ଭୁବନେଶ୍ଵର, ୨୦/୦୫ : ସୋମବାର ଦ୍ଵିତୀୟ ପର୍ଯ୍ୟାୟ ଭୋଟ୍ ଦେଉଛି ଓଡ଼ିଶା। ମତଦାନ ଆରମ୍ଭରୁ ରାଜ୍ୟର ବିଭିନ୍ନ କେନ୍ଦ୍ରରେ ଇଭିଏମ୍ ତ୍ରୁଟି ଦେଖାଦେଇଛି। ଫଳରେ ମତଦାନରେ ବିଳମ୍ବ ହୋଇଛି। ବଲାଙ୍ଗୀର ସଇଁନ୍ତଳା ବ୍ଲକ କୁଆଁର ଗାଁ ୧୫୧ ନମ୍ବର ବୁଥରେ ଇଭିଏମ୍ ତ୍ରୁଟି ଘଟଣା ସାମ୍ନାକୁ ଆସିଛି। ସେଠାରେ ଏକ ଘଣ୍ଟା ଧରି ଭୋଟ ଗ୍ରହଣ ବନ୍ଦ ରହିଛି। ସେହିପରି ସୁବର୍ଣ୍ଣପୁର-ସୋନପୁର ନିର୍ବାଚନ ବିଧାନସଭା ନିର୍ବାଚନ ମଣ୍ଡଳୀର ମେଣ୍ଡା ୨୩୭ ନମ୍ବର ବୁଥରେ ଇଭିଏମ୍ ଅଚଳ। ବ୍ରଜରାଜନଗର ନିର୍ବାଚନ ମଣ୍ଡଳୀର ଓପିଏମ ବାଳିକା ହାଇସ୍କୁଲରେ ୧୨ ନମ୍ବର ବୁଥରେ ଇଭିଏମ୍‌ରେ ତ୍ରୁଟି ହୋଇଛି। ବଲାଙ୍ଗୀର ସଇଁନ୍ତଳା ବ୍ଲକ କୁଆଁର ଗାଁରେ ୧୫୧ ନମ୍ବର ବୁଥରେ ଇଭିଏମ୍‌ରେ ତ୍ରୁଟି। ସେଠାରେ ଏକ ଘଣ୍ଟା ଧରି ଭୋଟ ଗ୍ରହଣ ବନ୍ଦ ରହିଛି। ସେହିପରି ବୀରମହାରାଜପୁର ନିର୍ବାଚନ ମଣ୍ଡଳୀର ଉଫୁଲା ଓ ସାଗଜୁରି (୧୭୮) ବୁଥରେ ଇଭିଏମ୍ ଅଚଳ। ବର୍ତ୍ତମାନ ସୁଦ୍ଧା ମତଦାନ ଆରମ୍ଭ ହୋଇପାରିନି।

ଏତଦ୍ ବ୍ୟତୀତ ସୁନ୍ଦରଗଡ଼, ପୌରାଞ୍ଚଳର ୨୧୧, ୨୩୪ ନମ୍ବର ବୁଥରେ ଇଭିଏମ୍ ଅଚଳ ହୋଇଛି। ଭଞ୍ଜନଗର, ଯୋଗୀମାରୀ ୧୦୬ ନଂ ବୁଥରେ ଇଭିଏମ୍ ତ୍ରୁଟି ଯୋଗୁଁ ଭୋଟ ପ୍ରକ୍ରିୟା ବନ୍ଦ ରହିଛି। ସୁବର୍ଣ୍ଣପୁର ଜିଲ୍ଲା ସୋନପୁର ନିର୍ବାଚନ ମଣ୍ଡଳୀ ମେଣ୍ଡା ଗାଁ ୨୩୭ ନମ୍ବର ବୁଥରେ ଇଭିଏମ୍ ଅଚଳ। ବ୍ରଜରାଜନଗର ନିର୍ବାଚନ ମଣ୍ଡଳୀ ବୁଥ ନମ୍ବର ୧୩୬ରେ ମସିନରେ ତ୍ରୁଟି ଯୋଗୁଁ ଆରମ୍ଭ ହୋଇପାରିନି ଭୋଟ ଗ୍ରହଣ। ସୁବର୍ଣ୍ଣପୁର ଜିଲ୍ଲା ସୋନପୁର ନିର୍ବାଚନ ମଣ୍ଡଳୀ ମେଣ୍ଡା ଗାଁ  ୨୩୭ ନମ୍ବର ବୁଥରେ ଇଭିଏମ୍ ଅଚଳ। ଟିଟିଲାଗଡ ବିଧାନସଭା ନିର୍ବାଚନ ମଣ୍ଡଳୀର ୧୧୪ ନମ୍ବର ବୁଥ ମହୁଲପଡା ପଞ୍ଚାୟତ ଗୁଲମୀରେ ଅବ୍ଯବସ୍ଥା ଅଭିଯୋଗ ପରେ ବୁଥ୍ ଏଜେଣ୍ଟ ଭାବେ ନିଯୁକ୍ତ ହୋଇଥିବା ଗାଁସାଥୀ ରାଜୀବ ଭୋଇଙ୍କୁ ମତଦାନ କେନ୍ଦ୍ରରୁ ବାହାର କଲେ ପ୍ରିଜାଇଡିଙ୍ଗ ଅଫିସର।