ମାଲକାନଗିରି,୨୩/୫(ଆପ୍ର ) ଶିଳ୍ପୀ ବିହୀନ ମାଲକାନଗିରି ଜିଲ୍ଲା ରେ ଅନେକ ଯୁବଗୋଷ୍ଠୀ କାମ ନପାଇ ପରିବାର ଚଲାଇବା ପାଇଁ ବାହାର ରାଜ୍ୟକୁ  ଦାଦନ ଖଟିବାକୁ ପଳାଇଥାନ୍ତି। ହେଲେ ଜଣେ ଶିକ୍ଷିତ ବେକାରୀ ଯୁବକ ମାଛ ଚାଷ କରି ନିଜେ ସ୍ୱାବଲମ୍ବି ହେବା ସହିତ ଗାଁର ଅନ୍ୟ ଯୁବକ ମାନଙ୍କୁ ରୋଜଗାର ର ବାଟ ଦେଖାଇଛି।

ପୂର୍ବରୁ ମାଲକାନଗିରି ଜିଲ୍ଲାକୁ ଆନ୍ଧ୍ରପ୍ରଦେଶ ର ବରଫ ଦିଆ ମାଛ ଆସୁଥିଲା। ମାଛ ଚାଷ କହିଲେ   ଲୋକେ ଉପକୂଳ ଓଡିଶାକୁ ବୁଝୁଥିଲା । ଏବେ ଆଦିବାସୀ ଅଧ୍ୟୁଷିତ ମାଲକାନଗିରି ଜିଲ୍ଲାରେ ବି ହେଲାଣି ମାଛ ଚାଷ ।  ଏବେ ଅନେକ ଯୁବକ  ମାଛ ଚାଷରେ ସ୍ୱାବଲମ୍ବୀ ହୋଇଥିବା ଦେଖିବାକି ମିଳୁଛି । ମାଲକାନଗିରି ଜିଲ୍ଲାର ଖଇରପୁଟ ବ୍ଲକ ଅଞ୍ଚଳ ର ଆଦିବାସୀ ଯୁବକ ଆନନ୍ଦ ଚାରିକ । ପୂର୍ବରୁ ଛୋଟ ଏକ ପାଖରୀରେ  ମାଛ ଚାଷ କରିଥିବା ଆନନ୍ଦ ଚାର୍କୀ କିଛି ବର୍ଷ ବ୍ୟବଧାନ ପରେ ପୋଖରୀକୁ ଖୋଳି ବଡ଼ କରି ପୁଣି ମାଛ ଚାଷ କରିଛନ୍ତି । ଚଳିତ ବର୍ଷ ସେ ଦୁଇ ଏକର ପୋଖରୀ ରେ ପ୍ରାୟ ୫ହଜାରରୁ ଉର୍ଦ୍ଧ ମାଛ ଯାଆଁଳ ଛାଡି ଥିଲେ, ପୋଖରୀ ନବୀକରଣ, ମାଛ ଯାଆଁଳ, ଦାନା ଅନ୍ୟାନ ଖର୍ଚ୍ଚ ନେଇ ତାଙ୍କର ପ୍ରାୟ ତିନି ଲକ୍ଷ ଟଙ୍କା ଖର୍ଚ୍ଚ କରି ସାରିଛନ୍ତି। ଆନନ୍ଦ ନିଜ ପୋଖରୀ ରେ ରୋହି, ଭାକୁର , ରୂପଚାନ୍ଦ, ଭଳି ଅନେକ ପ୍ରକାର କିସମ ର ମାଛ ଚାଷ କରିଛନ୍ତି ।

ପୋଖରୀ ରୁ ମାଛ ବିକ୍ରୀ କରି ବର୍ଷକୁ ପ୍ରାୟ ୬ରୁ ୭ଲକ୍ଷ ଟଙ୍କା ରୋଜଗାର କରିବା ପାଇଁ ଆଶା ରଖିଛନ୍ତି।ଏବେ ମାଛ ଗୁଡିକ ବଢ଼ି ପ୍ରାୟ ୩ରୁ ୪ କେଜି ହେଲାଣି, ସେ ବେପାରୀ ଓ ଖାଉଟି ମାନଙ୍କୁ କେଜି ପିଛା ଦେଢ଼ଶହ ଟଙ୍କାରେ ବିକ୍ରୀ କରୁଛନ୍ତି। ତାଙ୍କୁ ମୁଖ୍ୟମନ୍ତ୍ରୀଙ୍କ ମତ୍ସ ଚାଷ ଯୋଜନାରେ ୫୦ ହଜାର ଟଙ୍କା ପ୍ରୋତ୍ସାହନ ରାଶି ମିଳିଛି। ଦୁଇ ଏକର ଜମିରେ ସେ କରିଥିବା ମାଛ ଚାଷ ଚଳିତ ବର୍ଷ ତାଙ୍କୁ ଭଲ ଆୟ ଦେବ ବୋଲି ଆନନ୍ଦ କହିଛନ୍ତି । ଆନନ୍ଦ ଅନ୍ୟ ବେକାରୀ ଯୁବକ ମାନଙ୍କ ପାଇଁ ଉଦାହରଣ ପାଲଟିଛି।