ନୂଆଦିଲ୍ଲୀ,୦୩/୦୬: ଜାତୀୟ ରାଜଧାନୀ ଦିଲ୍ଲୀ ସମେତ ଯଦିଓ ଉତ୍ତର ଭାରତରେ ଯଦିଓ ଅସହ୍ୟ ଗ୍ରୀଷ୍ମ ପ୍ରବାହ ଲାଗି ରହିଛି, ତଥାପି ଏପଟେ ଦକ୍ଷିଣ ଓ ପୂର୍ବୋତ୍ତର ଭାରତରେ ମୌସୁମୀ ଆଗୁଆ ଆସିବ ବୋଲି ପୂର୍ବାନୁମାନ କରାଯାଇଛି। ଭାରତୀୟ ପାଣିପାଗ ବିଭାଗ (ଆଇଏମ୍ଡି)ର ସଦ୍ୟତମ ପୂର୍ବାନୁମାନରେ କୁହାଯାଇଛି ଯେ, ଦକ୍ଷିଣ-ପଶ୍ଚିମ ମୌସୁମୀ ଆଗକୁ ବଢ଼ୁଥିବା ନେଇ ଅନୁକୁଳ ପରିସ୍ଥିତି ସୃଷ୍ଟି ହୋଇଛି। ଏଥିଯୋଗୁ ନିର୍ଦ୍ଧାରିତ ସମୟ ପୂର୍ବରୁ ମୌସୁମୀ ପହଞ୍ଚିବ ବୋଲି କୁହାଯାଉଛି।
ବର୍ତ୍ତମାନ ସୁଦ୍ଧା ଏହା କେରଳ, କର୍ଣ୍ଣାଟକ, ତାମିଲନାଡ଼ୁ, ଆନ୍ଧ୍ରପ୍ରଦେଶ ଓ ତେଲେଙ୍ଗାନା ଉପକୂଳ ବ୍ୟତିତ ଲାକ୍ଷାଦ୍ବୀପ ଓ ଆଣ୍ଡାମାନ ନିକୋବର ସମେତ ଆରବ ସାଗର ଓ ବଙ୍ଗୋପସାଗରେ ବହୁତ ଆଗକୁ ବଢ଼ିସାରିଛି। ଏଥିସହିତ ମୌସୁମୀ ପୂର୍ବୋତ୍ତରର ସବୁ ରାଜ୍ୟରେ ପହଞ୍ଚିସାରିଛି।
ପାଣିପାଗ ବିଭାଗ କହିଛି ଯେ, ଆସନ୍ତା ଦିନେ ଦୁଇଦିନରେ ମୌସୁମୀ ଓଡ଼ିଶା, ପଶ୍ଚିମବଙ୍ଗ, ବିହାର ଓ ଝାଡ଼ଖଣ୍ଡର କିଛି ଅଞ୍ଚଳରେ ଲଗାଣ ବର୍ଷା ଆଣିପାରେ। ନୂଆ ସାଟେଲାଇନ ଚିତ୍ର ଆଧାରରେ ମୌସୁମୀର ଯେଉଁ ରେଖା ଦେଖିବାକୁ ମିିଳିଛି, ତାହା ପଶ୍ଚିମବଙ୍ଗର କୁଚବିହାର ଓ ପଶାନଗଂଜର ନିକଟରେ ପହଞ୍ଚିଛି।
ଏହାରି ଭିତରେ ଆଇଏମ୍ଡି କେରଳ ଓ ମାହେରେ ଆଜି ପ୍ରବଳରୁ ଅତି ପ୍ରବଳ ବର୍ଷା ହେବାର ସମ୍ଭାବନା ରହିଛି ଏବଂ ଏଥିପାଇଁ ଅରେଞ୍ଜ ଆଲର୍ଟ ଜାରି କରିଛି। ଆସାମ ଓ ମେଘାଳୟ ପାଇଁ ମଧ୍ୟ ଆଇଏମ୍ଡି ଅରେଞ୍ଜ ଆଲର୍ଟ ଜାରି କରିଛି। ଏଥିସହିତ ପୂର୍ବୋତ୍ତରରେ ଲଗାଣ ବର୍ଷା ଲାଗି ରହିବ ବୋଲି କହିଛି ଆଇଏମ୍ଡି।
