ନୂଆଦିଲ୍ଲୀ – ଚାରିଧାମ ଦର୍ଶନ ପାଇଁ ଭକ୍ତଙ୍କର ପ୍ରବଳ ଭିଡ଼ ଦେଖିବାକୁ ମିଳୁଛି। ୧୦ ମେ’ ରୁ ଆରମ୍ଭ ହୋଇଥିବା ଚାରିଧାମ ଯାତ୍ରାରେ ୟୁପି , ମହାରାଷ୍ଟ୍ର , ଏମପି , ରାଜସ୍ଥାନ ସମେତ ଅନେକ ରାଜ୍ୟରୁ ତୀର୍ଥ ଯାତ୍ରୀ ଗଙ୍ଗୋତ୍ରୀ , ବଦ୍ରିନାଥ ଆଦି ଚାରିଧାମରେ ତୀର୍ଥ ଯାତ୍ରୀଙ୍କ ଭିଡ଼ ଜମିଛି। ଯାତ୍ରୀଙ୍କ ଭିଡ଼କୁ ଦେଖି ସରକାର ଚାରିଧାମ ଅଫଲାଇନ୍‌ ରେଜିଷ୍ଟ୍ରେସନର ସ୍ଲଟ୍‌ ବଢାଇ ଦେଇଛନ୍ତି।

ଉଲ୍ଲେଖନୀୟ ଯେ, ଶ୍ରଦ୍ଧାଳୁଙ୍କ ପ୍ରବଳ ଭିଡ଼କୁ ଦେଖି ସରକାର ରେଜିଷ୍ଟ୍ରେସନ ଉପରେ ରୋକ୍‌ ଲଗେଇ ଥିଲେ। ଚାରିଧାମ ଅଫଲାଇନ୍‌ ରେଜିଷ୍ଟ୍ରେସନ ପୁଣି ୧ ଜୁନ୍‌ରୁ ଆରମ୍ଭ ହୋଇଥିଲା। ଚାରିଧାମ ଯାତ୍ରାରେ ଯିବା ପାଇଁ ହରିଦ୍ୱାର ଓ ଋଷିକେଶରେ ୧୫୦୦-୧୫୦୦ ରେଜିଷ୍ଟ୍ରେସନ କରାଯାଉ ଥିଲା। ରେଜିଷ୍ଟ୍ରେସନର ସଂଖ୍ୟା କମ୍ ହେବାରୁ ଯାତ୍ରୀ ଅନେକ ଥର ବିରୋଧ ମଧ୍ୟ କରି ସାରିଛନ୍ତି।

ଚାରିଧାମ ଯାତ୍ରା ପାଇଁ ଏବେ ପ୍ରତିଦିନ ୪ହଜାର ଯାତ୍ରୀ ରେଜିଷ୍ଟ୍ରେସନ କରି ପାରିବେ। ମୁଖ୍ୟମନ୍ତ୍ରୀ ପୁଷ୍ପର ସିଂହ ଧାମୀ ସୋମବାର ଅଧିକାରୀଙ୍କୁ ୩ ହଜାରର ସୀମାକୁ ବୃଦ୍ଧି କରି ୪ ହଜାରର କରାଇବାକୁ ନିର୍ଦ୍ଦେଶ ଦେଇଛନ୍ତି। ତୀର୍ଥ ଯାତ୍ରୀଙ୍କ ସଂଖ୍ୟା ବୃଦ୍ଧିକୁ ଦେଖି ସରକାର ଏହି ସଂଖ୍ୟାକୁ ବଢାଇବାର ନିଷ୍ପତ୍ତି ନେଇଛନ୍ତି।

ଉଭୟ ସ୍ଥାନରେ ଏବେ ୨-୨ ହଜାର ଯାତ୍ରୀ ରେଜିଷ୍ଟ୍ରେସନ କରି ପାରିବେ। ସୋମବାର ସକାଳେ ମୁଖ୍ୟମନ୍ତ୍ରୀଙ୍କ ବାସଭବନରେ ନିୟମିତ ବୈଠକ ବେଳେ ମୁଖ୍ୟମନ୍ତ୍ରୀ ଚାରିଧାମ ଯାତ୍ରାର ବ୍ୟବସ୍ଥାର ସମୀକ୍ଷା କରିଛନ୍ତି।