ପ୍ରମୂଖ ଖବର
  • ଜନ୍ମବେଦିରୁ ବାହୁଡ଼ିଲେ ଦାରୁବ୍ରହ୍ମ,ବୁଧବାର ସୁନାବେଶ, ଗୁରୁବାର ଅଧରପଣା, ଶୁକ୍ରବାର ନୀଳାଦ୍ରି ବିଜେ
  • ||
  • ଝାରସୁଗୁଡ଼ା: ଧାର ଟଙ୍କା ଫେରସ୍ତକୁ ନେଇ ଗୁଳିକାଣ୍ଡ, ଜଣେ ଆହତ
  • ||
  • ବିଶ୍ୱ ସର୍ପ ଦିବସ: ବର୍ଷା ଦିନେ ସତର୍କତା ଜରୁରି, ୫ ବର୍ଷରେ ଗଲାଣି ୫୨୧୯ ଜୀବନ
  • ||
  • ବାରିପଦା : ସ୍କୁଟିକୁ ଧକ୍କା ଦେଲା ଟ୍ରକ୍, ୨ ମୃତ
  • ||
  • ମୁମ୍ବାଇ ଏକ୍ସପ୍ରେସ ହାଇୱେରେ ବସ୍-ଟ୍ରାକ୍ଟର ମୁହାଁମୁହିଁ ଧକ୍କା, ୫ମୃତ, ୪୨ ଆହାତ
  • ||
  • ସଇଁନ୍ତଳା ରାଇସମିଲ ନିକଟରେ ହାଇୱା ଟ୍ରକକୁ ପିଟିଲା ଯାତ୍ରୀବାହୀ ବସ୍‌, ଏକାଧିକ ଯାତ୍ରୀ ଆହତ
  • ||
  • ରାଜ୍ୟରେ ଲଘୁଚାପ ସକ୍ରିୟ: ୧୭ରୁ ବଢ଼ିବ ବର୍ଷା, ଉତ୍ତର ଓ ଦକ୍ଷିଣ ଓଡ଼ିଶାରେ ଅଧିକ ବର୍ଷିବ
  • ||

ଭାପୁର ତହସିଲ କାର୍ଯ୍ୟାଳୟରେ ବଡ ଧରଣର ବିସ୍ଫୋରଣ, ଉଡିଲା ଘରର ଛାତ ଓ କାନ୍ଥ, ଜଣେ ଗୁରୁତର ୩ ଆହତ

ଭାପୁର, ୦୪/୦୭ : ନୟାଗଡ ଜିଲ୍ଲା ଭାପୁର ତହସିଲ କାର୍ଯ୍ୟାଳୟରେ ବଡ ଧରଣର ବିସ୍ଫୋରଣ ଘଟିଛି। ବିସ୍ପୋରଣ ଏତେ ଭୟଙ୍କର ଥିଲା ଯେ ଘରର ଛାତ, କାନ୍ଥ ଉଡିଯାଇଥିବା ବେଳେ ଗୋଟିଏ ବଡ ଜାମୁ ଗଛ ପୋଡି ଯାଇଛି। ଘରେ ଭିତରେ ରହୁଥିବା ଗୋଟିଏ ପରିବାରର ଛଅ ଜଣ ଅଳ୍ପକେ ରକ୍ଷା ପାଇଯାଇଛନ୍ତି।

ଘଟଣାରୁ ପ୍ରକାଶ ଯେ, ତହସିଲ କାର୍ଯ୍ୟାଳୟ ପରିସରରେ ଥିବା ଏକ ସରକାରୀ ବାସଭବନରେ ତହସିଲର ଜଣେ କର୍ମଚାରୀ କୈଳାସ ଦାଶ ରହୁଥିଲେ। ଘରେ ପରିବାର ଲୋକେ ଶୋଇଥିବା ବେଳେ ଭୋର ସାଢେ ତିନିଟାରେ ଘର ଭିତରେ ଗ୍ୟାସ୍ ଟାଙ୍କି ଫାଟି ବଡ ଧରଣର ବିସ୍ଫୋରଣ ଘଟିଥିଲା। ପରିବାର ଲୋକେ ଭୟଭୀତ ହୋଇ ଚିତ୍କାର କରିବା ସହିତ ବାଡିପଟକୁ ବାହାରି ଆସିଥିଲେ। କୈଳାସ ଦାଶ ଆହତ ହୋଇ ଭାପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସିତ ହେଉଛନ୍ତି‌। 

କୈଳାସ ପଲଙ୍କ ଉପରେ ଶୋଇଥିବା ବେଳେ ମଶାରୀ ଟାଣି ତାଭିତରେ ଟେବୁଲ ଫ୍ୟାନ ଲଗାଇ ଥିଲେ। ଫ୍ୟାନ ଭିତରେ ମଶାରୀ ଗୁଡେଇ ହୋଇ ବିଦ୍ୟୁତ୍ ସର୍ଟସର୍କିଟ୍ ଘଟି ନିଆଁ ଲାଗି ଯାଇଥିଲା। ଅଗ୍ନିକାଣ୍ଡରେ ଘରର ଖଟ, ଆସବପତ୍ର ପୋଡି ଯିବା ସହିତ ଗ୍ୟାସ୍ ଟାଙ୍କିରେ ନିଆଁ ଲାଗି ଯାଇଥିଲା। ଫଳରେ ବଡଧରଣର ବିସ୍ଫୋରଣ ଘଟିଥିଲା। କ୍ୱଟରର ଛାତ, କାନ୍ଥ, ଉଡିଯାଇଥିବା ବେଳେ ଘର ଆଗରେ ଥିବା ଜାମୁ ଗଛ ଜଳିଯାଇଥିଲା। କୈଳାସ ଦାଶ ଆହତ ହୋଇଥିବା ବେଳେ ତାଙ୍କର ଧର୍ମପତ୍ନୀ ସାମନ୍ୟ ଆହତ ହୋଇଛନ୍ତି। ତାଙ୍କର ମାଆ ଓ ପୁଅ ଝିଅ ଅଳ୍ପକେ ରକ୍ଷା ପାଇ ଯାଇଛନ୍ତି।



  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Rath Yatra

    Copyright © 2024 - Summa Real Media Private Limited. All Rights Reserved.