ପ୍ରମୂଖ ଖବର
  • ଆମେରିକା ବନାମ ଆୟର୍ଲାଣ୍ଡ ମ୍ୟାଚ୍‌ ବାତିଲ, ଟି-୨୦ ବିଶ୍ବକପରୁ ପାକିସ୍ତାନ ଆଉଟ୍
  • ||
  • ସମ୍ବଲପୁର: ଟେଲର ଦୋକାନରେ ପଶି ମା’ ଝିଅଙ୍କୁ ହାଣିଲେ ଦୁର୍ବୃତ୍ତ
  • ||
  • ହଟିବ ବ୍ରିଟିଶ ଆଇନ୍ , ଲାଗୁ ହେବ ଭାରତୀୟ ନିୟମ, ଜୁଲାଇରୁ ଲାଗୁ ହେବ ନୂଆ ପୁଲିସ ଆଇନ
  • ||
  • ଟି-ଟ୍ୱେଣ୍ଟି ବିଶ୍ୱକପ୍‌ ୨୦୨୪: ଫ୍ଲୋରିଡାରେ ବନ୍ୟା, ୟୁଏସ୍‌ଏ-ଆୟର୍ଲାଣ୍ଡ୍‌ ମ୍ୟାଚ୍‌ ବାତିଲ ଆଶଙ୍କା
  • ||
  • ମଙ୍ଗଳବାର ଖୋଲିବ ସ୍କୁଲ: ପ୍ରଥମରୁ ଦିଆଯିବ ମଧ୍ୟାହ୍ନଭୋଜନ, ରୋଷେଇ ପୂର୍ବରୁ ସାମଗ୍ରୀ ଯାଞ୍ଚ କରିବାକୁ ନିର୍ଦ୍ଦେଶ
  • ||
  • ରଥଖଳା ହାଲ୍‌ଚାଲ୍‌...ପାଞ୍ଚ ଦେବ ଦମ୍ପତିଙ୍କୁ ଏକତ୍ର ପନ୍ତି ଅର୍ପଣ ସମ୍ପନ୍ନ, ଦଣ୍ଡାରେ ଲାଗିଲା ଆଗ-ପଛ ମୁହାଁଟ
  • ||
  • କୋଣାର୍କ ରାସ୍ତାରେ ଓଲଟିଲା ପିକଅପ୍ ଭ୍ୟାନ୍, ୨ ମୃତ ୧୦ରୁ ଉର୍ଦ୍ଧ୍ଵ ଆହତ
  • ||
  • ରଣେନ୍ଦ୍ର ପ୍ରତାପ ସ୍ୱାଇଁ ଅସ୍ଥାୟୀ ବାଚସ୍ପତି: ୧୮ ଓ ୧୯ରେ ବିଧାୟକଙ୍କ ଶପଥ ଉତ୍ସବ, ୨୦ରେ ବାଚସ୍ପତି ନିର୍ବାଚନ
  • ||
  • ଶୁକ୍ରବାର ଶ୍ରୀମନ୍ଦିର ନୀତି ସବ୍‌କମିଟି ଓ ଛତିଶା ନିଯୋଗ ବୈଠକ, ସ୍ନାନଯାତ୍ରା ନୀତି ନିର୍ଘଣ୍ଟକୁ ମିଳିବ ଅନୁମୋଦନ
  • ||
  • ରଜ ମଉଜକୁ ଫିକା କରିଦେବ ଗୁଳୁଗୁଳି, ଆସନ୍ତା ୨ ଦିନ ଯାଏ ତାତିରୁ ନାହିଁ ନିସ୍ତାର
  • ||

ନିର୍ବାଚନ ପରବର୍ତ୍ତୀ ହିଂସା ରୋକିବାକୁ ସିଇଓଙ୍କ ପଦକ୍ଷେପ: ମୁତୟନ ହେବେ ୭୦ କମ୍ପାନୀ ସିଏପିଏଫ୍‌, ଗଣତି କେନ୍ଦ୍ରରେ ଅଛନ୍ତି ୨୫ କମ୍ପାନୀ

