ପ୍ରମୂଖ ଖବର
  • ରଥଯାତ୍ରା ଏଂବ ସ୍ନାନ ପୂର୍ଣ୍ଣିମାକୁ ନେଇ ଗୁରୁତ୍ଵପୂର୍ଣ୍ଣ ବୈଠକ ବସିବ, ମୁଖ୍ୟମନ୍ତ୍ରୀ ମୋହନ ମାଝୀଙ୍କ ଅଧ୍ୟକ୍ଷତାରେ ବସିବ
  • ||
  • ପଙ୍କରେ ଫସିଲେ ୩ ଦନ୍ତା ହାତୀ, ଖାଦ୍ୟ ଅନ୍ବେଷଣରେ ଆସି ଅଟକି ରହିଛନ୍ତି
  • ||
  • ମୋହନା: ଶଳାକୁ ଗୁଳି କରି ହତ୍ୟା କଲା ଭିଣୋଇ
  • ||
  • ଜମି ବିବାଦକୁ ନେଇ ମାଆ ଓ ଝିଅଙ୍କୁ ଛୁରା ମାଡ଼ ଘଟଣା, ଜେଲ ଗଲା ଅଭିଯୁକ୍ତ ସୂରଜ
  • ||
  • ଭାରତୀୟ ରେଳବାଇ ରଚିଲା ଇତିହାସ, 'ଲିମକା ବୁକ୍ ଅଫ୍ ରେକର୍ଡସ'ରେ ପାଇଲା ସ୍ଥାନ
  • ||
  • କରଞ୍ଜିଆ: ଫେରିଲେ ଝାଡ଼ଖଣ୍ଡି ହାତୀପଲ, ୨୦ରୁ ଊର୍ଦ୍ଧ୍ବ ଗାଁରେ ଭୟର ବାତାବରଣ
  • ||
  • ଅଗ୍ନିକାଣ୍ଡରେ ଜଳିଗଲା ଦୁଇ ବଖରା ଘର, ନିଆଁରେ ପୋଡି ହୋଇ ମହିଳା ଗୁରୁତର
  • ||
  • ଆଜି ଶେଷ ରଜ ଉତ୍ସବ: ସବୁଠି ପିଠା, ମିଠା, ପାନର ଆସର
  • ||
  • ଆଜି ପିତୃ ଦିବସ: ବାପାଙ୍କ ପାଇଁ ଦିନଟିଏ, ବାପା ବିଶ୍ବାସର ବରଗଛ, ଭରଷାର ଭବିଷ୍ୟତ
  • ||
  • ଓଡ଼ିଶାରେ ନାକେଦମ୍ କରୁଛି ତାତି, କାଲିଠୁ ମିଳିବ ଆଶ୍ୱସ୍ତି: ୨୪ ସୁଦ୍ଧା ରାଜ୍ୟରେ ମୌସୁମୀ ବର୍ଷା ସମ୍ଭାବନା
  • ||

ଏହି ଅଭିନେତାଙ୍କ ନାଁ ଶୁଣିଲେ କାମ କରିବାକୁ ମନା କରିଦେଉଥିଲେ ଶ୍ରୀଦେବୀ, ବାଧ୍ୟ ହୋଇ ହିରୋ ବଦଳାଉଥିଲେ ମେକର୍ସ

ନୂଆଦିଲ୍ଲୀ, ୨୮/୦୫ : ବଲିଉଡର ଫାଷ୍ଟ ଲେଡି ସୁପରଷ୍ଟାର ଶ୍ରୀଦେବୀ। ଯାହାଙ୍କୁ ଦେଖି ଆକ୍ଟିଂ ଶିଖିଛନ୍ତି କରିଶ୍ମା ଏବଂ କରୀନାଙ୍କ ଭଳି ବହୁ ଆଗଧାଡିର ନାୟିକା। ସେ ଦୁନିଆକୁ ଅଲବିଦା କହିଛନ୍ତି ସତ, ହେଲେ ଆଜିବି ତାଙ୍କ ଫିଲ୍ମ ମାଧ୍ୟମରେ ଲୋକଙ୍କ ମନରେ ରହିଛନ୍ତି ଜୀବନ୍ତ। ବଲିଉଡରେ ପ୍ରାୟ ୪ ଦଶକ କାମ କରିଛନ୍ତି ଶ୍ରୀଦେବୀ। ଏହି ସମୟରେ ବହୁ ନାମୀଦାମୀ କଳାକାରଙ୍କ ସହ କରିଛନ୍ତି ଅଭିନୟ। ଜାଣିଲେ ଆଶ୍ଚର୍ଯ୍ୟ ହେବେ ବଲିଉଡର ଜଣେ ଅଭିନେତାଙ୍କ ସହ କାମ ନକରିବାକୁ ଖାଇଥିଲେ ରାଣ। ତାଙ୍କ ନାଁ ଶୁଣିଲେ ଛାଡି ଦେଉଥିଲେ ଫିଲ୍ମ। ନହେଲେ ବାଧ୍ୟ ହୋଇ ହିରୋ ବଦଳାଉଥିଲେ ମେକର୍ସ। ନିଜ ଫିଲ୍ମ କ୍ୟାରିଅରର ୪୦ ବର୍ଷ ମଧ୍ୟରେ ତାଙ୍କ ସହ କରିଛନ୍ତି ମାତ୍ର ଗୋଟିଏ ଫିଲ୍ମ। ଯାହାକି ହୋଇଥିଲା ବ୍ଲକବଷ୍ଟର। 

