ମାଲକାନଗିରି,୨/୫ : ଏଚଡ଼ି ହାଇଡ୍ରୋ ଟେଷ୍ଟିଂ ମେସିନ ଫିଟ ହୋଇଥିବା ଏକ ପିକଅପ ଭ୍ୟାନରେ ସ୍ୱତନ୍ତ୍ର ଚ୍ୟାମ୍ବର ନିର୍ମାଣ କରି ଅଭିନବ ଉପାୟରେ ରାଜସ୍ଥାନକୁ ଗଞ୍ଜେଇ ଚାଲାଣ କରାଯାଉଥିବା ବେଳେ ପୁଲିସ ଚଢାଉ କରି ଗଞ୍ଜେଇ ସହିତ ଜଣଙ୍କୁ ଗିରଫ କରିଛି।
ମାଲକାନଗିରି ଆଦର୍ଶ ଥାନା ସ୍ଥିତ ମାଲକାନଗିରି ବାଲିମେଳା ରାସ୍ତା ଗୌଡ଼ଗୁଡା ଛକ ଠାରେ ବୁଧବାର ମାଲକାନଗିରି ଥାନା ଏସ ଆଇ ପି .ଗୌଡ଼ ଙ୍କ ନେତୃତ୍ୱରେ କନେଷ୍ଟବଳ ଲକ୍ଷ୍ମଣ ମାରାଣ୍ଡି, ବଳରାମ ଚାଲାଣ ପେଟ୍ରୋଲିଂ କରୁଥିଲେ। ଏହି ସମୟରେ ସେହି ରାସ୍ତା ଦେଇ ଏଚ.ଡ଼ି ହାଇଡ୍ରୋ ଟେଷ୍ଟିଙ୍ଗ ମେସିନ ଫିଟ ହୋଇଥିବା ଏକ ପିକ ଅପ ଭ୍ୟାନ ଦ୍ରୁତଗତିରେ ପଳାଉ ଥିବାର ଦେଖି ତାକୁ ଗୋଡ଼ାଇ ଧରିଥିଲେ। ଗାଡି ଯାଞ୍ଚ କରିବାରୁ ଅଭିନବ ଉପାୟରେ ଉକ୍ତ ଭ୍ୟାନ ରେ ସ୍ୱତନ୍ତ୍ର ଚ୍ୟାମ୍ବର ନିର୍ମାଣ ହୋଇଥିବାର ଦେଖିଥିଲେ। ଉକ୍ତ ଚ୍ୟାମ୍ବର ରେ ଗଞ୍ଜେଇ ଥିବାର ଦେଖି ଗାଡିଚାଳକ ସହିତ ଗାଡିକୁ ଥାନା କୁ ନେଇ ପଚରା ଉଚରା କରିଥିଲେ।
ରାଜସ୍ଥାନ ଟାତାରପୁର,ଆଲୱାର ଅଞ୍ଚଳର ରହିତାଶ ମିନା ଆର ଜେ ୧୮ଜିସି-୬୬୩୦ ନମ୍ବର ଏକ ପିକ ଅପ ଭ୍ୟାନ ରେ କିଛି ସିଲିଣ୍ଡର ଫିଟ କରି ଉକ୍ତ ଗାଡିରେ ଏଚ.ଡି.ପି. ହାଇଡ୍ରୋ ଟେଷ୍ଟିଙ୍ଗ, ଡ୍ୟାଞ୍ଜର ଲେଖା ଥିଲା। ଏହା ନକଲି ଟେଷ୍ଟିଙ୍ଗି ମେସିନ,ଏହା ପୂର୍ବରୁ ଉକ୍ତ ବ୍ୟକ୍ତି ଏହି ଗାଡ଼ିରେ ଅନେକ ଥର ଗଞ୍ଜେଇ ରାଜସ୍ଥାନ କୁ ଚାଲାଣ କରିଥିବାର ଜଣା ପଡ଼ିଛି। ଉକ୍ତ ଗଞ୍ଜେଇ ଓଜନ କରିବାରୁ ୨୫କିଲୋ ହୋଇଥିଲା। ପରେ ଅଧିକ ଗଞ୍ଜେଇ ନେବାର ଯୋଜନା କରୁଥିଲା। ଅଭିଯୁକ୍ତ କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି ବୋଲି ଆଦର୍ଶ ଥାନା ଆଇଆଇସି ରିଗନ କିଣ୍ଡୋ ସୂଚନା ଦେଇଛନ୍ତି।