ନୂଆଦିଲ୍ଲୀ- ଦେଶ ଏହି ସମୟରେ ଭୀଷଣ ତାତିର ପ୍ରଭାବରେ । ରାଜଧାନୀ ଦିଲ୍ଲୀ ମଧ୍ୟ ଉତ୍ତାପରେ ସିଝୁଛି। ରବିବାର ଏଠାର ସର୍ବାଧିକ ତାପମାତ୍ରା ୪୪.୪ ଡିଗ୍ରୀ ସେଲସିୟସ ଯାଏ ପହଞ୍ଚି ଯାଇଛି, ଯାହା ଏହି ସିଜନରେ ବର୍ତ୍ତମାନ ସୁଦ୍ଧା ସର୍ବାଧିକ। ପାଣିପାଗ ବିଭାଗ ଅନୁସାରେ , ଆଗାମୀ ଏକ ସପ୍ତାହ ଯାଏ ଉତ୍ତାପରୁ ମୁକ୍ତି ମିଳିବାର ସମ୍ଭାବନା ନାହିଁ, କାରଣ ରାଜସ୍ଥାନରୁ ଆସୁଥିବା ଗରମ ପବନ ଦିଲ୍ଲୀକୁ ଆହୁରି ସିଝାଇବ। ଦିଲ୍ଲୀର ମୁଖ୍ୟ ପାଣିପାଗ କେନ୍ଦ୍ର ସଫଦରଜଙ୍ଗ ଅବଜର୍ଭଟରୀରେ ସର୍ବାଧିକ ତାପମାତ୍ରା ୪୪.୪ ଡିଗ୍ରୀ ସେଲସିୟସ ରୁଜୁ କରାଯାଇଛି, ଯାହା ସାଧାରଣ ଠାରୁ ୪ଡିଗ୍ରୀ ଅଧିକ। ଯାହାକି ନ୍ୟୁନତମ ତାପମାତ୍ରା ୨୮.୨ ଡିଗ୍ରୀ ସେଲସିୟସ ଥିଲା , ଯାହା ସାଧାରଣ ଠାରୁ ଦୁଇ ଡିଗ୍ରୀ ଅଧିକ।
ହେଲେ , ଦିଲ୍ଲୀର ଅଧିକାଂଶ କ୍ଷେତ୍ରରେ ସର୍ବାଧିକ ତାପମାତ୍ରା ୪୫ରୁ ୪୭ ଡିଗ୍ରୀ ସେଲସିୟସ ମଧ୍ୟରେ ରେକର୍ଡ କରାଯାଇଛି, ଯାହା ସାଧାରଣ ଠାରୁ ୪ରୁ ୬ ଡିଗ୍ରୀ ଅଧିକ। ନଜଫଗଡ଼ ଦେଶର ରାଜଧାନୀର ସବୁଠୁ ଗରମ ଅଞ୍ଚଳ ଭାବେ ରହିଛି, ଯେଉଁଠି ସର୍ବାଧିକ ତାପମାତ୍ରା ୪୭.୮ ଡିଗ୍ରୀ ସେଲସିୟସ ରେକର୍ଡ କରାଯାଇଛି। ନଜଫଗଡର ସର୍ବାଧିକ ତାପମାତ୍ରା ମଧ୍ୟ ଦେଶରେ ସବୁଠୁ ଅଧିକ ରହିଛି।
ଭାରତ ପାଣିପାଗ ବିଭାଗ (ଆଇଏମଡି) ଦିଲ୍ଲୀର ଅନେକ ଅଞ୍ଚଳରେ ଲୁ ହେବାର ଭବିଷ୍ୟବାଣୀ କରିଛି ଏବଂ ରେଡ୍ ଆଲର୍ଟ ଜାରି କରିଛି।ପାଣିପାଗ ବିଭାଗ ଆଂଶିକ ଭାବେ ବାଦଲ ଛାଇ ରହିବା ଓ ୨୫ରୁ ୩୫ କିଲୋମିଟର ପ୍ରତି ଘଣ୍ଟାରେ ଦ୍ରୁତ ଗତିରେ ପବନ ବହିବାର ଅନୁମାନ ଲଗାଇବା ସହ ଲୋକଙ୍କୁ ସତର୍କ ରହିବାକୁ ମଧ୍ୟ ଚେତାବନୀ ଦେଇଛି ଏବଂ ପିଲା , ବୟସ୍କ ଓ ଦୁର୍ବଳ ଓ ରୋଗୀଣା ବ୍ୟକ୍ତିଙ୍କ ଯତ୍ନ ନେବାକୁ କୁହାଯାଇଛି।