଧନ ଭୋଇ ଙ୍କ ନିକଟରେ ନିଜର ପ୍ରାର୍ଥୀପତ୍ର ଦାଖଲ କରିଥିଲେ। 

ସେହିପରି  ଚିତ୍ରକୋଣ୍ଡା ବିଧାନସଭା ନିର୍ବାଚନ ମଣ୍ଡଳୀ ପାଇଁ ବିଜେଡି ବିଧାୟିକା ପ୍ରାର୍ଥୀ ଭାବେ ଲଷ୍ମୀପ୍ରିୟା ନାୟକ ଦଳୀୟ କର୍ମୀ ଓ ସମର୍ଥକ ମାନଙ୍କ ସହିତ ଶୋଭାଯାତ୍ରାରେ ଆସି ଜିଲ୍ଲାପାଳ ଙ୍କ କାର୍ଯ୍ୟଳୟ ରେ ଚିତ୍ରକୋଣ୍ଡା ବିଧାନସଭା ନିର୍ବାଚନ ମଣ୍ଡଳୀ ର  ରିଟର୍ଣ୍ଣିଂ ଅଫିସର ତଥା ଅତିରିକ୍ତ ଜିଲ୍ଲାପାଳ  ସୋମନାଥ ପ୍ରଧାନଙ୍କ ନିକଟରେ ନିଜର ନାମାଙ୍କନ ପତ୍ର ଦାଖଲ କରିଛନ୍ତି।

ସେହିପରି କଂଗ୍ରେସ ଦଳ ପକ୍ଷରୁ  ଦଳୀୟ ନେତା କର୍ମୀ ଓ ସମର୍ଥକ ମାନଙ୍କ ସହିତ ବିରାଟ ଶୋଭାଯାତ୍ରାରେ ସହର ପରିକ୍ରମା କରି ମାଲକାନଗିରି ଆସନ ପାଇଁ କଂଗ୍ରେସର ଦଳର ବିଧାୟକ ପ୍ରାର୍ଥୀ ମାଲା ମାଡ଼ି ଉପଜିଲ୍ଲାପାଳ ଦୁର୍ଯ୍ୟଧନ ଭୋଇ ଙ୍କ ନିକଟରେ ନିଜର ନାମାଙ୍କନ ପତ୍ର ଦାଖଲ କରିଥିଲେ। ଚିତ୍ରକୋଣ୍ଡା ବିଧାନସଭା ନିର୍ବାଚନ ମଣ୍ଡଳୀ ପାଇଁ  କଂଗ୍ରେସ ଦଳ ର ପ୍ରାର୍ଥୀ ମଙ୍ଗୁଖିଲ ଜିଲ୍ଲାପାଳ ଙ୍କ କାର୍ଯ୍ୟଳୟ ଠାରେ ଅତିରିକ୍ତ ଜିଲ୍ଲାପାଳ ସୋମନାଥ ପ୍ରଧାନଙ୍କ ନିକଟରେ ନାମାଙ୍କନ ପତ୍ର ଦାଖଲ କରିଛନ୍ତି। 

ଆହୁରି ପଢନ୍ତୁ : ଗାଡି ଯାଞ୍ଚ ସମୟରେ କାରରୁ ୩୦ଲକ୍ଷ ଟଙ୍କା ଜବତ, ୨ ଜଣଙ୍କୁ ଆୟକର ବିଭାଗ ପକ୍ଷରୁ ପଚରାଉଚରା