ପ୍ରମୁଖ ଖବର
  • ଭୁବନେଶ୍ୱର : ଜାତୀୟ ସ୍ତରୀୟ ଗବେଷଣା ସୁଯୋଗ, ମୁଖ୍ୟମନ୍ତ୍ରୀ ରିସର୍ଚ୍ଚ ଫେଲୋସିପ୍‌ ପାଇଁ ୩୦୦ ଶିକ୍ଷାର୍ଥୀ ଚୟନ
  • ||
  • ଭୁବନେଶ୍ୱର : ମହିଳାଙ୍କ ସୁରକ୍ଷା ପାଇଁ ନିଯୁକ୍ତ ହୋଇଥିଲେ; ତାଲିମ ନେଇଥିଲେ ୨୪୮ ଜଣ, ଏବେ ବନ୍ଦ ହୋଇଗଲା ଏସ୍‌ଓପି ବ୍ୟବସ୍ଥା
  • ||
  • ପଶ୍ଚିମବଙ୍ଗରେ ଥମୁନି ନିର୍ବାଚନୀ ହିଂସା, ଜଣେ ଟିଏମସି କର୍ମୀଙ୍କୁ ହତ୍ୟା, ପୁଣି ବିଜେପି ବିରୋଧରେ ଦଳ ଆଣିଲା ଅଭିଯୋଗ
  • ||
  • ବାଂଲାଦେଶ ମୁହାଁ ବାତ୍ୟା, ପ୍ରଭାବରେ ୪ଜିଲ୍ଲାରେ ବର୍ଷା ଓ ପବନ ସମ୍ଭାବନା, ୪ ଜିଲ୍ଲାପାଳଙ୍କୁ ଏସଆରସିଙ୍କ ଆଲର୍ଟ
  • ||
  • ରାଜ୍ୟରେ ତୃତୀୟ ପର୍ଯ୍ୟାୟ ମତଦାନ, ୬ ଲୋକସଭା ଓ ୪୨ ବିଧାନସଭା ଆସନରେ ଭୋଟିଂ, ୪୪୭ ପ୍ରାର୍ଥୀଙ୍କ ହେବ ଭାଗ୍ୟ ପରୀକ୍ଷା
  • ||
  • ଦେଶରେ ଷଷ୍ଠ ପର୍ଯ୍ୟାୟ ମତଦାନ, ୬ ରାଜ୍ୟ ଓ ୨ କେନ୍ଦ୍ରଶାସିତ ଅଞ୍ଚଳରେ ଚାଲିଛି ଭୋଟ୍, ୫୮ ସଂସଦୀୟ କ୍ଷେତ୍ରରେ ମତଦାନ ଆରମ୍ଭ
  • ||
  • ସୃଷ୍ଟି ହେଲା ଅବପାତ: ୨୫ ରାତିରୁ ଉପକୂଳରେ ବର୍ଷା, ୨୬ରେ ଭୀଷଣ ବାତ୍ୟା ରୂପ ନେବ
  • ||

ରଥ ଖଳା ହାଲ୍‌ଚାଲ୍ : ପନ୍ଦାରି ବଳା ତିଆରି ଆରମ୍ଭ, ୨୪ ତୁମ୍ବ ଗୋଲେଇ ଶେଷ

ପୁରୀ,୧୫/୦୫ : ଅକ୍ଷୟ ତୃତୀୟାରେ ରଥ ନିର୍ମାଣ ଅନୁକୂଳ ହୋଇଥିଲା । ମଙ୍ଗଳବାର ରଥ ଚାଳିରେ ନିର୍ମାଣର ଚତୁର୍ଥ ଦିନ ହୋଇଥିଲା । ଇତିମଧ୍ୟରେ କରତି ସେବକମାନେ ରଥତ୍ରୟ ପାଇଁ ଆବଶ୍ୟକ ମୋଟ ୪୨ ତୁମ୍ବ ଗଡ଼ କାଟି ବିଶ୍ୱକର୍ମାଙ୍କୁ ଯୋଗାଇଛନ୍ତି । ରାତି ପର୍ଯ୍ୟନ୍ତ ଚାଳିରେ ଠାକୁରଙ୍କ କାର୍ଯ୍ୟ କରୁଛନ୍ତି ନିର୍ମାଣକାରୀ । ବିଶ୍ୱକର୍ମାମାନେ ମଙ୍ଗଳବାର ସନ୍ଧ୍ୟା ସୁଦ୍ଧା ୨୪ଟି ତୁମ୍ବ ଗୋଲେଇ କାର୍ଯ୍ୟ ସାରିଛନ୍ତି । ସେପଟେ ଓଝା ସେବକ ପନ୍ଦାରି କାମ ଆରମ୍ଭ କରିଛନ୍ତି । ନନ୍ଦିଘୋଷ ମୁଖ୍ୟ ବିଶ୍ୱକର୍ମା ବିଜୟ କୁମାର ମହାପାତ୍ର କୁହନ୍ତି, ବର୍ତ୍ତମାନ ତୁମ୍ବ କାର୍ଯ୍ୟ ସାରୁଛନ୍ତି ନିର୍ମାଣକାରୀ । ନାହାକା, ପଡ଼ି ନାହାକା, ବଡ଼ ଉଛୁଳା ଓ ସାନ ଉଛୁଳା ଚକ ରହିଛି । 

