ନୂଆଦିଲ୍ଲୀ,୩।୬: ଇସ୍ରାଏଲର ନାଗରିକଙ୍କୁ ମାଳଦ୍ବୀପରେ ବ୍ୟାନ୍। ଭାରତ ମହାସାଗରରେ ଭାରତର ପଡୋଶୀ ଦ୍ବୀପ ଦେଶ ମାଳଦ୍ବୀପ ଗୋଟିଏ ଦିନ ପୂର୍ବରୁ ଇସ୍ରାଏଲ ପାସପୋର୍ଟଧାରୀଙ୍କ ପ୍ରବେଶ ଉପରେ କଟକଣା ଲଗାଇଥିଲା। ଏହାକୁ ନେଇ ଏବେ ଇସ୍ରାଏଲ ଅସନ୍ତୋଷ ପ୍ରକାଶ କରିଛି। ଇସ୍ରାଏଲ ସରକାର ଏବେ ନିଜ ନାଗରିକଙ୍କୁ ପରାମର୍ଶ ଦେଇଛି ସେ ମାଳଦ୍ବୀପକୁ ବଏକଟ୍ କରନ୍ତୁ। ଏହା ସହ ଭାରତର ସେହି ଦ୍ବୀପକୁ ଭ୍ରମଣ କରନ୍ତୁ, ଯେଉଁଠିକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଯାଇ ସାରିଛନ୍ତି। ଭାରତରେ ଇସ୍ରାଏଲ ଦୂତାବାସ ହିନ୍ଦୀ ଓ ଇଂରାଜୀରେ ଟ୍ବିଟ୍ କରି ଲୋକଙ୍କୁ କହିଛି ଏଭଳି ବହୁ ଭାରତୀୟ ଆଇଲାଣ୍ଡ ରହିଛି, ଯାହାକି ଖୁବ୍ ସୁନ୍ଦର ଓ ଭଲ ଆଦର ସତ୍କାର ମିଳୁଛି।
Since the Maldives is no longer welcoming Israelis, here are some beautiful and amazing Indian beaches where Israeli tourists are warmly welcomed and treated with utmost hospitality. 🏖️🇮🇳
— Israel in India (@IsraelinIndia) June 3, 2024
Check out these recommendations from @IsraelinIndia, based on the places visited by our… pic.twitter.com/kGNEDS6fsp
ଦୂତାବାସ ନିଜର ଟ୍ବିଟର ହାଣ୍ଡେଲରେ ଟ୍ବିଟ୍ କରିଛି, ଇସ୍ରାଏଲ ନାଗରିକଙ୍କୁ ମାଳଦ୍ବୀପ ବ୍ୟାନ୍ କରିଛି। ତଳେ ଦିଆଯାଇଥିବା ସୁନ୍ଦର ଓ ଅଦ୍ଭୁତ ଭାରତୀୟ ଆଇଲାଣ୍ଡକୁ ଯାଆନ୍ତୁ, ଯେଉଁଠି ଇସ୍ରାଏଲୀ ପର୍ଯ୍ୟଟକଙ୍କୁ ଖୁବ୍ ସୁନ୍ଦର ଭାବରେ ସ୍ବାଗତ କରାଯାଉଛି। ଆମର କୁଟନୀତିଜ୍ଞଙ୍କ ଦ୍ବାରା ଯାତ୍ରା କରାଯାଇଥିବା ସ୍ଥାନର ଆଧାରରେ @israelinindia ର କିଛି ପରାମର୍ଶ ରହିଛି।’ ଏହା ସହିତ ଭାରତର ଚାରେଟି ସୁନ୍ଦର ଆଇଲାଣ୍ଡର ଫଟୋ ମଧ୍ୟ ସେୟାର କରାଯାଇଛି। ଯେଉଁ ଆଇଲାଣ୍ଡର ଫଟୋ ସେୟାର କରାଯାଇଛି ସେଥିରେ ଲକ୍ଷାଦ୍ବୀପ, ଗୋଆ, ଆଣ୍ଡାମାନ ଆଣ୍ଡ ନିକୋବର ଦ୍ବୀପପୁଞ୍ଜ ଓ କେରଳ ରହିଛି।
ଉଲ୍ଲେଖନୀୟ ଯେ, ମାଳଦ୍ବୀପ ସରକାର ଇସ୍ରାଏଲ ପାସପୋର୍ଟଧାରୀଙ୍କୁ ଭାରତ ମହାସାଗର ଦ୍ବୀପପୁଞ୍ଜରେ ପ୍ରବେଶ କରିବାକୁ କଟକଣା ଲଗାଇବା ପାଇଁ ଆଇନରେ ସଂଶୋଧନ କରିବା ନେଇ ରବିବାର ନିଷ୍ପତ୍ତି ନେଇଛି। ଏହି ନିଷ୍ପତ୍ତି ଗାଜାରେ ଇ୍ରସ୍ରାଲ ସେନା ପକ୍ଷରୁ ଜାରି କରାଯାଇଥିବା ଆକ୍ରମଣକୁ ନେଇ ମାଳଦ୍ବୀପରେ ବଢୁଥିବା ଜନଆକ୍ରେଶ ଭିତରେ ନିଆଯାଇଛି।