ନୂଆଦିଲ୍ଲୀ, ୬/୫ : ପାକିସ୍ତାନ କ୍ରିକେଟ ଟିମ୍ ଟି-୨୦ ବିଶ୍ବକପ ୨୦୨୪ରେ ନୂଆ ଜର୍ସି ସହ ମୈଦାନରେ ଓହ୍ଲାଇବ । ପାକିସ୍ତାନ କ୍ରିକେଟ ବୋର୍ଡ଼ ନିକଟରେ ନୂଆ ଜର୍ସିରେ ଫଟୋ ସେୟାର କରିଛି । ପିସିବି ସୋମବାର ସନ୍ଧ୍ୟାରେ ଏକ୍ସରେ ଏକ ଫଟୋ ସେୟାର କରିଛି । ଏଥିରେ ବାବର ଆଜମ ଏବଂ ଶାହୀନ ଅଫରୀଦୀଙ୍କ ସମେତ ଟିମର କିଛି ଖେଳାଳୀ ନୂଆ ଜର୍ସିରେ ନଜର ଆସିଛନ୍ତି । ପାକିସ୍ତାନର ନୂଆ ଜର୍ସିର ବେସ କଲର ଗ୍ରୀନ ରହିଛି । କିନ୍ତୁ ଏଥିରେ କିଛି ନୂଆ ଡିଜାଇନକୁ ସାମିଲ କରାଯାଇଛି ।
ପ୍ରକାଶ ଯେ, ପିସିବି ଏକ୍ସରେ ଏକ ପୋଷ୍ଟ ସେୟାର କରିଛି । ସେଥିରେ ପାକିସ୍ତାନ କ୍ରିକେଟ ଟିମ୍ର ଖେଳାଳୀ ନୂଆ ଜର୍ସିରେ ନଜର ଆସୁଛନ୍ତି । ବାବର ଆଜମ, ଶାହୀନ ଅଫରୀଦୀ, ମୋହମ୍ମଦ ରିଜଓ୍ବାନ, ନସୀମ ଶାହ ଏବଂ ଶାଦାବ ଖାନ ନୂଆ ଜର୍ସିରେ ଦେଖାଯାଉଛନ୍ତି । ପିସିବି ଏକ ଭିଡ଼ିଓ ବି ସେୟାର କରିଛି । ଏହା ପିସିବିର ଆନ୍ଥେମ ସଙ୍ଗ୍ ଅଟେ । ଏଥିରେ ପାକିସ୍ତାନ କ୍ରିକେଟ ଟିମ୍ର ଖେଳାଳୀ ଓ୍ବାର୍କଆଉଟ କରୁଥିବା ନଜର ଆସୁଛନ୍ତି । ପିସିବିର ଜର୍ସିକୁ ନେଇ ଫ୍ୟାନ୍ସ ରିଆକ୍ସନ ବି ଦେଇଛନ୍ତି ।
ଟି-୨୦ ବିଶ୍ବକପ ୨୦୨୪ର ଆରମ୍ଭ ୧ଜୁନରୁ ଆରମ୍ଭ ହେବାକୁ ଯାଉଛି । ଏଥିରେ ପାକିସ୍ତାନର ପ୍ରଥମ ମ୍ୟାଚ୍ ୟୁଏସଏ ସହ ଅଛି । ଏହି ମ୍ୟାଚ୍ ୬ଜୁନରେ ଖେଳାଯିବ । ଭାରତ ଏବଂ ପାକିସ୍ତାନ ମଧ୍ୟରେ ୯ଜୁନରେ ମ୍ୟାଚ୍ ଖେଳାଯିବ । ଏହି ମ୍ୟାଚ୍ ନ୍ୟୁୟର୍କରେ ଆୟୋଜନ ହେବ । ପାକିସ୍ତାନର ତୃତୀୟ ମ୍ୟାଚ୍ କାନାଡ଼ା ସହ ଅଛି । ଏହି ମୁକାବିଲା ୧୧ଜୁନରେ ଆୟୋଜିତ ହେବ । ଟିମ୍ ନିଜ ଚତୁର୍ଥ ମ୍ୟାଚ୍ ୧୬ଜୁନରେ ଖେଳିବ । ଏହି ମୁକାବିଲା ଆୟରଲ୍ୟାଣ୍ଡ ସହ ହେବ ।
ପ୍ରକାଶ ଯେ, ପାକିସ୍ତାନ ଟିମ୍ ଟି-୨୦ବିଶ୍ବକପ୍ ପୂର୍ବରୁ ଇଂଲଣ୍ଡ ବିପକ୍ଷ ସିରିଜ ଖେଳିବ । ଇଂଲଣ୍ଡ ଏବଂ ପାକିସ୍ତାନ ମଧ୍ୟରେ ୨୨ମଇରେ ଟି୨୦ ସିରିଜର ପ୍ରଥମ ମ୍ୟାଚ ଖେଳାଯିବ । ଦ୍ବିତୀୟ ମ୍ୟାଚ୍ ୨୫ମଇ ଏବଂ ତୃତୀୟ ମ୍ୟାଚ୍ ୨୮ମଇରେ ଖେଳାଯିବ । ଏହି ସିରିଜର ଶେଷ ମ୍ୟାଚ୍ ୩୦ମଇରେ ଖେଳାଯିବ ।
🎵𝑳𝒂𝒑𝒂𝒊𝒕 𝒌𝒉𝒖𝒅 𝒑𝒆𝒓 𝒘𝒂𝒕𝒂𝒏 𝒌𝒂 𝒑𝒂𝒓𝒄𝒉𝒂𝒎, 𝒃𝒂𝒋𝒂 𝒅𝒆 𝒅𝒂𝒏𝒌𝒂, 𝒎𝒂𝒄𝒉𝒂 𝒅𝒆 𝒔𝒉𝒐𝒐𝒓!🎵
— Pakistan Cricket (@TheRealPCB) May 6, 2024
Presenting Pakistan 𝐌𝐚𝐭𝐫𝐢𝐱 𝐉𝐞𝐫𝐬𝐞𝐲'𝟐𝟒! Pre-order now: https://t.co/TWU32T9BHd#WearYourPassion | #WeHaveWeWill pic.twitter.com/akwWjkjZBB
