ନୂଆଦିଲ୍ଲୀ,୦୪/୦୨: ଲୋନ୍ କରିବା ସାଧାରଣ କଥା ହେଲାଣି । ଘର କଣିବାକୁ ହେଉ ବା କାର କିମ୍ବା ବ୍ୟବସାୟ ସବୁଥିରେ ଅଧିକ ଟଙ୍କାର ଦରକାର ହେଉଛି । ଏକକାଳୀନ ଟଙ୍କା ଦେବାକୁ ଅସମର୍ଥ ବ୍ୟକ୍ତି ବ୍ୟାଙ୍କରୁ ଋଣ କରିଥାନ୍ତି । କୌଣସି ବ୍ୟକ୍ତିଙ୍କୁ ଋଣ ଦେବା ପୂର୍ବର ବ୍ୟାଙ୍କ ସେମାନଙ୍କ ଆର୍ଥିକ ସ୍ଥିତି ବିଷୟରେ ନିଶ୍ଚିନ୍ତ ହୋଇଥାଏ । ଏହା ପରେ ସେମାନଙ୍କୁ ପର୍ସନାଲ ଲୋନ ଦେଇଥାଏ । ତେବେ ଆପଣ ଜାଣିଛନ୍ତି କି ଯଦି ଋଣ ସୁଝିବା ପୂର୍ବରୁ ଉକ୍ତ ବ୍ୟକ୍ତିଙ୍କର ମୃତ୍ୟୁ ହୁଏ ତେବେ କିଏ ସୁଝିବ ଋଣ । କେମିତି ବ୍ୟାଙ୍କ ସୁଧ ବଳକା ଟଙ୍କା ଆଦାୟ କରିଥାଏ । ଜାଣିବାକୁ ପଢନ୍ତୁ ଏହି ରିପୋର୍ଟ ।
କିପରି ଋଣ ଆଦାୟ କରେ ବ୍ୟାଙ୍କ- କୌଣସି ବ୍ୟକ୍ତି ପର୍ସନାଲ ଲୋନ୍ କରିବାକୁ ଚାହୁଁଥିଲେ ସେମାନଙ୍କୁ ସୁଧ ଆଧାରରେ ବ୍ୟାଙ୍କ ଋଣ ଦିଏ । ଋଣ ସୁଝିବାକୁ ପ୍ରତିମାସରେ ସେମାନଙ୍କୁ କିସ୍ତି ଦେବାକୁ ପଡିଥାଏ । ଯେଉଁ ଉଦ୍ଦେଶ୍ୟରେ ଋଣ ନେଇଛନ୍ତି ତାହା ଉପରେ ନିର୍ଭର କରି ବ୍ୟାଙ୍କ ସୁଧ ଆଦାୟ କରିଥାଏ । ହେଲେ ଯଦି ଋଣ ସୁଝିବା ପୂର୍ବରୁ ଉକ୍ତ ବ୍ୟକ୍ତିଙ୍କର ମୃତ୍ୟୁ ହୁଏ ତେବେ ବ୍ୟାଙ୍କ ପ୍ରଥମେ ଲୋନ୍ ସୁଝିବାକୁ କୋ- ଆପ୍ଲିକାଣ୍ଟସଙ୍କୁ ଯୋଗାଯୋଗ କରିଥାଏ । ଯଦି ସେ ଋୁଣ ସୁଝିବାକୁ ଅସମର୍ଥ ହୁଅନ୍ତି ତେବେ ଗ୍ୟାରେଣ୍ଟକର, ମୃତକଙ୍କ ପରିବାର ସଦସ୍ୟ ତଥା ଉତ୍ତରାଧିକାରୀଙ୍କ ସହ ସମ୍ପର୍କ କରିଥାଏ । ଯଦି ସେମାନେ ବଳକା ଋଣ ପରିଶୋଧ କରିବାକୁ ଅସମର୍ଥ ହୁଅନ୍ତି ତେବେ ମୃତ ବ୍ୟକ୍ତିଙ୍କ ସମ୍ପତ୍ତ ଜବତ କରିବା ସହ ଏହାକୁ ବିକ୍ରି କରି ବଳକା ଋଣ ପରିମାଣ ଆଦାୟ କରେ । ହୋମ୍ ଓ କାର ଲୋନ କରିଥିବା ବ୍ୟକ୍ତିଙ୍କର ମୃତ୍ୟୁ ହେଲେ ବ୍ୟାଙ୍କ ସେମାନଙ୍କ ଘର ଏବଂ କାର ଜବତ କରିଥାଏ । ତାହାକୁ ନିଲାମ କରି ସେଥିରୁ ପ୍ରାପ୍ତ ଟଙ୍କାରୁ ଋଣ ଆଦାୟ କରିଥାନ୍ତି ।
ସହାୟକ ହୁଏ ଟର୍ମ ଇନସୁରାନ୍ସ- ଯଦି ଆପଣ ଅଧିକ ଟଙ୍କାର ଲୋନ କରିଛନ୍ତି ତେବେ ଟର୍ମ ଇନସୁରାନ୍ସ କରି ନି ନିଅନ୍ତୁ । କାରଣ କୌଣସି ପରିବାର ପାଇଁ ତାର ଘର କିମ୍ବା ଅନ୍ୟ ଜିନିଷ ନିଲାମ ହେବ କଷ୍ଟକର ହୋଇଥାଏ । ଅତି କମରେ ୧କୋଟି ଟଙ୍କାର ବୀମା କରି ନେବା ଉଚିତ୍ । ଫଳରେ ଭବିଷ୍ୟତରେ ଏପରି ସମସ୍ୟାର ସମ୍ମୁଖୀନ ହେବେ ବୀମା ରାଶିରୁ ଋଣ ପରିଶୋଧ କରାଯାଇପିରବ ।
