ପ୍ରମୁଖ ଖବର
  • ଯାନ୍ତ୍ରିକ ତ୍ରୁଟି ଯୋଗୁଁ ଚିଲିକାରେ ପୁଣି ଫସିଲା ଯାତ୍ରୀବାହୀ ଡଙ୍ଗା, ଦୀର୍ଘ ଏକଘଣ୍ଟା ପରେ ଉଦ୍ଧାର ହେଲେ ୩୦ ଯାତ୍ରୀ
  • ||
  • ମଙ୍ଗଳବାର ଓଡ଼ିଶା ଆସିବେ ପ୍ରଧାନମନ୍ତ୍ରୀ, ରାଜ୍ୟବାସୀଙ୍କୁ ଦେବେ ୧୯,୬୦୦ କୋଟିର ପ୍ରକଳ୍ପ ଭେଟି
  • ||
  • ପୁଲିସକୁ ଢେଲାମାରି ହତ୍ୟା ଉଦ୍ୟମ ଅଭିଯୋଗ: ଦୁର୍ଦ୍ଦାନ୍ତ ପାକା ଗିରଫ, ଭାଇ ଫେରାର
  • ||
  • ଆଜି ସରିବ ମାଟ୍ରିକ୍‌ ପରୀକ୍ଷା: ଭାଇରାଲ୍‌ ଓ ଲିକ୍‌ ଗୁଜବର ଘଟୁନି ଅନ୍ତ, କ୍ରାଇମ୍‌ବ୍ରାଞ୍ଚ୍‌ରେ ବୋର୍ଡ ଏତଲାର ଫଳ ଶୂନ୍ୟ
  • ||
  • WPL-2024: ଦିଲ୍ଲୀ କ୍ୟାପିଟାଲ୍ସର ଦମଦାର ପ୍ରଦର୍ଶନ, ଗୁଜରାଟକୁ ୨୫ରନ୍‌ରେ ହରାଇଲା
  • ||
  • କଳାହାଣ୍ଡିରେ ଇନ୍ଦ୍ରାବତୀ ଦକ୍ଷିଣ କେନାଲରେ ୨୦ ଫୁଟ୍‌ର ଘାଇ, ଦେପୁରରେ କୃତ୍ରିମ ବନ୍ୟା
  • ||
  • ରାଜ୍ୟରେ ବଦଳିବ ପାଣିପାଗ ମିଜାଜ: ଆଜିଠୁ କମିବ ତାତି, ୭ ଜିଲ୍ଲାରେ ବର୍ଷା ସମ୍ଭାବନା
  • ||

ଢେଙ୍କାନାଳ ଜିଲ୍ଲାରେ କମୁନି ଏଡ୍‌ସ, ୫ ବର୍ଷରେ ୧୫୪ ଆକ୍ରାନ୍ତ, ଗଲାଣି ୧୬ ଜୀବନ

ଢେଙ୍କାନାଳ, ୦୧/୧୨ : ଢେଙ୍କାନାଳ ଜିଲ୍ଲାରେ କମୁନି ଏଡ୍‌ସ ରୋଗୀଙ୍କ ସଂଖ୍ୟା । ଶିଳ୍ପାଞ୍ଚଳ ପରିପୁଷ୍ଟ ଢେଙ୍କାନାଳ ଜିଲ୍ଲାରେ ବିଭିନ୍ନ କାରଣ ଯୋଗୁଁ ଏଡ୍‌ସ ବୃଦ୍ଧି ଚିନ୍ତାର ବିଷୟ ହୋଇଛି । ଗତ ୫ ବର୍ଷର ୧୫୪ ଜଣ ଏଚ୍‌ଆଇଭି ପଜିଟିଭ୍‌ ଚିହ୍ନଟ ହୋଇଛନ୍ତି । ସେମାନଙ୍କ ମଧ୍ୟରୁ ୧୬ ଆକ୍ରାନ୍ତଙ୍କ ଜୀବନ ଯାଇଛି । ଏବେ ସୁଦ୍ଧା ୧୩୪ ଜଣ ଚିକିତ୍ସାଧୀନ ଅଛନ୍ତି । ଉଦ୍‌ବେଗର ବିଷୟ, ଆକ୍ରାନ୍ତଙ୍କ ମଧ୍ୟରେ ଅନେକ ଗର୍ଭବତୀ ରହିଛନ୍ତି । 

