ନୂଆଦିଲ୍ଲୀ: ଦେଶର ଅନ୍ୟତମ ବୃହତ୍ତମ ଏୟାର ଲାଇନ୍ସ କମ୍ପାନୀ ଟାଟା ଗ୍ରୁପର ଏୟାର ଇଣ୍ଡିଆ ଏକ ବଡ ଭୁଲ କରିଛି, ଯେଉଁଥି ପାଇଁ ତାଙ୍କୁ ବର୍ତ୍ତମାନ ୮୦ ଲକ୍ଷ ଟଙ୍କା ଜୋରିମାନା ଦେବାକୁ ପଡିବ । ବିମାନ ଉଡ଼ାଣ ସୁରକ୍ଷା ଏବଂ କ୍ରୁ ସଦସ୍ୟଙ୍କ ଥକ୍କାପଣ ହ୍ରାସ ପାଇଁ ନିର୍ମିତ ନିୟମର ଉଲ୍ଲଂଘନ ପାଇଁ ବିମାନ ଚଳାଚଳ ନିୟାମକ ମହାନିର୍ଦେଶକ (ଡିଜିସିଏ) ଏୟାର ଇଣ୍ଡିଆ ଉପରେ ଏହି ଜୋରିମାନା ଲଗାଇଛି ।
ସୂଚନା ଅନୁସାରେ ଡିଜିସିଏ ଏହାର ଅନୁସନ୍ଧାନରେ ଜାଣିବାକୁ ପାଇଛି ଯେ, ଏୟାର ଇଣ୍ଡିଆ ବିମାନ କ୍ରୁ ସଦସ୍ୟଙ୍କ ସ୍ୱାସ୍ଥ୍ୟ ସହ ଜଡିତ ନିୟମକୁ ସଠିକ୍ ଭାବରେ ପାଳନ କରୁ ନାହିଁ । କମ୍ପାନୀ ସେମାନଙ୍କ ଥକ୍କାକୁ ଦୃଷ୍ଟିରେ ରଖି କ୍ରୁ ସଦସ୍ୟଙ୍କ ଫ୍ଲାଇଙ୍ଗ୍ ଡ୍ୟୁଟି ଘଣ୍ଟା ଏବଂ ସମୟ ପରିଚାଳନାକୁ ସଠିକ୍ ଭାବରେ ପରିଚାଳନା କରିବାରେ ସକ୍ଷମ ହୋଇ ନାହିଁ । ତେଣୁ କମ୍ପାନୀକୁ ବର୍ତ୍ତମାନ ଏହି ଜରିମାନା ଦେବାକୁ ପଡିବ । ତେବେ ଆପଣ ଜାଣନ୍ତି କି କ୍ରୁ ସଦସ୍ୟ ମାନଙ୍କ ବିଶ୍ରାମ ପାଇଁ ନିୟମ କ’ଣ ?
ବେସାମରିକ ବିମାନ ଚଳାଚଳ ନିର୍ଦ୍ଦେଶାଳୟ (ଡିଜିସିଏ) ଜାନୁଆରୀରେ ଏୟାର ଇଣ୍ଡିଆର ଏକ ସାଇଟ୍ ଅଡିଟ୍ କରିଥିଲା । ଏହି ସମୟ ମଧ୍ୟରେ ମିଳିଥିବା ପ୍ରମାଣ ଆଧାରରେ ଏହି ନିଷ୍ପତ୍ତି ନିଆଯାଇଛି ।