ମୁମ୍ବାଇ,୧୦।୫: ବଲିଉଡ ଅଭିନେତା ମନୋଜ ବାଜପେୟୀ ହିନ୍ଦୀ ଫିଲ୍ମ ଇଣ୍ଡଷ୍ଟ୍ରୀର ଦୁଇ ଦିଂବଗତ କଳାକାରଙ୍କ ବିଷୟରେ କଥା ହୋଇଛନ୍ତି। ମନୋଜ କହିଛନ୍ତି, ତାଙ୍କୁ ଏପର୍ଯ୍ୟନ୍ତ ବିଶ୍ବାସ ହେଉନି ସୁଶାନ୍ତ ସିଂହ ରାଜପୁତ ଓ ଇରଫାନ୍ ଖାନ୍ ଏ ଦୁନିଆରେ ନାହାନ୍ତି। କେବଳ ସେତିକି ନୁହେଁ, ମନୋଜ ଏହା ମଧ୍ୟ କହିଛନ୍ତି ଯେ, ସୁଶାନ୍ତ ତାଙ୍କ ମୃତ୍ୟୁର ୧୦ ଦିନ ପୂର୍ବରୁ ମନୋଜଙ୍କ ସହିତ କ’ଣ କଥା ହୋଇଥିଲେ ?
ମନୋଜ ବାଜପେୟୀ ସିର୍ଦ୍ଧାର୍ଥ କନନଙ୍କୁ ଦେଇଥିବା ଇଣ୍ଟରଭ୍ୟୁରେ କହିଛନ୍ତି, ସୁଶାନ୍ତ ବ୍ଲାଇଣ୍ଡ ଆର୍ଟିକିଲି(ଯେଉଁ ଆର୍ଟିକିଲ ପଛରେ କୌଣସି ସତ୍ୟତା ନଥାଏ) ଏହି କାରଣରୁ ସେ ଖୁବ୍ ଚିନ୍ତାରେ ଥିଲେ। ସେ ବହୁତ ଭଲ ଲୋକ ଥିଲେ, ବହୁତ ସ୍ବଚ୍ଛ ବ୍ୟକ୍ତି। ଆଉ ସବୁବେଳେ ଭଲ ବ୍ୟକ୍ତି ହିଁ ବ୍ଲାଇଣ୍ଡ ଆର୍ଟିକିଲକୁ ନେଇକି ଚିନ୍ତାରେ ଥାଏ। ସେ ମୋତେ ବହୁତ ଥର ଆସି ପଚାରୁଥିଲେ, ସାର୍ ମୁଁ କ’ଣ କରିବୁ ? ମୁଁ ତାଙ୍କୁ କହୁଥିଲି ଏତେ ଚିନ୍ତା କରନି, ମୁଁ ନିଜେ ଏସବୁ ଭୋଗି ସାରିଛି।
ମନୋଜ ବାଜପେୟୀ କହିଛନ୍ତି, ମୋର ବ୍ଲାଇଣ୍ଡ ଆର୍ଟିକିଲର ସାମନା କରିବାର ପ୍ରଣାଳୀ ଅଲଗା। ଯେଉଁ ଲୋକ ଏହି ବ୍ଲାଇଣ୍ଡ ଆର୍ଟିକିଲ ଛପାନ୍ତି ମୁଁ ତାଙ୍କ ବନ୍ଧୁଙ୍କୁ କହୁଥିଲି ତାଙ୍କୁ କୁହ ମନୋଜ ଆସିଲେ ବହୁତ ମାରିବ। ସୁଶାନ୍ତ ବହୁତ ହସୁଥିଲେ। କହୁଥିଲେ ସାର୍ ଆପଣ ହିଁ ଏଭଳି କରିପାରିବେ। ମୁଁ କରିପାରିବିନି।ମୁଁ ଯେଉଁ ମଟନ ତିଆରି କରି ସେଟ୍କୁ ନେଉଥିଲି ତାକୁ ସେ ଖୁବ୍ ଭଲ ପାଇକି ଖାଉଥିଲେ। ଆଉ ସେ କହୁଥିଲେ, ସାର୍ ମୁଁ ଆପଣଙ୍କ ଘରକୁ ଆସି ମଟନ ଖାଇବି, ମୁଁ କହୁଥିଲି ଯେବେ ତିଆରି କରିବି ନିହାତି ଡାକିବି। ଏହା ହେଉଛି ଆମର ଶେଷ କଥା ବାର୍ତ୍ତା। ଏହାର ୧୦ ଦିନ ପରେ ସୁଶାନ୍ତ ଆମ ସମସ୍ତଙ୍କୁ ଛାଡି ଚାଲିଗଲେ। ମୁଁ ବିଶ୍ବାସ କରିପାରୁନି। ପ୍ରଥମେ ସୁଶାନ୍ତ ଓ ତାଙ୍କ ପରେ ଇରଫାନ। ଦୁହେଁ ଶୀଘ୍ର ଛାଡିକି ଚାଲିଗଲେ। ଏବେ ତ ତାଙ୍କ ସମୟ ଆସିବାର ଥିଲା। ’
