ସୋରୋ, ୨୬/୦୮ : ସୋରୋରେ ପୁଣି କୁମ୍ଭୀର ଆତଙ୍କ। କାଂଶବାଂଶ ନଦୀ ପରେ ପୁଣି ପିତlକଳିଆ ନଦୀରେ କୁମ୍ଭୀର ଦେଖା ଦେଲା। ଗତ ୧୫ ଦିନ ତଳେ କାଂଶବାଂଶ ନଦୀ ତଳେ ସଜନ ପୁର ନଦୀରେ ଏକ ୯ ଫୁଟ ଲମ୍ବ କୁମ୍ଭୀର ଦେଖା ଦେଇଥିଲା।କୁମ୍ଭୀରକୁ ଦେଖିବା ପାଇଁ ନଦୀ କୂଳରେ ଶହ ଶହ ଲୋକ ରୁଣ୍ଡ ହୋଇଛନ୍ତି। ପୁଣି ଥରେ କୁମ୍ଭୀର ଦେଖି ଅଞ୍ଚଳବାସୀ ଭୟଭୀତ ହୋଇପଡ଼ିଛନ୍ତି।
ସୂଚନାନୁଯାୟୀ, ସୋର ବ୍ଲକ ଚପରପଦା ଗ୍ରାମରେ ଯାଇଥିବା ପିତାକଳିଆ ନଦୀ ହୁଡ଼ାରେ ଶନିବାର ସକାଳେ ଏକ ବିରାଟ କୁମ୍ଭୀର ଦେଖା ଦେଇଥିଲା। କୁମ୍ଭୀରଟି ପ୍ରାୟ ଅଧ ଘଣ୍ଟା ଆଡ଼ିରେ ରହିଥିବା ଗ୍ରାମବାସୀ ଦେଖି ଅନ୍ୟ ଲୋକ ମାନଙ୍କୁ ଡାକିଥିଲେ। ଲୋକମାନେ ଆସି ପାଟି କରିବାରୁ କୁମ୍ଭୀରଟି ପୁଣି ନଦୀକୁ ପଳାଇଥିଲା। ଫଳରେ ନଦୀ କୂଳିଆ ଲୋକମାନେ ଭୟଭୀତ ଅଛନ୍ତି। ଏନେଇ ବନ ବିଭାଗକୁ ଖବର ଦିଆଯାଇଥିଲେ ସୁଦ୍ଧା ବନ ବିଭାଗ ଏପର୍ଯ୍ୟନ୍ତ ପହଁଚି ନଥିବା ବେଳେ ଯଥାଶୀଘ୍ର କୁମ୍ଭୀରକୁ କାବୁ କରିବା ପାଇଁ ଅଞ୍ଚଳବାସୀ ଅନୁରୋଧ କରିଛନ୍ତି।
ଅଧିକ ପଢନ୍ତୁ-
