ମାଲକାନଗିରି,୨୩/୪ :  ମାଲକାନଗିରି ଜିଲ୍ଲା  ବିଜେଡି କାର୍ଯ୍ୟାଳୟ ଲାଠିଆଗୁଡା ଠାରେ  ଆୟୋଜିତ କର୍ମୀ ସମ୍ମିଳନୀରେ ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ  ଯୋଗ ଦେଇଛନ୍ତି।  ନିର୍ବାଚନ ବୈତରଣୀ କିପରି ପାର ହେବ ସେ ନେଇ  କର୍ମୀଙ୍କୁ ଗୁରୁମନ୍ତ୍ର ଦେଇ ରଣନୀତି ପ୍ରସ୍ତୁତ କରିଥିଲେ। ମାଲକାନଗିରି ଜିଲ୍ଲାର ମାଲକାନଗିରି, ଚିତ୍ରକୋଣ୍ଡା ବିଧାନସଭା ନିର୍ବାଚନ ମଣ୍ଡଳୀର ୨ଟି  ଆସନ ଓ ନବରଙ୍ଗପୁର ସାଂସଦ ଆସନ କିଭଳି ବିପୁଳ ସଂଖ୍ୟା ଭୋଟରେ ବିଜେଡି  ବିଜୟ  ହେବ ସେ ନେଇ ଗୁରୁ ମନ୍ତ୍ର ପ୍ରଦାନ କରିଛନ୍ତି ।

ପ୍ରଣବ ପ୍ରକାଶ ଦାଶଙ୍କ ଉପସ୍ଥିତିରେ ପଡିଆ ବ୍ଲକର ସଂଖ୍ୟାଧିକ କଂଗ୍ରେସ କର୍ମୀ ବିଜୁ ଜନତା ଦଳରେ ସାମିଲ ହୋଇଥିଲେ । ମାଲକାନଗିରି ବିଜୁ ଜନତା ଦଳ ଦଳୀୟ ସଙ୍ଗଠନକୁ ମଜବୁତ କରିବା ଏବଂ ରାଜ୍ୟ ବିକାଶ ରଥକୁ ଆଗେଇ ନେବା ନିମନ୍ତେ କର୍ମୀମାନଙ୍କୁ ଉତ୍ସାହିତ କରିଥିଲେ  ।ଏଥିରେ  କୋରାପୁଟ ବିଜେଡି ଜିଲ୍ଲା ସଭାପତି ଈଶ୍ୱର ଚନ୍ଦ୍ର ପାଣିଗ୍ରାହୀ , ମାଲକାନଗିରି ଜିଲ୍ଲା ବିଜୁ ଜନତା ଦଳର ସଭାପତି ତଥା ବିଧାୟକ ପ୍ରାର୍ଥୀ ମାନସ ମାଡକାମୀ ,ବିଜେଡି କାର୍ଯ୍ୟକାରୀ ସଭାପତି ଦୁର୍ଗା ପ୍ରସାଦ ତ୍ରିପାଠୀ ,ବିଜେଡି ବରିଷ୍ଠ ନେତା ତଥା ଜିଲ୍ଲା ଆଇନଜୀବୀ ସାମ୍ମୁଖ୍ୟ ସଭାପତି ଗୋପାଳ କୃଷ୍ଣ ପଣ୍ଡା ,ବିଜେଡି ଜିଲ୍ଲା ସାଧାରଣ ସମ୍ପାଦକ ପ୍ରଭାକର ପ୍ରଧାନ ପ୍ରମୁଖ ଙ୍କ ସହ ମାଲକାନଗିରି ନିର୍ବାଚନ ମଣ୍ଡଳୀ ର ସମସ୍ତ ବରିଷ୍ଠ ସକ୍ରିୟ କାର୍ଯ୍ୟକର୍ତ୍ତା ,ଯୁବ ଛାତ୍ର ମହିଳା ସମସ୍ତେ ଉପସ୍ଥିତ ଥିଲେ ।