ନୂଆଦିଲ୍ଲୀ,୧୦/୧୨ :  ୨୦୨୩ଭାରତୀୟ ଫିଲ୍ମ ଲାଗି ଏକ ବହୁତ ଭଲ ବର୍ଷ ଭାବେ ପ୍ରମାଣିତ ହୋଇଛି । କେତେକ ଫିଲ୍ମ ବକ୍ସ ଅଫିସରେ ନୂଆ ରେକର୍ଡ଼ ସୃଷ୍ଟି କରିଛନ୍ତି । ବର୍ଷର କିଛି ମୋଷ୍ଟ ଆଓ୍ବେଟେଡ ମୁଭି ଯେଭଳି କି ଡଙ୍କି ଏବଂ ସାଲାର : ପାର୍ଟ ୧ ଏବେ ବି ରିଲିଜ ଅପେକ୍ଷାରେ ରହିଛି । ବକ୍ସ ଅଫିସରେ ଆହୁରି ବି ରେକର୍ଡ଼ ହୋଇପାରେ । ରବିବାର (୧୦ଡିସେମ୍ବର)ସୁଦ୍ଧା ଆନିମଲ ବିଶ୍ବ ସାରା ୬୫୦କୋଟି କଲେକ୍ସନ ପାର୍ କରିଛି । ରଣବୀର କପୁରଙ୍କ ଏହି ଫିଲ୍ମ ଚଳିତ ବର୍ଷ ଏହା ମାଇଲ୍ ଷ୍ଟୋନ୍ ହାସିଲ କରିବାର ଟପ୍-୪ ଭାରତୀୟ ଫିଲ୍ମରେ ସାମିଲ ହୋଇଯାଇଛି । 

ଆନିମଲ ୧ଡିସେମ୍ବରରେ ରିଲିଜ ହୋଇଥିଲା ଏବଂ ଏବେ ପର୍ଯ୍ୟନ୍ତ ସିନେମା ହଲ୍‌ରେ ଏହା ସଫଳତାର ସହ ଚାଲୁ ରହିଛି । ଆନିମଲ ପୂର୍ବରୁ ଶାହରୁଖ ଖାନଙ୍କ ଜବାନ ଏବଂ ପଠାନ ସହ ସନି ଦେଓ୍ବଲଙ୍କ ଗଦ୍ଦର ୨ ଏବଂ ରଜନୀକାନ୍ତଙ୍କ ଜେଲର ୬୫୦କୋଟି କ୍ଲବରେ ଏଣ୍ଟ୍ରି ନେଇଥିଲେ । 

ଏକ୍ସରେ ଫିଲ୍ମ ଟ୍ରେଡ ଆନାଲିଷ୍ଟ ରମେଶ ବାଲା ରବିବାର ଟ୍ବିଟ କରିଛନ୍ତି ଯେ, ‘୨୦୨୩ରେ ଭାରତୀୟ ଫିଲ୍ମ ବିଶ୍ବସାରା ବକ୍ସ ଅଫିସରେ ୬୫୦କୋଟିରୁ ଅଧିକ କଲେକ୍ସନ କରିଛି । ପଠାନ, ଜଓ୍ବାନ, ଜେଲର, ଗଦ୍ଦର ୨, ଆନିମଲ (ଏବେ ରନିଂ) । ’

ସନ୍ଦିପ ରେଡ୍ଡି ବାଙ୍ଗାଙ୍କ ଆକ୍ସନ ଫିଲ୍ମ ଆନିମଲ ରିଲିଜର କେବଳ ୯ଦିନରେ ବିଶ୍ବସାରା ୬୬୦.୮୯କୋଟିରୁ ଅଧିକ କଲେକ୍ସନ କରିଛି । ଫିଲ୍ମରେ ରଶ୍ମିକା ମନ୍ଦାନା, ଅନୀଲ କପୁର ଏବଂ ବବି ଦେଓ୍ବଲ ବି ଅଛନ୍ତି । ନିଜ ‘ଟକ୍ସିକ’ ଚରିତ୍ର ଏବଂ ପ୍ରବ୍ଲେମ୍ୟାଟିକ ସିନ ଲାଗି ଆଲୋଚନାର ସାମ୍ନା କରିବା ପରେ ବି ଫିଲ୍ମ ବିଶ୍ବ ସାରା ୭୦୦କୋଟିର କଲେକ୍ସନ ପାଖାପାଖି ପହଞ୍ଚିଛି ।