କାହାଣୀ ୧୯୮୩ ମସିହାର... ଫିଲ୍ମ ହିମତବାଲାର ସୁଟିଂ କରୁଥିଲେ ଶ୍ରୀଦେବୀ। ଏହି ଖବର ଶୁଣି ତାଙ୍କୁ ଭେଟିବାକୁ ସୁଟିଂ ସେଟ୍‌ରେ ପହଞ୍ଚିଥିଲେ ସଞ୍ଜୟ ଦତ୍ତ। ସେତେବେଳେ ମେକଅପ୍ ରୁମ୍‌ରେ ଥିଲେ ଶ୍ରୀଦେବୀ। ନିଶାରେ ଚୁର୍ ହୋଇ ଜୋର୍‌ରେ କବାଟକୁ ପିଟିଥିଲେ ଅଭିନେତା। ସଞ୍ଜୟ ନିଶାସକ୍ତ ଅବସ୍ଥାରେ ଥିବା ଜାଣିପାରି କବାଟ ଖୋଲି ନଥିଲେ ଶ୍ରୀଦେବୀ। ଏଥିରେ ରାଗି ଯାଇ ଆହୁରି ଜୋର୍‌ରେ କବାଟକୁ ପିଟିବାକୁ ଲାଗିଲେ ସଞ୍ଜୟ। ଶେଷରେ କବାଟ ଖୋଲିଲେ ଅଭିନେତ୍ରୀ। ସେତେବେଳକୁ ରାଗିପାଚି ଲାଲ୍ ହୋଇସାରିଥିଲେ ସଞ୍ଜୟ। ଆଉ ଶ୍ରୀଦେବୀଙ୍କୁ କରିଥିଲେ ଗାଳିଗୁଲଜ। 

ଏହା ପରଠାରୁ ସଞ୍ଜୟ ଦତ୍ତଙ୍କୁ ନେଇ ଶ୍ରୀଦେବୀଙ୍କ ମନରେ ସୃଷ୍ଟି ହୋଇଥିଲା ଘୃଣା ଭାବ। ଅଭିନେତାଙ୍କ ସହ କେବେ ଫିଲ୍ମ ନକରିବାକୁ ରାଣ ଖାଇଥିଲେ ଶ୍ରୀଦେବୀ। ସେବେଠାରୁ ସଞ୍ଜୟଙ୍କ ସହ କୌଣସି ଫିଲ୍ମ କରିବାକୁ ଅଫର ମିଳିଲେ ସଫାସଫା ମନା କରିଦେଉଥିଲେ ଅଭିନେତ୍ରୀ। ସଞ୍ଜୟଙ୍କୁ ନେଇ ୧୦ ବର୍ଷ ପର୍ଯ୍ୟନ୍ତ ଶ୍ରୀଦେବୀଙ୍କ ମନରେ ଥିଲା ଏପରି ଭୟ। ହେଲେ ଶେଷରେ ମହେଶ ଭଟ୍ଟଙ୍କ ଫିଲ୍ମ ଗୁମରାହରେ ଦୁହେଁ ଏକା ସାଙ୍ଗରେ ଆସିଲେ ନଜର। ଏହି ଫିଲ୍ମ ରିଲିଜ୍ ହେବା ପରେ ବକ୍ସ ଅଫିସ୍‌ରେ କରିଥିଲା ଧମାଲ୍। ଦୁହିଁଙ୍କ ଯୋଡିକୁ ଖୁବ୍ ପସନ୍ଦ କଲେ ଦର୍ଶକ।

ଫିଲ୍ମ ଗୁମରାହ ପରେ ଗୋଟିଏ ପରେ ଗୋଟିଏ ହିଟ୍ ସିନେମା କରିଚାଲିଲେ ସଞ୍ଜୟ ଦତ୍ତ। ହେଲେ ବଲିଉଡ୍‌ ଠାରୁ ଦୂରେଇ ଗଲେ ଶ୍ରୀଦେବୀ। କୁହାଯାଉଛି ଯେ, ଫିଲ୍ମ କଲଙ୍କରେ ମାଧୁରୀଙ୍କ ସ୍ଥାନରେ ନଜର ଆସିଥାନ୍ତେ ଶ୍ରୀଦେବୀ। ହେଲେ ଫିଲ୍ମ ଶେଷ ହେବା ପୂର୍ବରୁ ଶ୍ରୀଦେବୀଙ୍କ ହୋଇଥିଲା ନିଧନ। 
















  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.