ଜିଲ୍ଲା ସ୍ୱାସ୍ଥ୍ୟ ବିଭାଗର ସୂଚନା ମୁତାବକ, ୨୦୧୯ରେ ଜିଲ୍ଲାର ୧୮ ହଜାର ୨୦୩ ଜଣଙ୍କୁ କାଉନ୍‌ସେଲିଂ କରାଯାଇଥିଲା । ସେଥିମଧ୍ୟରୁ ୧୮ ହଜାର ୧୩ ଜଣଙ୍କ ରକ୍ତ ନମୁନା ପରୀକ୍ଷା କରାଯାଇଥିଲା ବେଳେ ୪୮ ଜଣଙ୍କ ଦେହରେ ଏଡ୍‌ସ ଭୂତାଣୁ ରହିଥିବା ଚିହ୍ନଟ ହୋଇଥିଲା । ସେହିବର୍ଷ ୩ ଜଣଙ୍କର ମୃତ୍ୟୁ ହୋଇଥିଲା । ୨୦୨୦ ମସିହାରେ ୧୩ ହଜାର ୧୫୫ ଜଣଙ୍କୁ କାଉନ୍‌ସେଲିଂ କରାଯାଇ ୧୩ ହଜାର ୪୬ ଜଣଙ୍କର ରକ୍ତ ନମୁନା ପରୀକ୍ଷା କରାଯାଇଥିଲା । ସେମାନଙ୍କ ମଧ୍ୟରୁ ୨୪ ଜଣଙ୍କୁ ଏଡ୍‌ସ କବଳିତ କରିଥିଲା । ଏହି ବର୍ଷ ୩ ଜଣ ପ୍ରାଣ ହରାଇଥିଲେ । ୨୦୨୧ ମସିହାରେ ୧୬ ହଜାର ୧୧୧ ଜଣଙ୍କୁ କାଉନ୍‌ସେଲିଂ କରାଯାଇ ୧୬ ହଜାର ୯୮ ଜଣଙ୍କର ରକ୍ତ ନମୁନା ପରୀକ୍ଷା କରାଯାଇଥିଲା । ୧୯ ଜଣଙ୍କ ଦେହରେ ଏଡ୍‌ସ ଭୂତାଣୁ ଥିବା ଚିହ୍ନଟ ହୋଇଥିଲା । ୩ ଜଣ ପ୍ରାଣ ହରାଇଥିଲେ । 

