ନୂଆଦିଲ୍ଲୀ,୧୦।୫: ସପିଂ ମଲ୍ ଓ ଦୋକାନ ଅପେକ୍ଷା ଏବେ ଗ୍ରାହକ ଅନଲାଇନ୍ ସପିଂ କରିବାକୁ ଅଧିକ ପସନ୍ଦ କରୁଛନ୍ତି। ବେଳେ ବେଳେ ଏହା ଦ୍ବାରା ଠକେଇର ଶିକାର ମଧ୍ୟ ହେଉଛନ୍ତି। ନିକଟରେ ଜଣେ ବ୍ୟକ୍ତି ଆମାଜନ୍ ଇଣ୍ଡିଆ ଉପରେ ବଡ ଅଭିଯୋଗ ଆଣିଛନ୍ତି। ସେ କହିଛନ୍ତି, ଆମାଜନ୍ରୁ ଏକ ନୂଆ ଲାପଟପ୍ ଅର୍ଡର କରିଥିଲେ, ତେବେ ତାଙ୍କୁ ନୂଆ ଜାଗାରେ ମିଳିଲା ପୁରୁଣା ଲାପଟପ୍। ସେ ସୋସିଆଲ ମିଡିଆରେ ନିଜର ନିରାଶ ବ୍ୟକ୍ତ କରିବା ପରେ, ବହୁ ଲୋକ ପୋଷ୍ଟ ଉପରେ କମେଣ୍ଟ କରି ନିଜର ପ୍ରତିକ୍ରିୟା ଦେଇଛନ୍ତି। ବହୁ ଲୋକ ତାଙ୍କ ପୋଷ୍ଟ ଉପରେ କମେଣ୍ଟ ଦେଇ ନିଜର ପ୍ରତିକ୍ରିୟା ଦେଇଛନ୍ତି।
ରୋହନ ଦାସ ନିଜ ପୋଷ୍ଟରେ ଲେଖିଛନ୍ତି, ଆମାଜନ୍ ମୋ ସହିତ ଠକେଇ କରିଛି। ଆମାଜନ୍ ଇଣ୍ଡିଆର (@amazonIN) ର ବ୍ୟବହାର କରାଯାଇଥିବା ଉତ୍ପାଦକୁ ନୂଆ କହି ବିକ୍ରି କରୁଛନ୍ତି। ଆଜି ମୋତେ ଆମାଜନ୍ରୁ ଏକ ନୂଆ ଲାପଟନ୍ ମିଳିଛି, କିନ୍ତୁ ଏହାର ବ୍ୟବହାର ପୂର୍ବରୁ ହୋଇସାରିଛି ଓ ଓ୍ବାରେଣ୍ଟି ଡିସେମ୍ବର ୨୦୨୩ ରେ ଆରମ୍ଭ ହୋଇଥିଲା। ଏହା ସହିତ ସେ ଲାପଟପ୍ର ଏକ ଭିଡିଓ ମଧ୍ୟ ସେୟାର କରିଛନ୍ତି। ଭିଡିଓରେ ତାଙ୍କୁ ଲୋକଙ୍କ ଆଗରେ ଲାପଟପ୍ ଗ୍ୟାରେଣ୍ଟି ଓ ସ୍ଥିତି ଦେଖାଇଛନ୍ତି। ତାଙ୍କର କହିବା ଅନୁସରେ, ବ୍ୟବହାର ହୋଇଥିବା ପ୍ରଡକ୍ଟ ତାଙ୍କୁ ଦିଆଯାଇଛି।
ଏହି ପୋଷ୍ଟ ୭ ମଇରେ ସେୟାର କରାଯାଇଥିଲା। ପୋଷ୍ଟ କରାଯିବା ପରେ ଏହାକୁ ୨ ଲକ୍ଷରୁ ଅଧିକ ଥର ଦେଖାଯାଇ ସାରିଛି ଓ ସଂଖ୍ୟା ବଢିବାରେ ମଧ୍ୟ ଲାଗିଛି। ପୋଷ୍ଟ ଉପରେ ୧,୩୦୦ରୁ ଅଧିକ ଲାଇକ୍ ଓ ବହୁ କମେଣ୍ଟ ମଧ୍ୟ ଦେଖିବାକୁ ମିଳିଛି। ଆମାଜନ୍ର ଅଫିସିଆଲ ହାଣ୍ଡେଲ ମଧ୍ୟ କମେଣଟ କରିଛି ଓ ଏଥିପାଇଁ କ୍ଷମା ମାଗିଛି। ସେ ବ୍ୟକ୍ତିଙ୍କୁ ତାଙ୍କର ଅର୍ଡର ଡିଟେଲ୍ସ ମଧ୍ୟ ମାଗିଛନ୍ତି।
