ଲକ୍ଷ୍ନୌ,୧୯।୫: ଉତ୍ତର ପ୍ରଦେଶର ଫୁଲପୁର ଓ ପ୍ରୟାଗରାଜରେ ଅଖିଳେଶ ଯାଦବ ଓ ରାହୁଲ ଗାନ୍ଧୀ  ମିଳିତ ରାଲି ଜୋରଦାର ହଙ୍ଗାମା ହୋଇଛି। ମିଳିଥିବା ସୂଚନା ଅନୁସାରେ, କର୍ମୀମାନେ ବ୍ୟାରିକେଡ୍‌ ଡେଇଁ ଷ୍ଟେଜ୍ ଉପରେ ପହଁଞ୍ଚି ଯାଇଥିଲେ। ପୋଲିସ ଲାଠି ଚାର୍ଜ କରିବା ପରେ ଘଟଣାସ୍ଥଳରେ ଦଳାଚକଟ ପରିସ୍ଥିତି ସୃଷ୍ଟି ହୋଇଥିଲା। ଉତ୍ତୋଜନାମୂଳକ ପରିସ୍ଥିତି ଦେଖି ରାହୁଲ-ଅଖିଳେଶ ଭାଷଣ ନଦେଇ ଫେରି ଯାଇଥିଲେ।  

ଇଣ୍ଡିଆ ମେଣ୍ଟର ରାଲିରେ ରାହୁଲ ଓ ଅଖିଳେଶ ଆସୁଥିବାର ଜାଣିବା ପରେ ଲୋକଙ୍କର ଭିଡ ବଢି ଯାଇଥିଲା।ହେଲିକପ୍ଟରରୁ ଓହ୍ଲାଇ ରାହୁଲ-ଅଖିଳେଶ ମଞ୍ଚରେ ପହଁଞ୍ଚି ଥିଲେ। ହେଲେ ଲୋକେ ବ୍ୟାରିକେଡ୍ ଭାଙ୍ଗି ଭିତରକୁ ପଶି ଆସିଥିଲେ। ଏହାପରେ ରାହୁଲ-ଅଖିଳେଶ ରାଗିକି ଚାଲି ଯାଇଥିଲେ। ସମାଜବାଦୀ ପାର୍ଟି ଏମଏଲସି ମାନ ସିଂହ ଯାଦବ ଏହି ହଙ୍ଗାମା ପାଇଁ ବିଜେପିକୁ ଦାୟୀ କରିଛନ୍ତି।କହିଛନ୍ତି, ବିଶାଳ ଜନସଭାରେ ପହଁଞ୍ଚିଥିବା ଭିଡକୁ ଦେଖି ବିଜେପି ଷଡଯନ୍ତ୍ର କରି ଅଧିକ ଫୋର୍ସ ମୁତୟନ କରିନଥିଲା। ଏହି କାରଣରୁ ଅବ୍ୟବସ୍ଥା ସୃଷ୍ଟି ହୋଇଥିଲା।

यूपी में आज राहुल गांधी और अखिलेश यादव की दो रैलियां थीं.

दोनों ही रैली में इतने ज्यादा लोग आए कि बैरिकेड टूट गए.

पहली रैली तो भीड़ की वजह से लाइव ही नहीं हो पाई. दूसरी रैली में गर्दा ही उड़ता रहा. pic.twitter.com/EmZXgCreCW

— Ranvijay Singh (@ranvijaylive) May 19, 2024

କୁହାଯାଉଛି ଯେ, ଅଖିଳେଶ ଓ ରାହୁଲ ପହଁଞ୍ଚିବା ପରେ ଲୋକେ ପ୍ରଥମେ ହେଲିପ୍ୟାଡ୍‌ର ବ୍ୟାରିକେଡ୍ ଭାଙ୍ଗିଥିଲେ। ଏହାପରେ ରାହୁଲ ଓ ଅଖିଳେଶ ମଞ୍ଚକୁ ଆସିବା ପରେ ବ୍ୟାରିକେଡ୍ ଭାଙ୍ଗି ଦେଇଥିଲେ। ଏଭଳି ଚାରିଆଡେ ବ୍ୟାରିକେଡ୍ ଭାଙ୍ଗି ଯାଇଥିଲା। ପୋଲିସ ରୋକିବାକୁ ଚେଷ୍ଟା କରିଥିଲା, କିନ୍ତୁ ସଫଳତା ପାଇନଥିଲା। ଭିଡର ଶିକାର ପ୍ରଥମେ ହୋଇଥିଲେ ଗଣମାଧ୍ୟମ ପ୍ରତିନିଧି। ବହୁ ମିଡିଆ କର୍ମୀ ତଳେ ପଡି ଆହତ ହୋଇଛନ୍ତି। ଜଣେ ଫଟୋଗ୍ରାଫରଙ୍କ ଗୋଡ ମଧ୍ୟ ଭାଙ୍ଗି ଯାଇଛି। ଲୋକଙ୍କୁ ଶାନ୍ତ ରହିବାକୁ ମଞ୍ଚ ଉପରୁ ବାରମ୍ବାର ଅପିଲ ହେବାପରେ ମଧ୍ୟ ଏହାର କୌଣସି ପ୍ରଭାବ ପଡିନଥିଲା। ପରିସ୍ଥିତି ଖରାପ ହେବାର ଦେଖି ଦୁଇ ନେତା ହେଲିକପ୍ଟରରେ ଚାଲିଯାଇଥିଲେ।