ଭୁବନେଶ୍ୱର, ୦୫/୦୯ : ରାଜ୍ୟରେ ବିଗତ ୫ ବର୍ଷରେ ବଜ୍ରପାତ ୧୧୦୩ ଜଣ ମୃତ୍ୟୁର ଶିକାର ହୋଇଛନ୍ତି । ସୁନ୍ଦରଗଡ଼,କେନ୍ଦୁଝର, ବାଲେଶ୍ୱର ଜିଲ୍ଲାରେ ମୃତ୍ୟ ସଂଖ୍ୟା ରହିଛି ସର୍ବାଧିକ । ତେଣୁ ଏହି ଅଞ୍ଚଳରେ ବଜ୍ରପାତ ରୋକିବାକୁ ତାଳ ଗଛ ରୋପଣ ପାଇଁ ରାଜସ୍ୱ ବିଭାଗ ଜଙ୍ଗଲ ବିଭାଗକୁ ୭କୋଟି ଟଙ୍କା ପ୍ରଦାନ କରିଛି । ବଜ୍ରପାତରେ ମୃତ୍ୟୁ ବରଣ କରୁଥିବା ଲୋକଙ୍କ ପରିବାରକୁ ୪ ଲକ୍ଷ ଟଙ୍କା କ୍ଷତିପୁରଣ ଦିଆଯାଉଛି । 

ସୂଚନା ମୁତାବକ, ରାଜ୍ୟରେ ବିଗତ ୫ ବର୍ଷରେ ବଜ୍ରପାତରେ ପ୍ରାଣ ହରାଇଥିବା ଲୋକଙ୍କ ସଂଖ୍ୟା ବଢିଛି  । ଏହି ସଂଖ୍ୟା ବର୍ତ୍ତମାନ ୧୧୦୩ ରେ ପହଞ୍ଚିଛି । ସାଧାରଣତଃ ଖଣିଜ ପଦାର୍ଥ ଅଧିକ ରହିଥିବା ରାଜ୍ୟରେ ବଜ୍ରପାତ ବେଶୀ ହୋଇଥାଏ । ତେଣୁ ସୁନ୍ଦରଗଡ଼, କେନ୍ଦୁଝର, ବାଲେଶ୍ୱରରେ ମୃତ୍ୟ ସଂଖ୍ୟା ଅଧିକ ରହିଛି । ଏହାର କୌଣସି ସ୍ଥାୟୀ ନିରାକରଣ ନଥିବା ବେଳେ ଗବେଷଣା ଜାରି ରହିଛି । ଏଭଳି ସ୍ଥିତିରେ ବଜ୍ରପାତ ରୋକିବାକୁ ତାଳଗଛ ଉପରେ ଗୁରୁତ୍ୱ ଦିଆଯାଇଛି । ତେଣୁ ଏହି ଅଞ୍ଚଳରେ ତାଳଗଛ ଲଗାଇବା ପାଇଁ ରାଜସ୍ୱ ବିଭାଗ ଜଙ୍ଗଲ ବିଭାଗକୁ ୭ କୋଟି ଟଙ୍କା ପ୍ରଦାନ କରିଛି । ବଜ୍ରପାତରେ ମୃତ୍ୟୁ ବରଣ କରୁଥିବା ଲୋକଙ୍କ ପରିବାରକୁ ୪ ଲକ୍ଷ ଟଙ୍କା କ୍ଷତିପୁରଣ ମଧ୍ୟ ଦିଆଯାଉଛି । ଏନେଇ ଗୃହରେ ରାଜସ୍ୱ ଏବଂ ବିପର୍ଯ୍ୟୟ ପରିଚାଳନା ମନ୍ତ୍ରୀ ସୁରେଶ ପୂଜାରୀ ସୂଚନା ଦେଇଛନ୍ତି ।