ପ୍ରମୂଖ ଖବର
  • ଟି-ଟ୍ୱେଣ୍ଟି ବିଶ୍ୱକପ୍‌ ୨୦୨୪: ଫ୍ଲୋରିଡାରେ ବନ୍ୟା, ୟୁଏସ୍‌ଏ-ଆୟର୍ଲାଣ୍ଡ୍‌ ମ୍ୟାଚ୍‌ ବାତିଲ ଆଶଙ୍କା
  • ||
  • ମଙ୍ଗଳବାର ଖୋଲିବ ସ୍କୁଲ: ପ୍ରଥମରୁ ଦିଆଯିବ ମଧ୍ୟାହ୍ନଭୋଜନ, ରୋଷେଇ ପୂର୍ବରୁ ସାମଗ୍ରୀ ଯାଞ୍ଚ କରିବାକୁ ନିର୍ଦ୍ଦେଶ
  • ||
  • ରଥଖଳା ହାଲ୍‌ଚାଲ୍‌...ପାଞ୍ଚ ଦେବ ଦମ୍ପତିଙ୍କୁ ଏକତ୍ର ପନ୍ତି ଅର୍ପଣ ସମ୍ପନ୍ନ, ଦଣ୍ଡାରେ ଲାଗିଲା ଆଗ-ପଛ ମୁହାଁଟ
  • ||
  • କୋଣାର୍କ ରାସ୍ତାରେ ଓଲଟିଲା ପିକଅପ୍ ଭ୍ୟାନ୍, ୨ ମୃତ ୧୦ରୁ ଉର୍ଦ୍ଧ୍ଵ ଆହତ
  • ||
  • ରଣେନ୍ଦ୍ର ପ୍ରତାପ ସ୍ୱାଇଁ ଅସ୍ଥାୟୀ ବାଚସ୍ପତି: ୧୮ ଓ ୧୯ରେ ବିଧାୟକଙ୍କ ଶପଥ ଉତ୍ସବ, ୨୦ରେ ବାଚସ୍ପତି ନିର୍ବାଚନ
  • ||
  • ଶୁକ୍ରବାର ଶ୍ରୀମନ୍ଦିର ନୀତି ସବ୍‌କମିଟି ଓ ଛତିଶା ନିଯୋଗ ବୈଠକ, ସ୍ନାନଯାତ୍ରା ନୀତି ନିର୍ଘଣ୍ଟକୁ ମିଳିବ ଅନୁମୋଦନ
  • ||
  • ରଜ ମଉଜକୁ ଫିକା କରିଦେବ ଗୁଳୁଗୁଳି, ଆସନ୍ତା ୨ ଦିନ ଯାଏ ତାତିରୁ ନାହିଁ ନିସ୍ତାର
  • ||

ଖାଉଟିଙ୍କୁ ଆଶ୍ୱସ୍ତି: ୨୭.୫ ଟଙ୍କାରେ ମିଳିବ ‘ଭାରତ ଅଟା, ମୋବାଇଲ୍‌ ଭ୍ୟାନ୍‌ରେ ୧୦ ଓ ୩୦ କିଲୋ ପ୍ୟାକ୍‌ରେ ବିକ୍ରି ହେବ

ନୂଆଦିଲ୍ଲୀ,୦୭/୧୧ : ଅଟାର ବର୍ଦ୍ଧିତ ଦରରୁ ଖାଉଟିଙ୍କୁ ଆଶ୍ୱସ୍ତି ଦେବା ପାଇଁ ଆଜି କେନ୍ଦ୍ର ସରକାର ‘ଭାରତ ଅଟା’ର ଶୁଭାରମ୍ଭ କରିଛନ୍ତି । ଦେଶବ୍ୟାପୀ କିଲୋ ପିଛା ୨୭.୫୦ ଟଙ୍କାରେ ଏହି ଅଟା ଉପଲବ୍ଧ ହେବ । କେନ୍ଦ୍ର ମନ୍ତ୍ରୀ ପୀୟୂଷ ଗୋୟଲ ସୋମବାର ଦିଲ୍ଲୀରେ ଅଟା ବିତରଣ ଯାନଗୁଡ଼ିକୁ ସବୁଜ ପତାକା ଦେଖାଇ ବଜାରକୁ ଛାଡ଼ିଛନ୍ତି । ମୋବାଇଲ ଭ୍ୟାନ୍‌ରେ  ୧୦ କିଲୋ ଏବଂ ୩୦ କିଲୋ ପ୍ୟାକ୍‌ରେ ଏହି ଅଟା ମିଳିବ ।

