ଭୁବନେଶ୍ୱର,୨୯/୦୪: ପ୍ରକାଶ ପାଇଲା ତୃତୀୟ ପର୍ଯ୍ୟାୟ ନିର୍ବାଚନ ପାଇଁ ବିଜ୍ଞପ୍ତି । ଏନେଇ ନିର୍ବାଚନ କମିଶନ ପକ୍ଷରୁ ବିଧି ବଦ୍ଧ ଭାବେ ବିଜ୍ଞପ୍ତି ପ୍ରକାଶ କରାଯାଇଛି। ଆଜି ପ୍ରାର୍ଥୀମାନେ ନାମାଙ୍କନ ଭରିପାରିବେ। ମେ ୬ ତାରିଖ ପ୍ରାର୍ଥିପତ୍ର ଦାଖଲର ପ୍ରକିୟା ଜାରି ରହିବ। ୭ ତାରିଖ ପ୍ରାର୍ଥିପତ୍ର ଯାଞ୍ଚ ଏବଂ ୯ରେ ପ୍ରତ୍ୟାହାର ପାଇଁ ତାରିଖ ଧାର୍ଯ୍ୟ ହୋଇଛି । ମେ ୨୫ ତାରିଖରେ ତୃତୀୟ ପର୍ଯ୍ୟାୟ ମତଦାନ ପାଇଁ ତାରିଖ ଧାର୍ଯ୍ୟ କରାଯାଇଛି।
ସୂଚନା ମୁତାବିକ, ସମ୍ବଲପୁର, କେନ୍ଦୁଝର, ଢେଙ୍କାନାଳ, କଟକ, ପୁରୀ ଓ ଭୁବନେଶ୍ୱର ସଂସଦୀୟ କ୍ଷେତ୍ର ଓ ଏହା ଅଧୀନରେ ଆସୁଥିବା ୪୨ଟି ବିଧାନସଭା ଆସନ ପାଇଁ ଭୋଟ ପକ୍ରିୟା ଆରମ୍ଭ ହେବ। ଆଜିଠୁ ପ୍ରାର୍ଥୀମାନେ ନାମଙ୍କନ ଭରିପାରିବେ।
ଓଡ଼ିଶାରେ ତୃତୀୟ ପର୍ଯ୍ୟାୟର ୫ ସଂସଦୀୟ କ୍ଷେତ୍ରରେ ସକାଳ ୭ରୁ ୬ଟା ଭୋଟିଂ ହେବ।କେନ୍ଦୁଝର, ଢେଙ୍କାନାଳ, କଟକରେ ସକାଳ ୭ରୁ ୬ଟା ପର୍ଯ୍ୟନ୍ତ ମତଦାନ ପ୍ରକିୟା ଚାଲିବ । ସେହିପରିପୁରୀ, ଭୁବନେଶ୍ୱର ସଂସଦୀୟ କ୍ଷେତ୍ରରେ ସକାଳ ୭ରୁ ୬ଟା ପର୍ଯ୍ୟନ୍ତ ଭୋଟିଂ ଅନୁଷ୍ଠିତ ହେବ।