୨୦୨୨ ମସିହାରେ ୧୬ ହଜାର ୬୪୧ ଜଣଙ୍କୁ କାଉନ୍‌ସେଲିଂ କରାଯାଇ ୧୬ ହଜାର ୬୪୦ ଜଣଙ୍କର ରକ୍ତ ନମୁନା ପରୀକ୍ଷା କରାଯାଇଥିଲା । ୩୨ ଜଣଙ୍କ ଦେହରେ ଏଡ୍‌ସ ଭୂତାଣୁ ଥିବା ଚିହ୍ନଟ ହୋଇଥିଲା । ଏ ବର୍ଷ ସର୍ବାଧିକ ୫ ଜଣ ପ୍ରାଣ ହରାଇଥିଲେ । ସେହିପରି ୨୦୨୩ ଅକ୍ଟୋବର ମାସ ପର୍ଯ୍ୟନ୍ତ ୧୭ ହଜାର ୫୬୩ ଜଣଙ୍କୁ କାଉନ୍‌ସେଲିଂ କରାଯାଇଥିବା ବେଳେ ସେମାନଙ୍କ ମଧ୍ୟରୁ ୧୭ ହଜାର ୫୬୦ ଜଣଙ୍କର ରକ୍ତ ନମୁନା ପରୀକ୍ଷା କରାଯାଇଛି । ତନ୍ମଧ୍ୟରୁ ୩୧ ଜଣଙ୍କ ଦେହରେ ଏଡ୍‌ସ ଭୂତାଣୁ ଥିବା ଚିହ୍ନଟ ହୋଇଛି । ଗଲା ୧୦ ମାସରେ ୨ ଜଣ ପ୍ରାଣ ହରାଇ ସାରିଲେଣି । ଏଚ୍‌ଆଇଭି ପଜିଟିଭ୍‌ ଚିହ୍ନଟ ହୋଇଥିବା ୧୫୪ ଜଣଙ୍କ ମଧ୍ୟରୁ ୧୩୪ ଜଣ ରୋଗୀ ଡାକ୍ତରଙ୍କ ସହ ଯୋଗାଯୋଗରେ ରହି ପ୍ରତିମାସରେ ଔଷଧ ନେଉଛନ୍ତି । ମାତ୍ର ଅନ୍ୟ ୨୦ ଜଣ ସ୍ୱାସ୍ଥ୍ୟ ବିଭାଗ ତାଲିକାରୁ ଅନ୍ତର୍ଦ୍ଧାନ ଅଛନ୍ତି । ସେମାନେ ସ୍ୱାସ୍ଥ୍ୟ ବିଭାଗ ସହିତ ଯୋଗାଯୋଗରେ ନାହାନ୍ତି । ଏଚ୍‌ଆଇଭି ପଜିଟିଭ୍‌ ହୋଇଥିବା ୧୦୭ ଜଣ ରୋଗୀଙ୍କୁ ମଧୁବାବୁ ପେନ୍‌ସନ୍‌ ଯୋଜନାରେ ମାସିକ ୫୦୦ ଟଙ୍କା ଲେଖାଏଁ ଭତ୍ତା ଦିଆଯାଉଛି । 

ଜିଲ୍ଲାର ବିଶେଷ ଭାବରେ ଶିଳ୍ପାଞ୍ଚଳଗୁଡ଼ିକରେ ଏହି ରୋଗୀଙ୍କ ସଂଖ୍ୟା ଅଧିକ ଥିବା କୁହାଯାଉଛି । ଏଥିସହ ଜିଲ୍ଲା ମଧ୍ୟ ଦେଇ ୫୫ ନଂ. ଓ ୫୩ ନଂ. ଜାତୀୟ ରାଜପଥ ଯାଇଛି । ରାଜପଥରେ ବହୁ ସଂଖ୍ୟାରେ ଲାଇନ୍‌ ଟ୍ରକ୍‌ ଯାତାୟତ କରୁଛି । ଶିଳ୍ପ ଓ ଖଣିଖାଦାନ ଅଞ୍ଚଳ ହୋଇଥିବାରୁ ବହୁସଂଖ୍ୟାରେ ବାହାର ରାଜ୍ୟରେ ବହୁ ଗାଡ଼ି ଏଠାକୁ ଆସୁଛି । ସେହିପରି ବାହାର ରାଜ୍ୟରେ ବହୁ ଶ୍ରମିକ ଜିଲ୍ଲାରେ କାମ କରୁଛନ୍ତି । ଆକ୍ରାନ୍ତଙ୍କ ମଧ୍ୟରୁ ଅଧିକାଂଶ ଡ୍ରାଇଭର ଓ ଶ୍ରମିକ ଶ୍ରେଣୀର ବୋଲି କୁହାଯାଉଛି । ସ୍କୁଲ୍‌, କଲେଜ, ଜାତୀୟ ରାଜପଥରେ ସଚେତନତା କାର୍ଯ୍ୟକ୍ରମ କରାଯାଉଥିବା ଜିଲ୍ଲା ଆଇସିଡିଏସ୍‌ ସୁପର୍‌ଭାଇଜର ରୁଦ୍ରନାରାୟଣ ମିଶ୍ର କହିଛନ୍ତି। ଚିକିତ୍ସା ଅପେକ୍ଷା ଏଥିପ୍ରତି ସତର୍କ ଓ ସଚେତନ ରହିଲେ ଏହି ମାରାତ୍ମକ ରୋଗରୁ ରକ୍ଷା ମିଳିପାରିବ ବୋଲି ବୁଦ୍ଧିଜୀବୀ ମହଲରେ ମତ ପ୍ରକାଶ ପାଇଛି। 

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.