କୋଲକାତା- ଆଇପିଏଲର ୧୭ତମ ସଂସ୍କରଣର ୪୨ତମ ମ୍ୟାଚ୍ରେ ଆଜି ( ୨୬ ଅପ୍ରେଲ) କୋଲକାତା ନାଇଟ୍ ରାଇଡର୍ସ (କେକେଆଇ) ଓ ପଞ୍ଜାବ କିଙ୍ଗସ ( ପିବିକେଏସ) ମୁହାଁମୁହିଁ ହୋଇଛନ୍ତି। ଉକ୍ତ ମ୍ୟାଚ୍ କୋଲକାତାର ଇଡେନ ଗାର୍ଡେନ୍ସରେ ଖେଳା ଯାଉଛି। ମୁକାବିଲାରେ କୋଲକାତା , ପଞ୍ଜାବକୁ ବିଜୟ ପାଇଁ ୨୬୨ ରନ୍ର ଟାର୍ଗେଟ୍ ଦେଇଛି। କହି ରଖୁଛୁ କି, ପଞ୍ଜାବ କିଙ୍ଗସ ଏବେସୁଦ୍ଧା ୮ରୁ ୨ଟି ମୁକାବିଲା ଜିତିଛି। ଅନ୍ୟପଟେ କେକେଆର ୭ଟିରୁ ୫ଟି ମ୍ୟାଚ୍ରେ ବିଜୟ ହାସଲ କରିଛି।
ଟି-୨୦ ବିଶ୍ୱକପ୍ ପାଇଁ ବ୍ରାଣ୍ଡ ଆମ୍ୱାସଡର ଭାବେ ନିଯୁକ୍ତ ହେଲେ ଯୁବରାଜ ସିଂହ
ଟସ୍ ହାରି ପ୍ରଥମେ ବ୍ୟାଟିଂ କରି କୋଲକାତା ନାଇଟ୍ ରାଇଡର୍ସ ୬ ୱିକେଟ୍ରେ ୨୬୧ ରନ୍ କରିଛି। କୋଲକାତା ପାଇଁ ଫିଲ୍ ସାଲ୍ଟ ସବୁଠୁ ଅଧିକ ୩୭ଟି ବଲରେ ୭୫ ରନ୍ର ପାଳି ଖେଳିଛନ୍ତି। ସାଲ୍ଟ ଏହି ସମୟରେ ୬ଟି ଛକା ଓ ୬ଟି ଚୌକା କରିଛନ୍ତି। ସେପଟେ ସୁନିଲ ନରେଲ ୭୧ ରନ୍ କରିଛନ୍ତି। ନରେନ ୩୨ଟି ବଲ୍ରେ ୯ଟି ଚୌକା ଓ ୪ଟି ଛକା ମାରିଛନ୍ତି।
ନରେନ-ସାଲ୍ଟ ମିଶି ୧୦.୨ ଓଭରରେ ୧୩୮ ରନ୍ର ଓପନିଂ ପାର୍ଟନରସିପ୍ ଖେଳିଛନ୍ତି। ଭେଙ୍କଟେଶ ଆୟର ମଧ୍ୟ ୩ଟି ଚୌକା ଓ ଦୁଇଟି ଛକା ସାହାଯ୍ୟରେ ୩୯ ରନ୍ କରିଛନ୍ତି। ଏହା ବ୍ୟତୀତ ଆନ୍ଦ୍ରେ ରସେଲ (୨୪) ଓ ଶ୍ରେୟସ ଆୟର (୨୮) ମଧ୍ୟ ବିସ୍ଫୋରକ ପାଳି ଖେଳିଛନ୍ତି। ପଞ୍ଜାବ ପାଇଁ ଅର୍ଶଦୀପ ସିଂହ ସବୁଠୁ ଅଧିକ ଦୁଇଟି ୱିକେଟ୍ ନେଇଛନ୍ତି।