ନୂଆଦିଲ୍ଲୀ,୮।୧୨: କୁହାଯାଏ ଯେ ବ୍ରହ୍ମାଣ୍ଡ ଏପରି ଏକ ସ୍ଥାନ ଯାହା ରହସ୍ୟରେ ପରିପୂର୍ଣ୍ଣ । ଏହା ବିଷୟରେ ବହୁତ କିଛି ଜାଣିବା ପରେ ବି ବହୁତ କିଛି ଅଛି ଯାହା ବୈଜ୍ଞାନିକମାନେ ଏପର୍ଯ୍ୟନ୍ତ ଜାଣି ନାହାଁନ୍ତି। ବ୍ରହ୍ମାଣ୍ଡରେ କେବେ ପ୍ରକୃତିର ସୁନ୍ଦରତା ଦେଖିବାକୁ ମିଳିଥାଏ ତ ଆଉ କେବେ ଏହାର ବିକରାଳ ରୂପ ଦେଖାଯାଏ। ନିକଟରେ ଏରୋନେଟିକାଲ୍ ଏବଂ ସ୍ପେସ୍ ରିସର୍ଚ୍ଚ ଏଜେନ୍ସି ନାସା ଏହି ୟୁନିଭର୍ସର ଫଟୋ ଜାରି କରିଥିଲା ତାହା ଯେତେ ସୁନ୍ଦର ସେତିକି ଭୟଙ୍କର।
ଉଲ୍ଲେଖନୀୟ ଯେ, ଜେମ୍ସ ଓ୍ବେବ୍ ସ୍ପେସ୍ ଟେଲିସ୍କୋପ୍ରେ ଦେଖା ଯାଇଥିବା ଏହି ଦୃଶ୍ୟ କିଛି ଏଭଳି ଥିଲା ଯେଉଁଭଳି ୟୁନିଭର୍ସରେ ଡିପ୍ ସ୍ପେସ୍ ଲବ୍ ମନଷ୍ଟର ଅର୍ଥାତ କୌଣସି ଭୟଙ୍କର ପିଚାସ। ଟେଲିସ୍କୋପ୍ରୁ ମିଳିଥିବା ଫଟୋରେ ଏକ ବିଶାଳ ଧୂଳି ଭରିଥିବା ଆକାଶଗଙ୍ଗା ଦେଖିବାକୁ ମିଳିଥିଲା, ଯାହାକି ପ୍ରତି ବର୍ଷ ଶତାଧିକ ତାରାକୁ ଜନ୍ମ ଦେଇଥାଏ। କିନ୍ତୁ ଏହା କିଛି ଏଭଳି ସେପ୍ରେ ଅଛି ଯେ, ଭୟଙ୍କର ଲାଗୁଥିଲା। ଏହା ଏଭଳି ଯେପରିକି ଏହାର ଦୁଇଟି ବଡ ଆଖି ଓ ଖୋଲା ମୁହଁ ଥିବା ଚେହେରା।
ଏହି ଫଟୋ ଅଷ୍ଟିନ୍ରେ ଟେକ୍ସାସ୍ ବିଶ୍ବବିଦ୍ୟାଳୟ(ୟୁଟି)ର ଭୂବିଜ୍ଞାନୀଙ୍କ ଧ୍ୟାନ ଆକର୍ଷଣ କରିଥିଲା। ସେମାନେ ଦୂରବୀକ୍ଷଣର ଡାଟା ଆନାଲାଇଜ୍ କରିଥିଲେ। ବିଶ୍ଲେଷଣ ପରେ ସେ ବୁଝିପାରିଥିଲେ ଆକାଶଗଙ୍ଗା AzTECC71 ବିଗ୍ ବ୍ୟାଙ୍ଗର ପ୍ରାୟ ୯୦୦ ମିଲିୟନ ବର୍ଷ ପରେ ଅସ୍ତିତ୍ବରେ ଆସିଯାଇଥିଲା। ଧ୍ୟାନରେ ଦେଖିବା ପରେ ଏହା ଗାଲାକ୍ସି ନୁହେଁ ବଂର ଭୂତ ଭଳି ଦେଖାଯାଉଥିଲା, ଯେପରି ସେ ଚିତ୍କାର କରୁଛି।
