କଟକ,୨୦।୨ ମାଟ୍ରିକ ପରୀକ୍ଷାର ଆଜି ଥିଲା ପ୍ରଥମ ଦିନ। ମାତୃଭାଷା ସାହିତ୍ୟ ରେ ପରୀକ୍ଷା ଦେଇଛନ୍ତି ଛାତ୍ରଛାତ୍ରୀ । ତେବେ ମାଟ୍ରିକ ପରୀକ୍ଷାରେ କପି କରି ପ୍ରଥମ ଦିନରେ ଧରା ପଡିଛନ୍ତି ୧୦ ପରୀକ୍ଷାର୍ଥୀ। ସେଥିରେ ୮ ଜଣ ରେଗୁଲାର ପରୀକ୍ଷାର୍ଥୀ ଥିବା ବେଳେ ୨ ଜଣ ଓପନ ସ୍କୁଲ ପରୀକ୍ଷାର୍ଥୀ ଅଛନ୍ତି।
ରାଜ୍ୟରେ ୩ହଜାର୪୭ କେନ୍ଦ୍ରରେ ୫ ଲକ୍ଷ ୫୧ହଜାର ୬୧୧ଛାତ୍ରଛାତ୍ରୀ ପରୀକ୍ଷା ଦେଇଛନ୍ତି। ଚଳିତ ବର୍ଷ ପରୀକ୍ଷା ରେ ପରିବର୍ତ୍ତନ ସହ ନୂତନତ୍ତ୍ୱ ଆପଣାଇଛି ବୋର୍ଡ। ସମୟ ୯ ଟା ରେ ପରୀକ୍ଷା ଥିବା ବେଳେ ୭ଟା ୩୦ ସୁଦ୍ଧା ଛାତ୍ର ଛାତ୍ରୀ ଙ୍କୁ ପ୍ରବେଶ ପାଇଁ ପୂର୍ବ ନିର୍ଦେଶ ରହିଥିଲା। .୮ଟା ୧୫ ପରେ ପରୀକ୍ଷା ହଲ କୁ ପ୍ରବେଶ ନିଷେଧ କରିଥିଲା ବୋର୍ଡ। ସେହିପରି ସର୍ଟ ଓ ଫୁଲ ମାର୍କ ପାଇଁ ସମୟ ସୀମା ଓ ପ୍ରଶ୍ନ ପତ୍ର ଅଲଗା ଅଲଗା କରାଯାଇଥିଲା।