ଭୁବନେଶ୍ୱର,୨୮/୦୪: ମେ ୬ରୁ ଓଡ଼ିଶା ଯୁଗ୍ମ ପ୍ରବେଶିକା ପରୀକ୍ଷା  (ଓଜେଇଇ) ୨୦୨୪ ଆରମ୍ଭ ହେବ । ଏଥିପାଇଁ ଶନିବାରଠୁ ଓଜେଇଇ ୱେବସାଇଟ୍‌ରେ  ଆଡମିଟ୍‌ କାର୍ଡ ପ୍ରକାଶ ପାଇଛି । ଛାତ୍ରଛାତ୍ରୀମାନେ ଆଡମିଟ୍‌ ଓଜେଇଇ ୱେବ୍‌ସାଇଟ୍‌  www.ojee.nic.inରେ ଲଗଇନ୍‌ କରି  ନିଜର ଆପ୍ଲିକେସନ ନମ୍ବର ଏବଂ ପାସ୍‌ୱାର୍ଡ ଦେଇ  ଆଡମିଟ୍‌ କାର୍ଡ ଡାଉନଲୋଡ କରିପାରିବେ ।  ଏନେଇ ଓଜେଇଇ ପକ୍ଷରୁ ସୂଚନା ଦିଆଯାଇଛି । 

ସୂଚନାଯୋଗ୍ୟ, ମେ ୬ରେ ଏଲ୍‌ଇ ଟେକ୍‌ (ଡିପ୍ଲୋମା) ପରୀକ୍ଷା ୩ଟି ସିଫ୍ଟରେ  ହେବ । ସେହିପରି ୭ ତାରିଖରେ ପ୍ରଥମ ସିଫ୍ଟରେ ଏଲ୍‌ଇ ଟେକ୍‌ (ଡିପ୍ଲୋମା),  ଦ୍ୱିତୀୟ ସିଫ୍ଟରେ ଇଣ୍ଟିଗ୍ରେଡେଟ୍‌ ଏମ୍‌ବିଏ ଏବଂ ତୃତୀୟ ସିଫ୍ଟରେ ଏଲ୍‌ଇ ଟେକ୍‌  ବିଏସ୍‌ସିର ପରୀକ୍ଷା ହେବ । ୮ରେ ପ୍ରଥମ ଓ ଦ୍ୱିତୀୟ ସିଫ୍ଟରେ ଏମ୍‌ବିଏ ପରୀକ୍ଷା  ଏବଂ ତୃତୀୟ ସିଫ୍ଟରେ ବି ସାଟ୍‌ (ସିନୋମାଟୋଗ୍ରାଫି/ସାଉଣ୍ଡ ରେକର୍ଡିଂ ଆଣ୍ଡ  ଡିଜାଇନ୍‌) ଏବଂ ଏଲ୍‌ଇ ଫାର୍ମା ପରୀକ୍ଷା ହେବ । ୯ରେ ସମସ୍ତ ସିଫ୍ଟରେ ବି ଫାର୍ମା  କରାଯିବ । ୧୦ରେ ପ୍ରଥମ ଓ ଦ୍ୱିତୀୟ ସିଫ୍ଟରେ ଏମ୍‌ସିଏ ଏବଂ ତୃତୀୟ ସିଫ୍ଟରେ  ବି ସାଟ୍‌ (ଫିଲ୍ମ ଏଡିଟିଂ), ଏମ୍‌ ଫାର୍ମା, ଏମ୍‌ ଆର୍କ, ଏମ୍‌ ପ୍ଲାନ୍‌ ଓ ଏମ୍‌ଟେକ୍‌  ପରୀକ୍ଷା ହେବ । ସମସ୍ତ ପରୀକ୍ଷା କମ୍ପ୍ୟୁଟର ବେସଡ୍‌ ଟେଷ୍ଟ କରାଯିବ ।