ଭୁବନେଶ୍ୱର,୦୩/୦୬: ଆସନ୍ତା ୪  ତାରିଖରେ ହେବ ଭୋଟ୍‌ ଗଣତି । ଏହାପୂର୍ବରୁ ରାଜ୍ୟରେ ଆଇନଶୃଙ୍ଖଳା ପରିସ୍ଥିତି ନେଇ  ଚିନ୍ତା ପ୍ରକଟ କରିଛନ୍ତି ରାଜ୍ୟ ମୁଖ୍ୟ ନିର୍ବାଚନ  ଅଧିକାରୀ (ସିଇଓ) ନିକୁଞ୍ଜ ବିହାରୀ ଧଳ ।  

ଶ୍ରୀ ଧଳ କହିଛନ୍ତି, ଚଳିତ ସାଧାରଣ ନିର୍ବାଚନ ବେଳେ ଆଇନଶୃଙ୍ଖଳା ରକ୍ଷା କରିବା ପାଇଁ  ରାଜ୍ୟରେ ରେକର୍ଡ ସଂଖ୍ୟକ ୧୮୫ କମ୍ପାନୀ କେନ୍ଦ୍ରୀୟ ସଶସ୍ତ୍ର ସୁରକ୍ଷା ବଳ (ସିଏପିଏଫ୍‌)  ମୁତୟନ ହୋଇଥିଲେ । ରାଜ୍ୟରେ ଚାରି ପର୍ଯ୍ୟାୟ ମତଦାନ ସରିବା ପରେ ଏହା  ମଧ୍ୟରୁ କେବଳ ୨୫ କମ୍ପାନୀ ସିଏପିଏଫ୍‌  ଇଭିଏମ୍‌ ଷ୍ଟ୍ରଙ୍ଗରୁମ୍‌ ଓ ଗଣତି କେନ୍ଦ୍ର (କାଉଣ୍ଟିଂ  ସେଣ୍ଟର)ରେ ମୁତୟନ ହୋଇଛନ୍ତି । ମାତ୍ର  ଏବେ ରାଜ୍ୟରେ ନିର୍ବାଚନ ପରବର୍ତ୍ତୀ  ଆଇନଶୃଙ୍ଖଳା ବଜାୟ ରଖିବା ପାଇଁ ଏବଂ ପ୍ରତ୍ୟେକ ଗଣତି କେନ୍ଦ୍ରର ସୁରକ୍ଷା ପାଇଁ  ଆହୁରି ୭୦ କମ୍ପାନୀ ସିଏପିଏଫ୍‌ ଆସନ୍ତା ୬  ତାରିଖ ପର୍ଯ୍ୟନ୍ତ ମୁତୟନ ରହିବେ ବୋଲି ଶ୍ରୀ  ଧଳ ସୂଚନା ଦେଇଛନ୍ତି ।  