ରଥ ଚକର ବିଭିନ୍ନ ନାମାନୁସାରେ ତୁମ୍ବର ନାମ । ଏବେ ନାହାକା ଓ ପଡ଼ି ନାହାକା ଆଦି ତୁମ୍ବ ତିଆରି ଶେଷ ପର୍ଯ୍ୟାୟରେ । ନାହାକା ଚକ ରଥ ମଝିରେ ରହିବ । ଚାରି ନାହାକା ଚକ ଉପରେ ରଥ ଅଧିକ ଭାରା ରହିବ । ରଥ ନିର୍ମାଣର ଚତୁର୍ଥ ଦିନରେ ତିନି ରଥର ମହାରଣାମାନେ ମୋଟ ୨୪ଟି ତୁମ୍ବର ଗୋଲେଇ କାର୍ଯ୍ୟ ସାରିଛନ୍ତି । ନନ୍ଦିଘୋଷ ରଥ, ଦର୍ପଦଳନ ରଥ ଓ ନନ୍ଦିଘୋଷ ରଥର ୮ଟି ଲେଖାଏଁ ତୁମ୍ବ ଗୋଲେଇ କାର୍ଯ୍ୟ ଶେଷ ହୋଇଛି । ମଙ୍ଗଳବାର ରଥ ନିର୍ମାଣରେ ୭୪ଜଣ ନିର୍ମାଣକାରୀ ନିୟୋଜିତ ହୋଇଥିବା କହିଛନ୍ତି ଶ୍ରୀମନ୍ଦିର ଲୋକସମ୍ପର୍କ ଅଧିକାରୀ ଜିତେନ୍ଦ୍ର କୁମାର ମହାନ୍ତି । ଦୋଳବେଦି ଅସ୍ଥାୟୀ କମାର ଶାଳରେ ଓଝା ସେବକମାନେ ପନ୍ଦାରି ବଳା ନିର୍ମାଣ ଆରମ୍ଭ କରିଛନ୍ତି । ଅର କଣ୍ଟା ଶେଷ ପର୍ଯ୍ୟାୟରେ ପହଞ୍ଚିବାରେ ଶାଳରେ ପନ୍ଦାରି ଓ ବଳା ପଡ଼ିଲା । ଆଜି ପନ୍ଦାରି ତିଆରି ଆରମ୍ଭ ହୋଇଛି । ଏହାକୁ ପୋଡ଼ିଲା ପରେ ମଳି ଛଡ଼ା ଯାଇ ମଠା(ସାଇଜ୍‌) ହେବ ।

ତୁମ୍ବରେ ଲାଗିବ ପନ୍ଦାରି...

ବଳା ତୁମ୍ବର ଭିତର ପାଶ୍ୱର୍ରେ ଲାଗିବ ପନ୍ଦାରି । ତାହାକୁ ମଜଭୁତ୍‌ କରିବାକୁ ଚାବି ତିଆରି ହୋଇ ପନ୍ଦାରିରେ ପଡ଼ିବ । ଗୋଟିଏ ତୁମ୍ବରେ ଲାଗିବ ୨ଟି ଲେଖାଏଁ ପନ୍ଦାରି ଓ ବଳା । ତିନି ରଥର ୪୨ ଚକ ପାଇଁ ଆବଶ୍ୟକ ୮୪ଟି ପନ୍ଦାରି, ୮୪ଟି ବଳା । ସେଗୁଡ଼ିକର ଆକାର ଭିନ୍ନ ଭିନ୍ନ । ତୁମ୍ବର ବାହାର ପାଶ୍ୱର୍ରେ ଲାଗିବ ବଳା । ତୁମ୍ବରେ ଅଖ ଭୁଞ୍ଜାଯିବ । ଠାକୁରଙ୍କ ରଥ ଅଖର ଆକାର ବଡ଼ରୁ ସାନ ହୁଏ । ସେହି ଅନୁସାରେ ବଡ଼ସାନ ହୋଇ ତିଆରି ହୁଏ ପନ୍ଦାରି ଓ ବଳା । ସେଥିରେ ୪ଟି ଚାବି ଲାଗି ତୁମ୍ବକୁ ମଜଭୁତ କରାଯିବ । ଯେପରି ରଥ ଗଡ଼ିଲାବେଳେ ତୁମ୍ବରୁ ଅଖ ଖସି ନଯାଏ ।

ମଜୁରି ଥିଲା ୨ ଟଙ୍କା ୨୫ ପଇସା 

ଭାଇପୁଅ ଲକ୍ଷ୍ମଣ ମହାରଣା ଏନେଇ କହିଛନ୍ତି ଯେ, ୧୯୪୭ ମସିହାରେ ମୋର ଜନ୍ମ । ଚଳିତ ବର୍ଷକୁ ମିଶାଇଲେ ୫୭ ବର୍ଷ ହେଲା ରଥ ନିର୍ମାଣ । ଭାଇପୁଅ ମହାରଣା ଭାବେ ରଥ ନିର୍ମାଣ କରୁଛି । ୭୭ ବର୍ଷରେ ରଥଖଳାକୁ ଆସିବା କ'ଣ ମଣିଷ ହାତରେ ଅଛି! ଏସବୁ ଶ୍ରୀଜଗନ୍ନାଥଙ୍କ କୃପା । ସେତେବେଳେ ଦିନକୁ ୨ ଟଙ୍କା ୨୫ ପଇସା ପାରିଶ୍ରମିକ ମିଳୁଥିଲା । ଏବେ ୧୫ଶହ ଟଙ୍କା । ପୁରୀଠାରୁ ୮ କିଲୋମିଟର ଦୂର ଜଗନ୍ନାଥବଲ୍ଲଭରେ ଘର । ପୂର୍ବ ପୁରୁଷରୁ ଆମେ ରଥ କାମକୁ ଆସୁ । ବାବା ବାଞ୍ଛାନିଧି ମହାରଣା ରଥ କାମକୁ ଆସୁଥିଲେ । ବାବା ଥିଲା ବେଳୁ ଠାକୁରଙ୍କ କାମରେ ଯୋଗ ଦେଇଛି।

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.