କଟକସଦର,୦୭/୦୫: ବିଶ୍ୱ ପ୍ରସିଦ୍ଧ ରଥଯାତ୍ରା  ଜୁଲାଇ ୭ ତାରିଖରେ ଅନୁଷ୍ଠିତ ହେବ । ଆସନ୍ତା  ମେ’ ୧୦ ତାରିଖ ଅକ୍ଷୟ ତୃତୀୟରୁ ରଥ ନିର୍ମାଣ କାର୍ଯ୍ୟ ଆରମ୍ଭ ହେବ । ସେହିପରି ଚାଳିତମାସ ୧୦ ତାରିଖରେ ପୁରୀରେ ଚନ୍ଦନ ଯାତ୍ରା ଅନୁଷ୍ଠିତ ହେବ । ଏଥିପାଇଁ ଖପୁରିଆ କରତକଳରୁ  ୩୭୦ଖଣ୍ଡ(୨୦୩.୨୪) ସିଫ୍‌ଟ ଅସନ ଚିରଟ କାଠ  ପୁରୀକୁ ଯାଇଛି । ଏହି କାଠରେ ଡଙ୍ଗା, ଠାକୁରଙ୍କ ମନ୍ଦିର କବାଟ ଝରକା ପ୍ରଭୃତି ମରାମତି ସହ ଏକ ମଞ୍ଚ ନିର୍ମାଣରେ ଏହି ଚିରଟ କାଠ ବ୍ୟବହାର ହେବ ବୋଲି ଖପୁରିଆ କରତକଳ ପକ୍ଷରୁ ସୂଚନା ମିଳିଛି । 

ରଥଗଢ଼ା ନିମନ୍ତେ ଆବଶ୍ୟକ କାଠ ଏପ୍ରିଲ୍‌ ୧୨  ଓ ୧୬ ଦୁଇଟି ପର୍ଯ୍ୟାୟରେ ଧଉରା ଓ ଅସନ କାଠ  ଖପୁରିଆ କରତକଳକୁ ଆସିଥିଲା । ଏଥିସହିତ  ଏପ୍ରିଲ୍‌ ୨୯ରେ ତୃତୀୟ ପର୍ଯ୍ୟାୟରେ ନୟାଗଡ଼ ବନ  ବିଭାଗରୁ ୧୪ଲଗ(୬୨୪.୯୨) ସିଫ୍‌ଟ ଫାଶୀ କାଠ  ଆସିଥିଲା । ମେ’ ୬ତାରିଖ ଅର୍ଥାତ ସୋମବାର  ଚତୁର୍ଥ ପର୍ଯ୍ୟାୟରେ ନୟାଗଡ଼ ବନ ଖଣ୍ଡରୁ ୯ଲଗ(  ୩୭୧.୦୧) ସିଫ୍‌ଟ ଫାଶୀ କାଠ ନୂଆପଡ଼ାସ୍ଥିତ ଖପୁରିଆ କରତକଳରେ ପହଞ୍ଚିଥିବା ସୂଚନା ମିଳିଛି ।