ନୂଆଦିଲ୍ଲୀ : ରାମ ମନ୍ଦିର ଦାନ ଅର୍ଥ ଚୋରି ଅଭିଯୋଗର ଯାଞ୍ଚ ଜାରି ରହିଛି। ଶୁକ୍ରବାର ଯାଞ୍ଚର ପଞ୍ଚମ ଦିନ ଥିଲା। ଏସଆଇଟିର ଅଧିକାରୀମାନେ ପ୍ରାରମ୍ଭିକ ରିପୋର୍ଟ ପ୍ରାୟ ପ୍ରସ୍ତୁତ କରି ସାରିଛନ୍ତି। କୁହାଯାଉଛି ଯେ, ଶନିବାର ସନ୍ଧ୍ୟା ଯାଏ ଏସଆଇଟି ପ୍ରାରମ୍ଭିକ ରିପୋର୍ଟ ସିଏମ୍ ଯୋଗୀଙ୍କୁ ପ୍ରଦାନ କରି ପାରେ। ଏଥିପାଇଁ ଶୁକ୍ରବାର ମଧ୍ୟ ବିଳମ୍ୱିତ ରାତି ଯାଏ ଅଫିସରମାନେ ଫାଇଲ ଲେଖା ପଢାରେ ବ୍ୟସ୍ତ ରହି ଥିଲେ। କୁହାଯାଉଛି ଯେ, ଏସଆଇଟି ୯ଟି ପେନ ଡ୍ରାଇଭରେ ଜରୁରୀ କାଗଜପତ୍ର ଓ ପ୍ରମାଣ ଗୁଡ଼ିକୁ ସଙ୍କଳିତ କରି ସୁରକ୍ଷିତ କରିଛି। ବର୍ତ୍ତମାନ ପଞ୍ଚମ ଦିନରୁ ଅଧିକାରୀମାନେ ଯାଞ୍ଚକୁ କଡ଼ାକଡ଼ି କରି ନିରନ୍ତର ଲୋକଙ୍କୁ ପଚରାପଚରି କରୁଛନ୍ତି। ଏହି ପଚରାପଚରିରେ ଅନେକ ନୂଆ ନାଁ ମଧ୍ୟ ଯୋଡ଼ି ହୋଇଛି, ଯେଉଁଥିରେ ଶ୍ରଦ୍ଧାଳୁଙ୍କ ଦ୍ୱାରା ଭଗବାନଙ୍କୁ ଅର୍ପଣ କରାଯାଇ ଥିବା ଆଭୂଷଣ ଗୁଡ଼ିକର ଗାଏବ ହୋଇ ଯିବାର ଅଭିଯୋଗରେ ସମ୍ୱନ୍ଧିତ ଲୋକଙ୍କୁ ପ୍ରମୁଖ ରୂପ ସମ୍ମିଳିତ କରାଯାଇଛି।
ରାମ ମନ୍ଦିରରେ ଦାନର ହେରଫେର ନେଇ ଛାନଭିନ ପାଇଁ ଏଠାରେ ପହଞ୍ଚି ଥିବା ଏସଆଇଟି , ପାଞ୍ଚ ଦିନ ଯାଏ ୮ରୁ ୧୦ ଘଣ୍ଟା ଯାଏ କଠିନ ପରିଶ୍ରମ ପରେ ମଧ୍ୟ ଏହି ପ୍ରଶ୍ନର ଜବାବ ଖୋଜି ପାଉନି ଯେ, ରାମ ମନ୍ଦିରରେ ହେଉଥିବା ଘଟଣାକୁ ନେଇ ଟ୍ରଷ୍ଟି ଗୁଡ଼ିକ କାହିଁକି ନିରବ। ଏସଆଇଟିର ଅଧିକାରୀମାନେ ଏହି ପ୍ରଶ୍ନର ଜବାବ ଜାଣିବା ପାଇଁ ମୌଖିକ ପଚରାପଚରି ସହ ଲିଖିତ ରୂପେ ମଧ୍ୟ ପ୍ରଶ୍ନ କରି ଥିଲେ ବି ଟ୍ରଷ୍ଟ୍ରିମାନେ ଏହାର ସନ୍ତୋଷଜନକ ଉତ୍ତର ଦେଇ ନାହାନ୍ତି। ବର୍ତ୍ତତମାନ ଏସଆଇଟିର ସଦସ୍ୟଙ୍କ ପକ୍ଷରୁ ଯାଞ୍ଚ ଜାରି ରହିଛି। ଯାଞ୍ଚର ଏହି କ୍ରମରେ ସମସ୍ତଙ୍କୁ ଅଲଗା ଅଲଗା ଓ ସାମୂହିକ ପଚରାପଚରି ସହ ଗ୍ରୀନ ହାଉସର ଭିନ୍ନ ଭିନ୍ନ କକ୍ଷରେ ଅଲଗା ଅଲଗା ଅଧିକାରୀଙ୍କ ଦ୍ୱାରା ପଚରାପଚରି କରାଯାଉଛି। ଗଣନା କାର୍ଯ୍ୟରେ ସଂପୃକ୍ତି ଥିବା ୯ ଜଣ ସନ୍ଦିଗ୍ଧ କର୍ମଚାରୀଙ୍କୁ ପଚରାପଚରିରେ ,ଦୁଇ ଜଣ ବ୍ୟକ୍ତିଙ୍କ ମଧ୍ୟରୁ ଜଣେ ଗଣନା ପ୍ରଭାରୀ( କାଉଣ୍ଟିଂ ଇନଚାର୍ଜ) ମଧ୍ୟ ଅଛନ୍ତି, ତାଙ୍କର ନାମ ବାରମ୍ୱାର ଆସିଛି।
ସୂତ୍ରାନୁସାରେ , ଏହି ଲୋକଙ୍କ ସିସିଟିଭି କ୍ୟାମେରାର ନିରୀକ୍ଷଣକୁ ପୁଲିସ କଣ୍ଟ୍ରୋଲ ରୁମରୁ ଅଲଗା କରିବାରେ ମଧ୍ୟ ଭୂମିକା ରହିଛି। ଏହା ବ୍ୟତୀତ ଗଣନା ସ୍ଥଳରେ ଯିବା ଆସିବା ବେଳେ ବ୍ୟାଙ୍କ କର୍ମିଙ୍କୁ ଯାଞ୍ଚରୁ ମୁକ୍ତ ରଖିବାରେ ଏହି ଲୋକଙ୍କ ଭୂମିକା ସାମ୍ନାକୁ ଆସିଛି। ଏହି କାରଣରୁ ଏସଆଇଟିର ଆଖି ଗଣନା ପ୍ରଭାରୀଙ୍କ ଉପରେ ପଡ଼ିଛି। ସୂତ୍ରରୁ ପ୍ରକାଶ ଯେ, ଗଣନା ସ୍ଥଳରେ ନିଯୁକ୍ତ ଗଣନା କର୍ମିଙ୍କ ନିଯୁକ୍ତିରେ ମଧ୍ୟ ଗଣନା ପ୍ରଭାରୀଙ୍କ ପକ୍ଷରୁ ସନ୍ତୁଷ୍ଟ କରାଯାଉଛି। କୁହାଯାଉଛି ଯେ, ସଙ୍ଗଠନର କାର୍ଯ୍ୟକର୍ତ୍ତା ଭାବେ ଏହି ଗଣନା କର୍ମିଙ୍କୁ ନିଯୁକ୍ତ କରାଯାଇଛି। ଶ୍ରୀରାମ ଜନ୍ମଭୂମି ତୀର୍ଥ କ୍ଷେତ୍ର ମହାସଚିବ ଚମ୍ପତରାୟଙ୍କ ନିକଟତର ଓ ରାମ ମନ୍ଦିରର ସେବାଦାର ରାମଶଙ୍କର ଯାଦବ ଟିନ୍ନୁଙ୍କ ଠାରୁ ନେଇ ଗଣନା କର୍ମିଙ୍କ ଦ୍ୱାରା ଏହି କଥାର ସ୍ପଷ୍ଟ ପରେ ଯାଞ୍ଚ ଅଧିକାରୀ ବହୁତ ସତର୍କତାର ସହ ଛାନଭିନ କରୁଛନ୍ତି ଯେ, ସଙ୍ଗଠିତ ଅପରାଧର କୌଣସି ସୁନିୟୋଜିତ ଯୋଜନା ନଥିଲା ତ ,ଅଥବା ସୁଯୋଗ ପାଇଁ ଷଡ଼ଯନ୍ତ୍ରକୁ ସାକାର କରାଯାଇଛି।
ଆହୁରି ମଧ୍ୟ ପଢନ୍ତୁ : ଯୁଦ୍ଧରେ ମୃତ ରୁଷୀୟ ସୈନିକ ପୁଣି ଫେରୁଛନ୍ତି ଘରକୁ ! ପରିବାର ଲୋକ AIରେ ତିଆରି କରୁଛନ୍ତି ଭିଡିଓ
