ନୀଳଗିରି, ୭/୫ : ନୀଳଗିରି ବିଜେପି ଦଳ ତରଫରୁ ଆଜି ବିଭିନ୍ନ ସ୍ଥାନରେ ପଦଯାତ୍ରା ହୋଇଛି। ଏହି ପରିପ୍ରେକ୍ଷୀରେ ନୀଳଗିରି ବଣସୀମାରେ ଆୟୋଜିତ ଜନସଭାରେ ଯୋଗ ଦେଇଛନ୍ତି ଉତ୍ତରାଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ତ୍ରିଭେନ୍ଦ୍ର ସିଂ ରାୱତ। ଏହା ସହ ବାଲେଶ୍ଵର ସାଂସଦ ପ୍ରାର୍ଥୀ ପ୍ରତାପ ଚନ୍ଦ୍ର ଷଡ଼ଙ୍ଗୀ ଓ ନୀଳଗିରି ବିଧାୟକ ପ୍ରାର୍ଥୀ ସନ୍ତୋଷ ଖଟୁଆ ଯୋଗ ଦେଇଛନ୍ତି। 

ସୂଚନାନୁଯାୟୀ, ନୀଳଗିରି ୧୧ ଓ ୧୨ ନଂ ଜୋନରେ ବାଇକ ଶୋଭାଯାତ୍ରା ଓ ନିର୍ବାଚନୀ ସଭା ଅନୁଷ୍ଠିତ ହୋଇଯାଇଛି। ଏହି ଅବସରରେ ବିଜେଡିକୁ ଟାର୍ଗେଟ୍ କରିଛନ୍ତି ପ୍ରତାପ ଷଡ଼ଙ୍ଗୀ। ସେ କହିଛନ୍ତି ଯେ, ନବୀନ ଇଞ୍ଜିନ ଏକ୍ସପାରି ହୋଇଗଲାଣି। ଆଉ କାମ କରୁନି। ଉପାଡିକି ଫିଙ୍ଗିଦେବା ପାଇଁ ଉପସ୍ଥିତ ଜନତାଙ୍କୁ କହିଥିଲେ ପ୍ରତାପ ଷଡ଼ଙ୍ଗୀ। ଏହା ସହ ଓଡ଼ିଶାରେ ଡବଲ ଇଞ୍ଜିନ ସରକାର ଗଢିବା ପାଇଁ ଡବଲ ପଦ୍ମଫୁଲରେ ଭୋଟ ଦେବାକୁ କହିଛନ୍ତି ପ୍ରତାପ। ସେହିପରି ଓଡ଼ିଆ କହିପାରୁନଥିବା ଓଡ଼ିଶାର ମୁଖ୍ୟମନ୍ତ୍ରୀ ଉପରେ ପ୍ରବଳ ବର୍ଷିଥିଲେ ଉତ୍ତରାଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ତ୍ରିଭେନ୍ଦ୍ର ସିଂ। ସେହିପରି ନୀଳଗିରି ଜନତାଙ୍କ ଆଶୀର୍ବାଦ ଦରକାର ବୋଲି କହିଥିଲେ ଶ୍ରୀ ଖଟୁଆ।