ଭୁବନେଶ୍ୱର,୧୪/୦୫: ମଙ୍ଗଳବାର କଂଗ୍ରେସ ସପକ୍ଷରେ ପ୍ରଚାର କରିବାକୁ ଓଡ଼ିଶା ଆସୁଛନ୍ତି ପୂର୍ବତନ କେନ୍ଦ୍ରମନ୍ତ୍ରୀ ତଥା ହେଭିୱେଟ୍ ନେତା ଜୟରାମ ରମେଶ । ଜୟରାମ ଓଡ଼ିଶାରେ ପହଞ୍ଚିବା ପରେ ଦିନ ୧୨ଟାରେ ସାମ୍ବାଦିକ ସମ୍ମିଳନୀ କରିବେ ।
ଜୟରାମ ଗସ୍ତ ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଓଡ଼ିଶା ଗସ୍ତ ନେଇ ୩ଟି ପ୍ରଶ୍ନ ଉଠାଇଛନ୍ତି । ‘ଏକ୍ସ’ରେ ପ୍ରଧାନମନ୍ତ୍ରୀଙ୍କୁ ବିଜେଡି ସହ ବିଜେପିର ସମ୍ପର୍କର ସ୍ଥିତି (ରିଲେସନସିପ୍ ଷ୍ଟାଟସ୍) ବିଷୟରେ କାହିଁକି ମିଛ କହୁଛନ୍ତି ବୋଲି ପଚାରିଛନ୍ତି । ନବୀନ ଓ ନରେନ୍ଦ୍ର ଗୋଟିଏ ମୁଦ୍ରାର ଦୁଇ ପାଶ୍ୱର୍ । ବାଲେଶ୍ୱର ଟ୍ରେନ୍ ଦୁର୍ଘଟଣା ପରେ କାହିଁକି କିଛି ପରିବର୍ତ୍ତନ ହୋଇନାହିଁ ଓ ଆଦିବାସୀ ସମ୍ପ୍ରଦାୟର ଜଙ୍ଗଲ ଅଧିକାରକୁ ବିଜେପି କାହିଁକି ଦୁର୍ବଳ କରିଛି ବୋଲି ମଧ୍ୟ ପ୍ରଶ୍ନ କରିଛନ୍ତି ।