ଦେଶବ୍ୟାପୀ ୨ ହଜାର ଆଉଟ୍‌ଲେଟ୍‌ରେ ଏ ଅଟା ଉପଲବ୍ଧ ହେବ । ଏହାକୁ ନ୍ୟାସ୍‌ନାଲ ଏଗ୍ରିକଲ୍‌ଚରାଲ କୋଅପରେଟିଭ୍‌ ମାର୍କେଟିଂ ଫେଡେରେଶନ୍‌ ଅଫ୍‌ ଇଣ୍ଡିଆ ଲିମିଟେଡ୍‌(ନାଫେଡ୍‌), ନ୍ୟାସ୍‌ନାଲ କୋଅପରେଟିଭ୍‌ କଞ୍ଜ୍ୟୁମର୍ସ ଫେଡେରେଶନ୍‌ ଅଫ୍‌ ଇଣ୍ଡିଆ (ଏନ୍‌ସିସିଏଫ୍‌), ସଫଳ, ମଦର ଡାଏରି ଏବଂ ଅନ୍ୟ ସହକାରୀ ସଂସ୍ଥାନ ଗୁଡ଼ିକ ଜରିଆରେ ବିକ୍ରି କରାଯିବ । କେନ୍ଦ୍ରମନ୍ତ୍ରୀ ପୀୟୂଷ ଗୋୟଲ ଏ ଅବସରରେ କହିଛନ୍ତି, ‘ଭାରତ ଅଟା’ ପାଇଁ ବିଭିନ୍ନ ସରକାରୀ ଏଜେନ୍ସିଗୁଡ଼ିକୁ ଦେଢ଼ ଲକ୍ଷ ମେଟ୍ରିକ୍‌ ଟନ୍‌ ଗହମ ଆବଣ୍ଟନ କରାଯାଇଛି ।   ଉପଭୋକ୍ତା ବ୍ୟାପାର ବିଭାଗ ଅନୁସାରେ, ଏବେ ଦେଶରେ ଅଟାର ହାରାହାରି ଦର କିଲୋ ପିଛା ୩୫ ଟଙ୍କା ରହିଛି ।

ବଜାରରେ ଅଣ-ବ୍ରାଣ୍ଡେଡ୍‌ ଅଟାର ଖୁଚୁରା ଦର କିଲୋ ପିଛା ୩୦ରୁ ୪୦ ଟଙ୍କା ରହିଛି । ବ୍ରାଣ୍ଡେଡ୍‌ ଅଟା କିଲୋ ପିଛା ୪୦ରୁ ୫୦ ଟଙ୍କାରେ ବିକ୍ରି ହେଉଛି । ଲଗାତର ଗହମର ବର୍ଦ୍ଧିତ ଦର ଯୋଗୁ ପୂଜା ଋତୁରେ ଅଟା ଦରରେ ଦ୍ରୁତ ବୃଦ୍ଧିକୁ ଦୃଷ୍ଟିରେ ରଖି ସରକାର ଶସ୍ତାରେ ଅଟା ଯୋଗାଇବାକୁ ନିଷ୍ପତ୍ତି ନେଇଛନ୍ତି । 

ଉଲ୍ଲେଖଯୋଗ୍ୟ, ପିଆଜର ବର୍ଦ୍ଧିତ ଦରରୁ ଉପଭୋକ୍ତାଙ୍କୁ ଆଶ୍ୱସ୍ତି ଦେବା ପାଇଁ ସରକାର କିଲୋ ପିଛା ୨୫ ଟଙ୍କାରେ ପିଆଜ ବିକ୍ରି କରୁଛନ୍ତି । ନ୍ୟାସ୍‌ନାଲ କୋଅପରେଟିଭ୍‌ କଞ୍ଜ୍ୟୁମର୍ସ ଫେଡେରେଶନ୍‌ ଅଫ୍‌ ଇଣ୍ଡିଆ ଅର୍ଥାତ୍‌ ଏନ୍‌ସିସିଏଫ୍‌ ଏବଂ ନାଫେଡ୍‌ କିଲୋ ପିଛା ୨୫ ଟଙ୍କା ଦରରେ ପୂର୍ବରୁ ବଫର ପିଆଜ ବିକ୍ରି କରୁଛନ୍ତି ।

ଏନ୍‌ସିସିଏଫ୍‌ ୨୦ ରାଜ୍ୟର ୫୪ ସହରରେ ୪୫୭ ରିଟେଲ ଷ୍ଟୋରରେ ରିହାତି ଦରରେ ପିଆଜ ବିକ୍ରି କରୁଛି । ସେହିଭଳି ନାଫେଡ୍‌ ୨୧ ରାଜ୍ୟର ୫୫ ସହରରେ ୩୨୯ ରିଟେଲ ଷ୍ଟୋରରେ ରିହାତି ଦରରେ ପିଆଜ ବିକ୍ରି କରୁଛି । ଏହାବ୍ୟତୀତ ସରକାର କିଲୋ ପିଛା ୬୦ ଟଙ୍କା ଦରରେ ‘ଭାରତ ଡାଲି’(ଚଣା ଡାଲି) ଉପଲବ୍ଧ କରାଉଛନ୍ତି ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.