ମହାକାଳପଡ଼ା, ୬।୫: କେନ୍ଦ୍ରାପଡ଼ା ଜିଲ୍ଲା ଗାଡ଼ି ଧକ୍କାରେ ଜଣେ ଶ୍ରମିକଙ୍କ ମୃତ୍ୟୁ ହୋଇଥିବା ସୂଚନା । ମହାକାଳପଡ଼ା ବ୍ଲକର ଜମ୍ବୁ-ମାର୍ଶାଘାଇ କେନାଲ ରାସ୍ତାର ସମ୍ପ୍ରସାରଣ କାର୍ଯ୍ୟରେ ନିୟୋଜିତ ଥିବା ଏଆରଏସଏସ କମ୍ପାନୀର ଗାଡ଼ି ଧକ୍କାରେ ସେହି କମ୍ପାନୀରେ କାର୍ଯ୍ୟରତ ଶ୍ରମିକଙ୍କ ମୃତ୍ୟୁ ହୋଇଛି । ପ୍ରତିବାଦରେ କ୍ଷତିପୂରଣ ଦାବି କରି ଜମ୍ବୁ-ମାର୍ଶାଘାଇ କେନାଲ ରୋଡ୍ର ବାୟାବାବା କଲେଜ ଛକରେ ଟାୟାର ଜାଳି ସ୍ଥାନୀୟ ଲୋକେ ରାସ୍ତାରୋକ କରିଛନ୍ତି । ମୃତକ ହେଲେ ସ୍ଥାନୀୟ ନନ୍ତାର ଗ୍ରାମର ଅଞ୍ଜନ ମଲ୍ଲିକ ।
ରବିବାର ବିଳମ୍ବିତ ରାତିରେ ଅଞ୍ଜନ ସେହି ରାସ୍ତା କାର୍ଯ୍ୟରେ ନିୟୋଜିତ ଥିବାବେଳେ କମ୍ପାନୀର ଏକ ଗାଡ଼ି ତାଙ୍କ ଉପରେ ଚଢ଼ିଯାଇଥିଲା । ଘଟଣାସ୍ଥଳରେ ମହାକାଳପଡ଼ା ପୋଲିସର ତଦନ୍ତ ଜାରି ରହିଛି । ତଦନ୍ତ ଚାଲୁଥିବାରୁ ଜମ୍ବୁ-ମାର୍ଶାଘାଇ କେନାଲ ରୋଡ୍ରେ ଅଟକି ରହିଛି ଶହ ଶହ ଗାଡ଼ି l
