କଣାସ, ୦୭/୦୫ : ପୋଖରୀରୁ ଯୁବକଙ୍କ ମୃତଦେହ ଉଦ୍ଧାର । କଣାସ ଥାନା ଅନ୍ତର୍ଗତ ଗଡଶାହି ଗାଁ ପୋଖରୀରୁ ଜଣେ ଯୁବକଙ୍କ ମୃତଦେହ ଉଦ୍ଧାର ହୋଇଛି। ମୃତ ଯୁବକ ଜଣଙ୍କ ହେଲେ କଣାସ ଗଡ଼ଶାହି ଗ୍ରାମର କୁନା ମିଶ୍ରଙ୍କ ପୁଅ ଦେବୀ ପ୍ରସାଦ ମିଶ୍ର (୨୦ବର୍ଷ) ।
ସୂଚନାନୁଯାୟୀ, ଦେବୀ ପ୍ରସାଦ ମିଶ୍ର କ୍ୟାନ୍ସର ରୋଗରେ ପୀଡ଼ିତ ଥିଲେ। କିଛିଦିନ ପୂର୍ବେ ହସ୍ପିଟାଲରୁ ଚିକିତ୍ସିତ ହୋଇ ଗାଁକୁ ଫେରିଥିଲେ । ଦୁଇ ଦିନ ହେବ ନିଖୋଜ ହୋଇଯାଇଥିବାରୁ ଘର ଲୋକେ ତାଙ୍କୁ ଖୋଜାଖୋଜି କରୁଥିଲେ। ଆଜି ସକାଳୁ ଗାଁ ଲୋକେ ପୋଖରୀ ବାଟ ଦେଇ ଯିବା ବେଳେ ଦେବୀ ମରି ଭାସୁଥିବାର ଦେଖିବାକୁ ପାଇଥିଲେ । ଗ୍ରାମବାସୀ କଣାସ ପୋଲିସକୁ ଖବର ଦେଇଥିଲେ। ଘଟଣା ସ୍ଥଳରେ କଣାସ ପୋଲିସ ପହଞ୍ଚି ଶବକୁ ଜବତ କରିବା ସହ ତଦନ୍ତ ପ୍ରକ୍ରିୟା ଆରମ୍ଭ କରିଛି।