ଚଳିତ ନିର୍ବାଚନ ସମୟରେ ବିଭିନ୍ନ ସ୍ଥାନରେ ବୁଥ୍‌ ଭିତରେ ଓ ବାହାରେ ଉତ୍ତେଜନାମୂଳକ ପରିସ୍ଥିତି ସୃଷ୍ଟି ହୋଇଥିଲା ।  ପୁଣି ଭୋଟ୍‌ ଗଣତି ପରେ ବିଭିନ୍ନ ରାଜନୈତିକ  ଦଳ ମଧ୍ୟରେ ବୟାନବାଜି ଓ ହିଂସାକାଣ୍ଡ  ଘଟିବାର ସମ୍ଭାବନା ରହିଛି । ଯାହାକୁ ଆଖି  ଆଗରେ ରଖି ସିଇଓ ବ୍ୟାପକ ବ୍ୟବସ୍ଥା  କରିବା ସହିତ ରାଜ୍ୟ ପୁଲିସକୁ ମଧ୍ୟ ପ୍ରସ୍ତୁତ  ରହିବାକୁ କହିଛନ୍ତି । ଗତକାଲି ଶେଷ ପର୍ଯ୍ୟାୟ  ନିର୍ବାଚନ ବେଳେ ସାଲେପୁର ମାଳଶାସନରେ  ବୁଥ୍‌ ଭିତରେ ପନିକିରେ ଆକ୍ରମଣ ଯୋଗୁଁ  ବିଜେପି ପ୍ରାର୍ଥୀଙ୍କ ଏଜେଣ୍ଟ ଗୁରୁତର ଆହତ  ହୋଇଥିଲେ । ନିଆଳି ଜଲାରପୁରରେ  ହାତାହାତି ଯୋଗୁଁ ଜଣେ ବିଜେଡି କର୍ମୀ  ଆହତ ହୋଇ ମେଡିକାଲ୍‌ରେ ଭର୍ତ୍ତି  ହୋଇଥିଲେ । 

ମାହାଙ୍ଗା ପଣସପୁର, କୁଣ୍ଡି ଓ  ହଳଦିଆଠାରେ ମତଦାନ ସମୟରେ ମାର୍‌ପିଟ୍‌  ହୋଇଥିଲା । କେନ୍ଦ୍ରାପଡ଼ା ଜିଲ୍ଲା ପଟ୍ଟାମୁଣ୍ଡାଇ  ବ୍ଲକ୍‌ ନୀଳକଣ୍ଠପୁର ପଞ୍ଚାୟତର ୩୫ ନମ୍ୱର  ବୁଥ୍‌ରେ ବିଜେପି ଜୋନ୍‌ ସଭାପତିଙ୍କୁ ଛୁରାମାଡ଼  ହେବା ସହ ପଟ୍ଟାମୁଣ୍ଡାଇ ଥାନାରେ ଅଭିଯୋଗ  ହୋଇଥିଲା । ଏଭଳି ବିଭିନ୍ନ ସ୍ଥାନରେ ଘଟିଥିବା  ବହୁ ରାଜନୈତିକ ହିଂସାକାଣ୍ଡ ମାମଲାକୁ  ନେଇ ସ୍ଥାନୀୟ ଅଞ୍ଚଳରେ ଉତ୍ତେଜନା  ପ୍ରକାଶ ପାଇଛି । ଭଦ୍ରକ ଜିଲ୍ଲା ଧାମନଗର  ନିର୍ବାଚନମଣ୍ଡଳୀର ତାଳପଦା, ବାମନବିନ୍ଧା ଓ  ଦୋବଲ ପଞ୍ଚାୟତରେ ମଧ୍ୟ ଉତ୍ତେଜନାମୂଳକ  ପରିସ୍ଥିତି ସୃଷ୍ଟି ହୋଇଥିଲା । ତାଳପଦାରେ  ଚେୟାର୍‌ ଫିଙ୍ଗାଫିଙ୍ଗି ଓ ହାତାହାତି ହୋଇଥିବା  ବେଳେ ଚାନ୍ଦବାଲି ଓ ଭଣ୍ଡାରପୋଖରୀରେ  ଦୁଇ ଗୋଷ୍ଠୀ ମଧ୍ୟରେ ତୁମୁଳ ସଂଘର୍ଷ  ହୋଇଥିଲା । ଏହି ସବୁ ପରିସ୍ଥିତିକୁ ଦେଖି  ନିର୍ବାଚନ ପରବର୍ତ୍ତୀ ହିଂସାକୁ ରୋକିବାକୁ ସିଇଓ  ବ୍ୟାପକ ପଦକ୍ଷେପ ଗ୍ରହଣ କରିଥିବା କହିଛନ୍ତି ।

  • PrameyaOdia
  • prameya
  • Odisha election 2024
  • lok sabha election 2024
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.